புதுக் கவிதை முத்துக்களின் அணிவகுப்பு (2ம் நாள் தொடர் )

இன்பக் கவிதை வடிப்பதனாலே
எத்தனை எத்தனை ஆர்வமிங்கே
அத்தனை இனிய உறவுகளையும்
அறிமுகம் செய்திடவா முடியுமிங்கே ....!!!!

(1) ஆதிரா முல்லை !
இதமாய் கவிதை வரிகளினால்
எம் இதயம் மகிழப் பொருளுரைப்பார்
அழகாய் கவிதை வடிக்கும் இனிய
ஆதிரா என்னும் அழகிய முல்லை ...!!
துயரம் தழுவிய போதினிலே மனம்
துவண்டு வந்த வரிகளைப் பார் .......!!!!
(மரபுக் கவிதையாலும் எம் மனங்களில் நிற்கிறார் ...!! )
ஆதிரா பக்கங்கள் (ஆதிரா முல்லை )
http://tamizhnodigal.blogspot.ch/

சாய்ந்ததோ தளிரின் வாழை

            சரிந்ததோ இளைய ஈழம்

ஓய்ந்ததோ உயிரின் ஓசை

            ஒடிந்ததோ ஆலின் விழுது

ஆய்ந்ததோ தந்தை வீரம்

            அகத்தினில் உளதோ என்று

பாய்ந்ததோ குண்டு மாரி

            பாலச் சந்திரன் மார்பில்

http://tamizhnodigal.blogspot.ch/2013/03/blog-post_13.html

(2)

சொல்லில் பொருளைச் சுவைமிகவே 

அள்ளிக் கொடுக்கும் கவிஞன் இவன் 

நெல்லுக்கிறைத்த நீர் தானே இனியும் 

நெருங்கிக் கொஞ்சம் வாழ்துரைப்போம் .

செய்தாலி (செய்தாலி)

http://nizammudeen-abdulkader.blogspot.ch/

நடுநிசிவரை 

அறையை தலைகீழ் கமிழ்த்தி  உதறி 

விளக்கணைத்த பிந்திய 

இரவில் எப்போதோ  

உறங்கிப் போயிருந்தேன் சலனச் சுமையோடு 

தலைமாட்டில்  இருந்து 

நகைத்தபடி யாரோ சிலர்

விருட்டேழுந்தேன் நேரம் தவறி இருந்தது 

மீண்டும் ஒரு முயற்ச்சியாய் 

குடியிருப்பச் சுற்றி   வட்டமிட்டது  விழியும் மனமும் 

http://nizammudeen-abdulkader.blogspot.ch/2013/04/blog-post_30.html

(3)

ஒரு கவிதையிலேயே உள்ளம் துலைந்தது 

இது கவிதை என உணர்ந்தது மனம் 

வரிகளிலே உணர்சிகளையும் கொஞ்சம் 

வகைப்படுத்தித் தான் காட்டுகின்றார் ...!!

கரைசேரா அலைகள் (அரசன் சே )

http://karaiseraaalai.blogspot.ch/

வெளிநாட்டில் இருந்த என்னை அழைத்து 

நலம் விசாரித்துக் கொண்டிருந்தார் 

உன் அப்பா 

உன்னைத் தேடிக் கண்கள் 

கதவிடுக்கையில் சிக்கிக்கொண்டன 

பின்புறம் நின்றுகொண்டிருந்தாய் 

பிறகு 

http://karaiseraaalai.blogspot.ch/2012/11/blog-post_24.html

(4)

சின்னச் சின்ன வரியெடுதுக்

கவிதை புனைகிறார் மனதில்  

இன்னும் இன்னும் வேண்டும் என்றே 

உணர வைக்கின்றார் ..........!!!!!

அனாதைக் காதலன் கவிதைகள் (பிரபாகரன் சரேவஞ்சி )

http://anaadhaikathalan.blogspot.ch/

                                                           எது பூ ?...எது நீ ?.......

உன் எழில் இப் பிரபஞ்சத்தின் 

அழகென்று சொல்லிக்கொண்டிருக்கையில் 

கேட்டுக் கொண்டிருந்த பிரபஞ்சம் 

கள்ளத் தனமாகத் தன்னழகைக்

கூட்டிக் கொண்டே போனது ......!!!!

http://anaadhaikathalan.blogspot.ch/2013/07/blog-post.html

(5)

அழகான வார்த்தைக் தொகுப்பினால் 

கவிதைச் சரங்களைத் தொடுத்து வழங்கும் 

திறன் படைத்தவர் -இவரின் வளர்ச்சிக்குத் 

தோள்கொடுக்க வாருங்கள் உறவுகளே ....

