ஸ்கூல் பையன் - சுய தம்பட்டம்

வணக்கம் நண்பர்களே, சகோதர சகோதரிகளே !

ஒரு வார காலத்துக்கு வலைச்சர ஆசிரியர் பொறுப்பேற்பதில் மிகவும் மகிழ்ச்சியடைகிறேன்.  பதிவு எழுதவந்து ஒரு வருடம் கூட ஆகாத நிலையில் இப்படி ஒரு வாய்ப்பு அளித்ததற்கு மதிப்புக்குரிய சீனா ஐயா அவர்களுக்கும் திரு.தமிழ்வாசி பிரகாஷ் அவர்களுக்கும் நன்றி சொல்ல கடமைப்பட்டிருக்கிறேன்.  அதே நேரத்தில் நான் மேலும் சிலருக்கும் நன்றி சொல்ல வேண்டிய நேரத்துக்கு வந்திருக்கிறேன்.  அவர்கள் - என்னை வலைச்சரத்தில் அறிமுகப்படுத்திய பதிவர்கள்.  கடுமையான பணிச்சுமை, நேரமின்மை போன்ற காரணங்களால் எழுத முடியாமல் துவண்டிருக்கும் வேளையில் ஒரு வலைச்சர அறிமுகமும் அதனைத்தொடர்ந்து வரும் பார்வையாளர்களின் கருத்துகளும் புத்துணர்வு அளிக்கும் விதமாக இருக்கும் என்பது நானே உணர்ந்த உண்மை.  அறிமுகப்படுத்திய அன்றே அந்த ஆசிரியர்களுக்கு  பின்னூட்டத்தில் எத்தனை பெரிதாக நன்றி சொல்லிக்கொண்டாலும் அது அவர்கள் செய்த பணிக்கு ஈடாகாது. ஆகவே ஸ்கூல் பையன் தளத்தை வலைச்சரத்தில் அறிமுகப்படுத்திய நல்ல உள்ளங்களுக்கு இந்த முதல் நாளில் வலைச்சர ஆசிரியராக நன்றி சொல்லிக்கொள்கிறேன்.

இதோ, அந்தப் பதிவர்கள் தேதி வாரியாக:

1. திடங்கொண்டு போராடு சீனு - 31.01.2013

2. தி.தமிழ் இளங்கோ - 24.02.2013

3. அருணா செல்வம் - 24.03.2013

4. பிச்சைக்காரன் - 24.05.2013

5. கவிநயா - 01.06.2013

இவர்களைத் தவிர ஆறாவதாக கடந்த வார ஆசிரியர் சக்கரகட்டி அவர்களும் 06.08.2013 அன்று ௦என்னை அறிமுகப்படுத்தியுள்ளார்.  இவர்கள் அனைவருக்கும் ஒரு சிறப்பு நன்றி.

====================

என்னுடன் அலுவலகத்தில் வேலை செய்யும் நண்பர் ஒருவருக்கு ஒரு பெரிய பிரச்சனை. மூன்று வருடங்களுக்கு முன் அவருக்கு ஒரு பெண் குழந்தை பிறந்தது.  அந்தக் குழந்தைக்கோ இரண்டு கால்களும் வளைந்தே இருந்தது.  அதனை சரி செய்ய மருத்துவர்கள் அறுவை சிகிச்சை செய்யவேண்டும் என்று கூறிவிட்டனர்.  இதனால் மனமுடைந்த அவர் குழந்தைக்கு அறுவை சிகிச்சை வெற்றிகரமாக முடிந்து கால்கள் சரியாகிவிட்டால் கீழ் திருப்பதியில் இருந்து மேல் திருப்பதி வரை நடந்தே வந்து தரிசிப்பதாக வேண்டியிருந்தார்.  ஒருமுறை இருமுறையல்ல.  மாதா மாதம், அதுவும் வாழ்நாள் வரை.  வேண்டியது போலவே அறுவை சிகிச்சையும் வெற்றிகரமாக முடிந்தது, குழந்தைக்கும் கால்கள் சரியானது.  அன்றிலிருந்து இன்று வரை நண்பர் வேண்டுதலை நிறைவேற்றி வருகிறார்.  ஒவ்வொரு மாதமும் ஏதாவது ஒரு சனிக்கிழமையில் மதியம் சென்னையிலிருந்து திருப்பதிக்கு ரயிலேறி விடுவார்.  நானும் இவருக்குத் துணையாக பலமுறை பாத யாத்திரையாக திருப்பதி சென்றிருக்கிறேன்.  அப்படி சென்று வந்ததையே முதல் பதிவாக பதிந்திருக்கிறேன். படித்துப் பாருங்கள்.

