மங்கையராய் பிறந்திடவே....

மங்கையராய் பிறந்திடவே....


அன்புள்ள அத்தை காயத்ரி ராஜேஷ்குமார் அவர்களுக்கு உங்கள் மருமகள்  உமா அனேக  நமஸ்காரத்துடன் எழுதுவது. மாமா , அண்ணன், அண்ணி குழந்தைகள் மற்றும் தங்களின் நலம் கூட அறிய ஆவலாய் இருக்கிறேன்.  லெட்டர் ல எழுதற மாதிரி ஷேம நலம் லாம் விசாரிசிட்டிருக்கே  னு   இங்க இவர் திட்டிட்டு இருக்கார் (நானும் பதில் கொடுத்துட்டேன் என்னை திட்டலேன்னா உங்க பொழுது விடியாதேனு ) என்ன தான் மின்னஞ்சலாக இருந்தாலும் பெரியவங்களுக்கு எழுதறப்ப இப்படி எழுதறது தானே முறை.

அப்புறம் அமெரிக்கா எப்படி இருக்கு. எல்லாரும் என்னை மட்டும் விட்டுட்டு வேலைக்கு போயிடறா போர் அடிக்குது னு போன்ல சொன்னீங்க.  பிசினஸ் மீட்டிங் எல்லாத்தையும் மூட்டை கட்டி வச்சிட்டு கொஞ்சம் உங்களுக்காகவும் டயம் ஒதுக்க சொல்லுங்க மாமாவை. இங்க மட்டும் 
என்ன வாழுது. அத்தை  நீங்க இருக்கிறப்ப  கொஞ்சம் பரவாயில்ல பயந்துட்டு சீக்கிரம் வந்துருவாரு. இப்ப நீங்க வேற இல்லையா ரொம்ப லேட்டா வறாரு கேட்டால் கேர் பண்ண மாட்டேங்குறாரு. இந்த ஆண்கள் பெண்களுக்குனு ஒரு உலகம் இருக்கு அவங்களோட  உலகத்துலயும் கொஞ்சம் அவங்களுக்காக டயம் ஸ்பென் பண்ணுவோம் னு அக்கறையே கிடையாது. வீடே கதின்னு கிடக்கிறதினாலே நமக்கு இப்படி தோணுது போலிருக்கு. நாமளும் வேலைக்கு போயிருந்தா இப்படிலாம் தோணாதுனு நினைக்கிறேன்.

நேற்று நான் முக நூல்ல ஒரு சமுதாய நிகழ்வை பற்றி ஸ்டேடஸ் போட்டேன். என்ன ரெஸ்பான்ஸ் தெரியுமா. இவர் கிட்டே சொல்றேன்  
சட்டை பண்ணவே இல்லை கேட்டால் அதான் இத்தனை பேர் லைக் பண்ணிருக்காங்களே. கூட்டத்தோட என்னையும்  கோரஸ் பாட சொல்றியா 
கேட்கிறார். எவ்வளவு பேர் பாராட்டினாலும்  புருஷனோட பாராட்டு நமக்கெல்லாம் விலை மதிப்பில்லாத ஒண்ணுனு அவருக்கு ஏன் புரிய மாட்டேங்குது. சரி விசயத்துக்கு வரேன்.


நீங்க போரடிக்குது னு  சொன்னதால் இணையத்தில் படிக்கிறதுக்காக 
 நான் நீங்க கேட்ட படி பெண்கள் எழுதற சில தளங்களை அறிமுகப்படுதறேன்.  

ராதா ராணி, அவங்களோட ராதாஸ் கிச்சன்  ல  சமையல், வீட்டு மருத்துவம், கோலங்கள் னு வித விதமா பதிவுகள் இருக்கு.