தமிழ் கவிதைகள் (பாஸ்கர் .S)

http://nellaibaskar.blogspot.ch/

                                                              எறும்புக் கூட்டம் 

மெல்லென நடை பயிலும் 

பாவையின் பின் நடக்கும் 

காளையின் நடைக்கு ஒப்ப 

மேவிய ஒலியெழுப்பி முன் செல்லும் 

வண்டி தொட்டு .......

                                          http://nellaibaskar.blogspot.ch/2013/07/blog-post_162.html

(6)

மறக்க முடியாத நினைவுகளை 

மனம்போல எடுத்துரைத்துக் 

கவிதை இங்கே புனையும் அழகு 

மிக அழகாகத்தான் இருக்குறது ...!!

காக்கைச் சிறகினிலே (அகல் )

http://kakkaisirakinile.blogspot.ch/

13 JUNE 2013

அத்தனையும் என் ஞாபகத்தில்

 பட்டாம் பூச்சிகள் நிறைந்த

உனது பட்டுப்பாவாடை 
குட்டைச் சட்டை

உன் கழுத்தோடு 
ராட்டினமாடும்
ரெட்டை ஜடை

உன் ஆள்காட்டி
விரலின் வழியே
பார்த்த அந்த
மேகக்குதிரை

அடிவானத்தில்
அரவணைத்துக் கொண்டே
பறந்துபோன அந்திநேர
மைனாக் குஞ்சுகள் -

http://kakkaisirakinile.blogspot.ch/2013/06/blog-post_13.html

(7)

கடற்கரையின்றிக் கவிதைகள் ஏது  

கவிதைகள் மட்டுமா தருகுது பாரு என 

இளையவன் எழுதிய கவிதையைக் கண்டு 

மனமது மகிழ வாழ்த்துங்கள் இங்கே ......

சிதறல்கள் (விஜய் ஆனந்த்.S )

http://envirosrvijay.blogspot.ch/

கடற்கரை காவியம் படைக்க

கவின்மிகு இடம் - என

கதை எழுதுவோர் உரைப்பர்...

ஆம்,

கடற்கரை காவியம் படைக்க மட்டுமல்ல

கலங்கரை விளக்காய்

கலங்கா மனிதரை -கருவாக்கும்

புனித மடி!

http://envirosrvijay.blogspot.ch/2011/08/blog-post_12.html

(8)

அழகிய கவிதை வரிகளைப் புனையும் 

புதியவன் வருகையைப் புரிந்துணர்வோடு 

மனமது மகிழ வாழ்துரைத்து

வாழ வைக்கலாம் வாருங்கள் உறவுகளே ....

கவியரங்கம் ( கவி ரூபன் )

குழந்தை பிறந்த போது…

எந்த ஜென்மத்து தொடா்போ 
என் மடியில் தவழ்கின்றாள் 
என் செல்வ மகள்

பூமிக்கு வந்த புது உயிர் 
நீ என்று சொல்லத்தான் ஆசை… 
ஆனாலும் உனக்கிது 
எத்தனையாவது வருகையோ?

கால் கொண்டு உதைக்கின்றாள் 
கை கொண்டு அடிக்கின்றாள் 
பூவுக்கு கை, கால் முளைத்ததென 
எண்ணி எண்ணி மகிழ்கிறேன் நான்!

http://kaviyarankam.blogspot.ch/2012/10/blog-post.html

(9)

கவிதை சொல்ல வந்த மகள் 

நற் கருத்தும் சொல்லிச் செல்கின்றாள் 

விரைந்து இவள் கவி வளம் பெறவே 

விருப்புடனே நல் வாழ்துரைப்போம் வாருங்கள் ..

பூவிழி (பூவிழி )

http://poovizi.blogspot.ch/

                                                                      காதல் நெறி ..........

காதல் நெறியாம்

கவிதை படைப்பது

என்னவென்று

விழைந்தால் அது

காவியமாய்

கண்ணை கட்டுது

இட்டுகட்டி நிரப்பலாம்

என்றால் ....

இலக்கணம் உதைக்குது

இடைவிடாது சிந்தித்தாலும்

இயல்பை ....

இயம்ப முடியவில்லை

இறுதியில்

காகிதசட்டியில்

எழுத்துகளை அள்ளியிட்டு

வதக்கி விட்டேன்

பதார்த்தமாய் ...

பதமாய் வந்ததா தெரியாது

http://poovizi.blogspot.ch/2013/04/blog-post_22.html

(10)

பூங்கோதை படைப்பினிலே 

புதிதாகப் பூத்த மலர் இனியும் 

ஏங்காமல் சிரித்திருக்க எம் 

வாழ்த்தை நாமுரைப்போம் வாருங்கள் !...

பூங்கோதை படைப்புகள் (பூங்கோதை செல்வன் )

http://poonka.blogspot.ch/

கானல் நீர் உறவுகள்...