திருமலா திருப்பதி பாத யாத்திரை

கடந்த வருடத்தில் ஒரு நாள் அலுவலக நண்பர்கள் ஐந்து பேர் சேர்ந்து ஒரு சுற்றுலா சென்றுவரலாம் என்று முடிவு செய்திருந்தோம்.  அதற்காக சிறப்பு அனுமதியும் வாங்கியிருந்தோம்.  ஒரே துறையைச் சேர்ந்த ஐந்து பேர் விடுப்பு எடுப்பதற்காகவே அந்த சிறப்பு அனுமதி.  ஏதாவது ஒரு வித்தியாசமான இடத்துக்குச் சென்று பொழுதைக் கழிக்க வேண்டி இணையத்தில் தேடியதில் ஐவருக்குமே கேரள மாநிலம் ஆலப்புழை சிறந்ததாகப் பட்டது. அங்கு போன அனுபவமும் அங்கே அனுபவித்ததும் பயணக்கட்டுரையாக:

பாகம் 1: பயணக்கட்டுரை - ஆலப்புழை படகு சவாரி - 1

பாகம் 2: பயணக்கட்டுரை - ஆலப்புழை படகு சவாரி - 2

ஹோட்டல்களுக்குப் போய் சாப்பிடுவதென்றால் எனக்கு மிகவும் பிடிக்கும்.  அதுவும் சாதாரண ஹோட்டல்களைவிட நட்சத்திர அந்தஸ்து பெற்ற ஹோட்டல்களில் சாப்பிடுவதென்றால் அலாதி பிரியம்.  வித்தியாசமான ஹோட்டல்களைத் தேடிப்பிடித்து சாப்பிட்டிருக்கிறேன்.  அவற்றில் சில

ஹோட்டல் - பார்க் ஷெரட்டன் ஹோட்டல்ஸ் & டவர்ஸ், சென்னை

ஹோட்டல் - ZAATAR

ஹோட்டல்களில் சாப்பிடுவது போலவே சினிமா பார்ப்பதென்றால் மிகவும் பிடிக்கும், அதுவும் முதல் நாளே.  சினிமா விமர்சனம் எழுதுவதில் எனக்கு விருப்பமில்லை என்றாலும் அதிக நண்பர்கள் வருவதற்காகவும் மற்ற நண்பர்களின் வேண்டுகோளுக்காகவும் எழுதி வருகிறேன்.  நான் எழுதிய பதிவுகளிலேயே மிகவும் அதிக பார்வையிடப்பட்ட பதிவு ஒரு சினிமா விமர்சனமே. இதோ அந்த நம்பர் ஒன் பதிவு.

திருமதி தமிழ் - சினிமா விமர்சனம்

ஹரிதாஸ் - சினிமா விமர்சனம் (நான் எழுதியதிலேயே எனக்கு மிகவும் பிடித்த சினிமா விமர்சனம்)

திடீரென்று ஒரு கவிதை உதயமாகும் என் மனதில்.  அது நன்றாக இருக்கிறதோ இல்லையோ, பதிவிடவேண்டும் என்று என் மனம் கிடந்தது துடிக்கும்.  அப்படிப் பதிவிட்டதில் நன்று என்று அனைவராலும் பாராட்டப்பட்ட கவிதைகளுக்கான சுட்டிகள் கீழே.

மனிதம் தேடி

பிச்சைக்காரன்

கவிதையைப் போலவே கதையும் திடீரென்று உதயமாகும்.  ஆனால் சிறுகதைகளை உடனடியாக பதிவிட முடியாது.  நீட்டி வளர்த்து வார்த்தைகளை சரிபார்த்து என பல வேலைகளுக்குப் பின்னரே வெளியிடுகிறேன்.  அப்படி வெளியிட்டும் சில தவறுகள் பின்னூட்டங்கள் மூலம் சுட்டிக்காட்டப்பட்டிருக்கின்றன.  நான் எழுதிய கதைகள் உங்கள் பார்வைக்கு

அருண் O -ve (சிறுகதை)

கடன் - சிறுகதை

வலைப்பூ என்பது நாம் நமது அனுபவங்களைப் பதிவு செய்யும் டைரி என்று யாரோ சொல்லக் கேட்டிருக்கிறேன்.  எனக்கு ஏற்பட்ட பல அனுபவங்களை என் வலைப்பூவில் பதியவிருக்கிறேன், பதிந்ததில் உங்கள் பார்வைக்கு

பரபரப்பான பதினைத்து நிமிடங்கள்

நண்பர்களே, இன்று என் வலைப்பூவில் வெளியாகியிருக்கும் ரத்தம் பார்க்கின் என்ற சிறுகதையையும் படியுங்கள்.  கருத்துக்களைப் பகிருங்கள்.

நாளை: எனது தேடல்கள்

நன்றி