நன்றி பாராட்டும் நேரமிது.....

நன்றி பாராட்டும் நேரமிது.....


வலைச்சர ஆசிரியர் பணிக்காக, நான் எந்த தளம் சென்றாலும் 
அங்கே திண்டுக்கல் தனபாலன் சார் ஏற்கனவே அறிமுகமாகி 
அங்கு கருத்துரையிட்டிருந்தார்.அவரது தேடலையும்  மீறி 
என்னால் புதிதாக தளங்கள் கண்டு பிடிப்பது கொஞ்சம் கஷ்டமாக 
தான் இருந்தது.(எனது பதிவுகளை தமிழ் மணத்தில் 
இணைத்ததோடு மட்டுமில்லாமல் என் அறிமுகங்களை 
மற்றவர்களுக்கு தெரியபடுத்தியமைக்கும்  மிக்க நன்றி சார் ) 

மேலும் நான் செல்லும் தளங்கள் எல்லாம் ஏற்கனவே வலைச்சரத்தில் அறிமுகமாகி இருந்தது. வலைச்சரத்தில் அறிமுகமாகாத தளங்கள் கண்டு பிடிக்க நான் கஷ்டபட்ட போது தான், வலைச்சரம் அடைந்திருக்கும் புகழை 
தெரிந்து கொள்ள முடிந்தது 

இப்போது நன்றி பாராட்ட வேண்டிய நேரத்திற்கு வந்து விட்டேன்.


"பாடல் சிறப்பாக உள்ளது
உண்மையில் தொடர்ந்து முயன்றிருந்தால்
உச்சம் தொட்டிருப்பீர்கள்"

என்று நான் எழுதிய சினிமா பாட்டு ஒன்றிற்கு இப்படி வாழ்த்து 
தெரிவித்து உற்சாகபடுத்திய தீதும்நன்றும் பிறர் தர வாரா ரமணி சார், 
என் சிறுகதை ஒன்றை படித்து உங்க மேல எதிர்பார்ப்பு ஜாஸ்தியாகுது 
சரவணன் என்று சொன்ன அஹமது இர்ஷாத், அன்போடு அண்ணன் 
என்று உரிமை பாராட்டி வரும் நண்பர் சே.குமார், மற்றும் இணையத்தில் அறிமுகமாகியவரை நான் சந்திக்க சென்ற போது என் தயக்கத்தை 
விரட்டி அடித்து என்னுடன் தோழமையுடன் பழகிய கரந்தை ஜெயக்குமார், எனது கதையின கேரக்டருக்கு ரசிகனாகி விட்டேன் என்று சொல்லிய பாலாவின் பக்கங்கள் பாலா, மற்றும் கரைசேராஅலை அரசன், திடங்கொண்டு போராடும் சீனு ........ இப்படி தொடரும் நண்பர்களின் 
ஊக்கம் தான் என் எழுத்து மேம்பட உதவி செய்கிறது 

எனை ஆசிரியராய் அமர்த்திய சீனா அய்யா மற்றும் தமிழ்வாசி பிரகாஷ் 
அவர்களுக்கும் , இந்த ஒரு வாரமும் தொடர்ந்து வந்திருந்து எனை 
வாழ்த்தி உற்சாகபடுத்தி கருத்துரையிட்ட நண்பர்களுக்கும் 
எனது இதயம் நிறை நன்றியும் வாழ்த்துக்களும்   

"பல கோடி பேரை உறவாக ஏற்றிருந்தாலும் அடுத்து பிறக்க போகும் 

குழந்தைகளையும் ஏற்கும் அளவு இதயத்தில் இடமிருக்கும்" 

இவ் வரிகளை ஜக்கி வாசுதேவ்  கட்டுரையொன்றில் படித்தேன்  

பல நூறு நண்பர்களை பெற்றிருந்தாலும் புதிதாய் வர போகும் 
நண்பனுக்கும் நம் வாழ்க்கையில் இடமிருக்கும் என்பதை 
குறிப்பிட்டு திருப்தியுடன் விடை பெறுகிறேன் நன்றி வணக்கம் 

ஆர்.வி. சரவணன்