சம்மங்கிப் பூவைத் தொடுக்கிறேன்.

வாசமுள்ள சம்மங்கிப் பூவைப் போல என்றென்றும் ஆன்மிகம் மணம் வீசும் சில வலைப்பூக்கள் இப்போது பார்க்கலாம்.

முதலில் என் அருமை நண்பர் நடராஜ தீக்ஷிதரின் வலைப்பூ.  சிதம்பர ரகசியம் தொடர் எழுதுகையில் அறிமுகம் ஆனவர்.  இன்று வரை நேரில் சந்தித்தது இல்லை.  என்றாலும் இவரிடம் பல சந்தேகங்களைக் கேட்டுத் தெளிந்திருக்கிறேன்.  வயதில் சிறியவர் ஆனாலும் கீர்த்தி பெரிது.  வலைப்பூ ஆரம்பிக்கையில் தெரிந்தவற்றைச் சொல்லிக் கொடுத்தேன்.  இப்போது 2,3 வருடங்களாக எழுதுவது இல்லை.  நேரப்பற்றாக்குறை என்றாலும் அவ்வப்போது புதுப்பிக்கிறார். இவரின் வலைப்பூ ஒரு தகவல் களஞ்சியம்.

http://natarajadeekshidhar.blogspot.inNATARAJA DEEKSHIDHAR


அடுத்தும் சிதம்பரம் நடராஜரின் பெயரிலேயே வரும் வலைப்பூ.

http://aadalvallan.blogspot.in/ Aadalvallan

ஏதோ தேடுகையில் இந்த வலைப்பூக் கிடைத்தது.  பின்னர் சகோதரர் தி.வா.வும் இதைக் குறிப்பிட்டிருந்தார். சிவபாதசேகரன் என்ற பெயரில் எழுதி வரும் இந்த அன்பர்  முழுக்க முழுக்க சிவன் பற்றியே வலைப்பூக்கள் வைத்திருக்கிறார்.

சிவார்ப்பணம், Shivaarpanam

சிவ க்ருபா,        English Blog

சிவ சங்கர விஜயம், English Blog

சிவ தீபம்,

தெய்வத் தமிழ் Deiva Thamizh

என்ற பெயர்களில் வலைப்பூக்கள் வைத்திருக்கிறார்.  ஒவ்வொன்றும் அருள் அமுதங்கள்.  சிவபுராணங்கள் குறித்த பல சந்தேகங்களைத் தெளிவு செய்து கொள்ளலாம்.

அடுத்து நம் அனைவருக்கும் நன்கு அறிமுகம் ஆன சகோதரர் தி.வா.வின் வலைப்பூ.

http://anmikam4dumbme.blogspot.in/2013/10/blog-post_21.html
ஆன்மீகம்4டம்ப்மீஸ்

அத்வைதத்தில் தோய்ந்து போன இவரின் வலைப்பூவில் பல விஷயங்களையும் பார்க்கலாம்.  கர்மா, ஞானம், பக்தி ஆகியவற்றையும் படிக்கலாம். கல்யாணம், சீமந்தம் போன்றவற்றில் சந்தேகம் இருந்தால் தெளிவு செய்து கொள்ளலாம்.  அவ்வப்போது சில குட்டிக்கதைகளும் போனசாகக் கிடைக்கும்.

அடுத்து நம்ம டாக்டர் சங்கர்குமாரின் ஆத்திகம் வலைப்பூ.

http://aaththigam.blogspot.in/
ஆத்திகம்

கந்தர் அநுபூதியை மயிலை மன்னார் மூலம் வெகு சரளமாகச் சொல்லுவார். குழுமத்தில் படிச்சுடுவதால் வலைப்பூவில் பின்னூட்டம் இடுவதில்லை. என்றாலும் இந்த வலைப்பூவும் அரிய தகவல்களைக் கொண்டது. நேரே பேசுவதைக் கேட்பதுபோல் அனைவருக்கும் புரியும் வண்ணம் சொல்லி இருப்பார். இப்போது சில மாதங்களாக அங்கு எதுவும் பதியவில்லை.



அடுத்ததாக சமீபத்தில் அறிமுகம் ஆன இளைய சிநேகிதி பார்வதியின் ஆலோசனைகள் அடங்கிய வலைப்பூ.

http://www.aalosanai.blogspot.in/AALOSANAI

உங்களுக்கு ஏதேனும் விரதம் குறித்து சந்தேகம் இருக்கா?  இவரின் வலைப்பூவைப் போய்ப் பாருங்கள்.  தெளிவாக எல்லா விஷயங்களையும், அந்த அந்த விரதத்துக்கான கதைகளோடு கொடுத்து வருகிறார். இதோடு குவியல்கள் என்றொரு வலைப்பூவிலேயும் பலவற்றையும் தொகுத்து வருகிறார்.

http://www.kuviyalgal.blogspot.in
தொகுப்பு.....

இவரின் தீபாவளிக் கவிதை சுப்புத்தாத்தாவால் பாடப்படும் பெருமையைப் பெற்றது.

அடுத்ததாக இளைய சிநேகிதர் ஜீவாவின் வலைப்பூ.

http://jeevagv.blogspot.in/2013/10/peace.htmlஎன் வாசகம்

என் வாசகம் என்ற பெயரில் எழுதி வரும் ஜீவாவை வலைப்பக்கம் ஆரம்பித்த போதிலிருந்தே அறிவேன். சுவாதி நக்ஷத்திரத்தில் பெய்யும் மழைத் தாரையில் விளையும் அபூர்வ முத்தைப் போல் என்றாவது தான் எழுதுவார். அந்தப் பதிவுக்கு அத்தனை சிறப்பு இருக்கும். சமீபமாக எழுதுவதைக் குறைத்துக் கொண்டிருக்கிறார்.

அடுத்து அனைவருக்கும் நன்கு அறிமுகம் ஆன தி.ரா.ச. அவர்களின் வலைப்பூ.

http://trc108umablogspotcom.blogspot.in
கெளசிகம்

வேலைப்பளு, அடிக்கடி ஊர் சுற்றல் என இவரின் எழுத்தும் இப்போது குறைவாகவே காண நேரிட்டாலும் பல உண்மையான சம்பவங்களையும், அருமையான கர்நாடக சங்கீதப் பாடல்களையும் தொகுத்துத் தருவதில் இவருக்கு ஈடு, இணை இல்லை.


http://vediceye.blogspot.in/2013/10/blog-post_7.html

சாஸ்திரம் பற்றிய திரட்டு

ஸ்வாமி ஓம்கார் பற்றிச் சொல்ல வேண்டியதில்லை.  தியான மையம் நடத்தும் இவர் சமீபத்தில் நடைபெற்ற கும்பமேளா குறித்து எழுதிய பதிவுகள் மனதைக் கவர்ந்தவை.

http://vediceye.blogspot.in/2012/12/7.html

கும்பமேளா 7