மார்கழிப் பனியில் - திங்கள்

முதல் வணக்கம்

பாலும் தெளிதேனும் பாகும் பருப்பும் இவை

நாலும் கலந்துனக்கு நான் தருவேன் - கோலஞ்செய்

துங்கக் கரிமுகத்து தூமணியே நீ எனக்கு

சங்கத் தமிழ் மூன்றும் தா!..

தமிழ் மூதாட்டி ஒளைவையார் அருளிய செந்தமிழைக் கேட்டு மகிழ்ந்திருக்கும் - ஐங்கரனே!..

இதோ என் தமிழையும் கேட்டு - எல்லாருக்கும்  நல்லருள் புரிய வேண்டும்!..

மலைச்சரிவில் பாரதத்தைப் பதிந்தவனே வருவாய்..

வலைச்சரத்தில் - தமிழ்பதிய வழித்துணையும் தருவாய்..

கலைவளரும் தமிழ் வழியில் தடை தகர்ப்பாய் போற்றி..

தலைமகனே!.. கரிமுகனே!.. கரங்குவித்தேன் போற்றி!..

அன்புடையீர்!.. அனைவருக்கும் அன்பின் வணக்கம்.

தாயின் கையைப் பிடித்துக் கொண்டு வகுப்புக்கு வரும்  குழந்தையைப் போல - தமிழின் சிறு விரல் நுனியைப் பற்றிக் கொண்டு - வலைச்சரத்திற்குள் நானும் வந்துள்ளேன்.

முன்னதாக -

என்னையும் வலைச்சரப் பணியில் ஈடுபடுத்திய
அன்பின் சீனா ஐயா அவர்களுக்கும்  
தமிழ்வாசி பிரகாஷ் அவர்களுக்கும்

மனம் நிறைந்த நன்றி!..  

சில வாரங்களுக்கு முன் - எனது விருப்பத்தினை கேட்டறிந்து,
ஊக்கப்படுத்திய அவர்களது பெருந்தன்மையினால் -
இன்று தங்கள் முன் - நான்!..

முந்தைய வாரங்களில் வலைச்சரத்தினை நடத்திச் சென்றவர்களுக்கும் கடந்த வாரத்தில் பணியாற்றிய அன்பின் சித்ராசுந்தர் அவர்களுக்கும் நன்றி!..

நவம்பர் 22 - 2012 முதல் - ''தஞ்சையம்பதி'' எனும் தளத்தினூடாக -

''அறிந்ததும் புரிந்ததும் தொடர்ந்து வரும்'' - என எழுதி வருகின்றேன்!.. 

ஏதோ ஓடும் என்ற நினைத்தேன்!..  இருந்தாலும் - இந்த அளவுக்கு வேகமாக ஓடும் என்று நினைக்கவில்லை.

வலைச்சரத்தில் - இந்தப் பணியின் மூலம், 


மூத்தவர்களும் முன்னோடிகளும் ஆன - ஜாம்பவான்களுடன் நட்பு விளைகின்றது - என்ற அளவில் மிகவும் மகிழ்ச்சி.

நான் எழுதியவற்றுள் - எல்லாமே எனக்குப் பிடித்தவை தான். இருப்பினும் - இவற்றுள் சிறந்ததென சிலவற்றை  சுட்டிக் காட்டவேண்டும் என்பது மரபு!..

தஞ்சையம்பதியில் வெளியாகும் ஆலய தரிசனம் - திருப்பதிகங்கள், திருப்பாசுரங்கள் மற்றும் ஸ்லோகங்கள் அனைத்தையும்  பிழையில்லாமல்  - சரி பார்த்த பின்னரே வெளியிடுகின்றேன்.

அதையும் மீறி சொற்பிரயோகங்களில் - பிழைகள் காணப்பட்டால் - பொறுத்தருள்க!..

முதல் பதிவு விநாயகர் வணக்கத்துடன்!..

பதிவுகள் தொடங்கின. அதன் பின் அடுத்தடுத்து மனதில் தோன்றியவற்றை பதிவில் இணைத்தேன்.


அவற்றுள் பொது ஆவுடையார் கோயில் பற்றிய கார்த்திகை சோமவாரம்,  

மார்கழித் திங்கள், திருவாதிரை, 

நந்தி திருக்கல்யாணம் பங்குனி உத்திர சேர்த்தி  

பஞ்சநத பாவா

புன்னை நல்லூர்  ஆகியனவும்

ஆழிமிசைக் கல்மிதப்பில் அணைந்த பெருமானாகிய திருநாவுக்கரசர்

குலதெய்வம்  உறையும் திருக்கோயில் விளங்கும் உவரி 

ஆகியனவும் சட்டென நினைவுக்கு வருவன.

இன்னும் சிலவற்றை நாம் ஆலய தரிசனம் செய்யும் போது வழங்குகின்றேன்.

மகிழ்ச்சி நிறைந்த இந்த வேளையில் - 

அவளுடைய பாதமலரில் தலை வைத்து வணங்குகின்றேன்.

தொடுத்து வழங்கும் பணியில் காணப்படும் நிறை - என்னைச் செதுக்கியவர்களுடையது!.. குறைகளைப் பொறுத்தருள்க!..

 நாளை முதல் - நான் உங்களுக்கு அறிமுகம்!.. 

அதுவரையில் - நமது சிந்தனைக்கு!..

மீண்டும் சந்திப்போம்!.. அன்பின் வணக்கங்களுடன்

துரை செல்வராஜூ