கருக்கொண்ட கனவுகளை

கருவிலேயே சிதைத்துவிட்டு

அருவமாய் ஓரு கரியமூலைக்குள்

சுருண்டு போகிறேன்.... என்

கசந்த பார்வையில்

குவியம் தொலைந்து போன

காட்சிகளாய் உலக உறவுகள்

கையேந்தி நிற்கா கடினமனம்...

பிடிவாதம் உடுத்திக்கொண்ட

பிச்சைக்காரியாய்...பாசத்தைத் தேடி

நாவரண்டு தவித்த போது.............

http://poonka.blogspot.ch/2013/01/blog-post_30.html

(11)

வலைத்தளம் என்பதே எம் வாழ்வை 

வசப்பட வைத்தது அன்பாலே .........

நிலைத்திடுமோ துயர் வரும் பிரிவாலே என 

நினைத்திட வைத்த கவிதை வரி (லி ) கள் இங்கே ...!!!!

மழைகழுவிய பூக்கள் (அதிசயா )

http://athisaya.blogspot.ch/

                  விடைகேட்டு வருகின்றேன் வாசல் திறவுங்கள் 

                                 விடை  கேட்டு 

விரல் அசைத்து

விலகப்போகிறேன்.-வாசல் திறவுங்கள்.

நான் "அதிசயா"-"மழை கழுவிய பூக்கள்"  தான்விலாசம்.

அன்றொரு நாள் பொறி ஒன்று விழுந்த வேகத்தில்எம்பிப்பறந்தவள்

அதனால் தான் வானங்கள் எனக்கும் வசப்பட்டது,

வார்த்தைகள் வரிக்குள் சிறைப்பட்து.

அறிந்திரா முகங்களோடு அணுஅணுவாய் நெருங்கி

சொந்தமென்று தேர்ந்துகொண்டேன.

சேர்த்துக்கொண்டீர்.

இதுவரை இங்கு வாழ்ந்தது மெய்தான்-இனியும் 

வாழ்வேன்  சிறு .....

http://athisaya.blogspot.ch/2012/09/blog-post_12.html

(12)

ஒரு சின்னக் கிறுக்கல் எம் 

எண்ணத்தைச் சரிசெய்கின்றது இவள் 

வண்ணக் கவிதைகள் வலம்வர வேண்டும் என 

வாழ்த்துங்கள் உறவுகளே ..............

சின்னச் சின்ன சிதறல்கள் (அகிலா )

http://www.ahilas.com/

சித்திரமாய் ..........

அமிலத்தைக் கொண்டு 
பெண்மையைச் சிதைக்க 
அலைந்துக் கொண்டிருக்கிறது ஒரு கூட்டம்... 

அதை விற்க தடை கோரி 
ஏழு வருடமாய் தவமிருக்கிறது
இன்னொரு கூட்டம்... 

சட்டம் இயற்றச் சொல்லி 
பதினோரு வாரமாய் காத்திருக்கிறது 
வழக்காடு மன்றம்... 

http://www.ahilas.com/2013/07/blog-post_10.html#comment-form

(13)

தன் எண்ணத் திரைதனில் விழுந்த நற் கருத்தனை 

எந்நாளும் கவிதையாய் வடிக்கின்றார் 

இவர் இன்னும் வளம்பெற வேண்டும் என்று 

இனிதே ஊக்கம் அளித்திடுங்கள்...............

 கவிதை (சீனி )

http://seeni-kavithaigal.blogspot.ch/

இது நி

யாயமா!?

அரசு அனுமதி பெற்ற-

''இடம்'' தான்!

படித்த என் மகன்-

அங்கு வேலைக்கு-

போவது பிடிக்கவில்லை-

எனக்கு தான்!

என்னை தான் -

இந்த ஊர் -

தூற்றியது -

''சாராய -

வியாபாரி''-என!

http://seeni-kavithaigal.blogspot.ch/2011/12/blog-post_24.html

வணக்கம் என் அன்பு நெஞ்சங்களே .முடிந்தவரை கவிதை படைக்கும் படைப்பாளிகளை அறிமுகம் செய்துள்ளேன் என்று நினைக்கின்றேன் .நான் அறியாது சிலரைத் தவற விட்டிருப்பேன் .அவ்வாறு தவறுகள் நிகழ்ந்திருந்தால் பொறுத்தருளவும் .ரிஷபன் என்னும் பெயருடைய சகோதரரர் மிக அழகாகக் கவிதை வடிப்பார் .அவரது தளம் சலங்கையின்றி ஆடுகின்றது இப்போது .இதுபோல்  ஒரு சிலரின் தளம் வாசிக்க முடியாமல் உள்ளது .இதனைச் சரி செய்து கொள்ளுங்கள் உறவுகளே .மீண்டும் நாளை சிந்திப்போம் .மிக்க நன்றி என்னை ஊக்குவிக்கும் அனைத்து நல் இதயங்களுக்கும் .