அடுத்து  பவித்ரா நந்தகுமார்  இவங்க தளத்துல சிறுகதை, கட்டுரைகள் கவிதைகள், கோலங்கள், இப்படி நிறைய இருக்கு. அது மட்டும் இல்லாம உங்களுக்கு பிடிச்ச எழுத்தாளர் இந்துமதியை சந்திச்சது பற்றி கூட  எழுதியிருக்காங்க

அடுத்து ஆனந்தி , இவங்களோட  அன்புடன் ஆனந்தி  தளத்துல கவிதை சமையல் அனுபவம் னு நிறைய எழுதறாங்க 

அடுத்து பிரியா இவங்க பெயிண்டிங் கலையில கிரேட். கவிதையும் எழுதுவாங்க  வெளிநாட்டில் சென்று வந்த இடங்கள் பற்றியும் எழுதுவாங்க வரையறது எப்படின்னு சொல்றாங்க பாருங்க. என் மனதில் இருந்து  

இளையநிலா  இளமதி இவங்க கவிதை எழுதறது மட்டுமில்லாம க்வி லிங்க்   செய்யறதிலே கூட கலக்கறாங்க. நீங்க கத்துக்க ஆசைப்படுவீங்க னு நினைக்கிறேன். 

அடுத்து ஜீவா ராஜசேகர் இவங்க  நினைவலைகள்   தளத்துல
அறிந்துகொள்வோம் கவிதைகள்னு எழுதறாங்க. தண்ணீர் பற்றிய கட்டுரை எழுதியிருக்காங்க படிங்க நல்ல பதிவு இது

அடுத்து அபயா அருணா இவங்க தளம் நினைவுகள்  கொஞ்சம் நகைச்சுவை கலந்து எழுதறாங்க நல்லாருக்கு

இது போதும் னு நினைக்கிறப்ப, ஏற்கனவே அறிமுகமானவங்களா  இருந்தாலும் லேடீஸ் பத்தி எழுதற பதிவுல  கண்டிப்பா இவங்களை பத்தியும் நான் சொல்லி யாகணும். 

காணமல் போன கனவுகள் ராஜி  இவங்க சமையல் கோவில்கள் ஜாலி கட்டுரை இப்படி நிறைய எழுதறாங்க. இவங்க போடற கமெண்ட் கூட நகைச்சுவையா எழுதறாங்க.

தென்றல் சசிகலா இவங்க  தென்றல் தளத்துல கவிதை கொட்டி கிடக்கு நாட்டுபுற பாட்டு  திண்ணை பேச்சு  கூட  எழுதிட்டிருக்காங்க


அடுத்து  ரஞ்சனி நாராயணன் அம்மா இவங்க தளத்துல படிக்க பல விஷயங்கள் இருக்கு 

இன்னும் நிறைய பெண்கள் எழுதறாங்க அவங்களை பத்தி அப்புறமா சொல்றேன். 

இதோ உங்க பேர  பசங்க வந்துட்டாங்க நீங்க அமெரிக்கா போறப்ப அழைச்சிட்டு போகல னு  உங்க கிட்டே டூ விட்டிருக்கிறதா சொல்ல சொல்றாங்க.  ஒரு பாக்ஸ் நிறைய சாக்லெட் வாங்கி நீங்க அனுப்ப போறதா  அவங்க கிட்டே போன்ல பேசறப்ப சொல்லிடுங்க.

அப்புறம் உங்க பிள்ளை கேட்கிறார். நீங்க ரெண்டு பேரும்  வாரத்துக்கு ஒரு சண்டையாவது போட்டு என்னையும் அப்பாவையும் உயிரை வாங்குவீங்க இப்ப என்ன பாச மழை பொழியுது  னு கிண்டல் அடிக்கிறார். கண்ணு வைக்காதீங்க னு கண்டிச்சிட்டு இருக்கேன் 

இப்படி எழுதிகிட்டே இருந்தால் நான் எப்ப படிக்கிறது னு நீங்க சொல்றது எனக்கு புரியது. எனக்கென்னமோ இன்னும் கொஞ்ச நாள்ல நீங்க எதுனா பேசறதா இருந்தால் சாட்டிங் ல வா னு  சொல்ல போறீங்க னு நினைக்கிறேன் 

ப்ரியமுடன் 

உங்கள் மருமகள்

உமா சிவா 

பெண்கள் பற்றி எழுதுவதால் இப்படி ஒரு பெண்ணோட பார்வையில எழுதியிருக்கேன் ஏதேனும் குறைகள் இருந்தால் மன்னிக்கவும் 

மங்கையராய் பிறந்திடவே மாதவம் செய்திடல் வேண்டும் 

நாளை சந்திப்போம் 

ஆர்.வி.சரவணன்