எங்க ஒத்துமையைப் பார்த்து கண்ணுப்படப் போகுது!!

திகட்ட, திகட்ட சகோதரப் பாசத்தைக் கொட்ட சகோதரர்கள் நிறைஞ்ச இந்த வலை உலகில், பாசத்தைக் காட்ட, உரிமையாய் தவற்றைச் சுட்டிக் காட்ட, செல்லச் சண்டைப் போட, கோவம் காட்ட, கொஞ்ச, கெஞ்சன்னு எக்கச்சக்க சகோதரிகள் கிடைச்சிருப்பது என் அதிர்ஷ்டம். 

எல்லாப் பென் பதிவர்கள்கிட்டயும் ஆண் பதிவர்கள் சட்டுன்னு பேசிடுறாங்க. அதுக்கு காரணம் அன்புதானே தவிர தப்பான எண்ணமில்ல. ஆனா, பெண் பதிவர்கள் அடுத்த பெண்பதிவர்கள்கிட்ட பேசக்கூட ரொம்ப யோசிக்குறோம். காரணம், அது பெண் பதிவர்தானா!?ன்ற சந்தேகம் ஒரு புறம். குடும்பச் சூழல், நேரமின்மை, அதனால எதாவது பிரச்சனை வருமோன்னு கொஞ்சம் தயங்கத்தான் வேண்டிக் கிடக்கு. 

கொஞ்சம் தயங்கிப் பேச ஆரம்பிச்சாச்சுன்னா...., நான் ஸ்டாப் கொண்டாட்டம்தான்.

ஒரு இடத்தில் நாலு பெண்கள் சேர்ந்தாலே புரணிப் பேசி, பொறாமைப் பட்டு கலகம் வச்சு சண்டை நடக்கும். ஆனா, இத்தனை பெண்கள் இருந்தாலும் போட்டி, பொறாமை இல்லாம ஒத்துமையா இருக்கோமே!! அதுக்கே ஆண் பதிவர்கள் எங்களுக்கு சுத்திப் போடனும்ப்பா! இனி, என் சகோதரிகள் அறிமுகத்துக்குப் போகலாம்!!

முதன் முதல்ல பெண் பதிவர்கள்ல தென்றல் சசிகலாதான் இணையம் தாண்டி போன்லயும் பேசும் அளவுக்கு நெருக்கம். எல்லோருக்கும் புரியுற மாதிரி எளிய தமிழில் கவிதை எழுதுவா. புத்தகம்லாம் வெளியிட்டிருக்காங்க அம்மணி. பதிவர் சந்திப்புன்னா பெண் பதிவர்கள் பாதுகாப்புக்கு அம்மணிதான் பொறுப்பு. ரொம்ப நல்லப் பொண்ணு. சமையல் முதல் பசங்க சேட்டை வரை பகிர்ந்துப்போம்.

பதிவுலக வழக்கப்படி சகோன்னு கூப்பிட்டாலும், உறவு முறையில் அண்ணி(திரு.வெங்கட் நாகராஜ் எனக்கு அண்ணன்னா அவங்க வீட்டம்மா எனக்கு அண்ணிதானே!?) . ஆதி வெங்கட்டைத்தான் சொல்றேன். அவங்க பதிவுல கோலம், சமையல், புத்தக விமர்சனம், கோலம், கிராஃப்ட் கலந்துக் கட்டி அடிக்கும் சகல கலா வல்லி. ஒரு சில பதிவுகளில் அவங்க பதிவாக்கிய ஃபோட்டோக்களைப் பார்த்து, எங்க எனக்குப் போட்டியா வந்துடுவாங்களோன்னு ஜெர்க்காகி நின்னிருக்கேன். 

அவள் விகடன், சினேகிதின்னு ஆயிரம் பெண்கள் பத்திரிக்கை இணையத்திலும், புத்தகமா வந்தாலும் ஒரு பெண்கள் இதழ் எப்படி இருக்கனும்ன்னு நந்தினியின் எதிர் பார்ப்பு.

ஆண்டாள் பாசுரத்துக்கு விளக்கம் சொல்லும் ஷைலஜா அக்காவுக்கு அப்பாவை பத்தி அசைப்போட்டுக்கிட்டே, சிறுகதையும் கூட நல்லா எழுத வரும். கூடவே முகமறியா என் மகளைத் தன் வீட்டில் தங்க வைத்துக் கொள்ளும் அளவுக்கு நல்ல மனசுக்காரங்க.அதுக்காக, இந்த நேரத்துல ஷைலஜா அக்காவுக்கு நன்றி சொல்லிக்குறேன்.

என்னை உரிமையாய் கோவிச்சுக்கவும், கொஞ்சவும், கெஞ்சவும் செய்யும் அம்பாளடியாள்.   கவிதைகள் எழுதுவதில் அக்கா கில்லாடி. எல்லாமே கடவுள்கிட்ட வரம் கேக்குற மாதிரிதான் இருக்கும். இந்த தங்கச்சியைப் புகழ்ந்து ஒரு கவிதை எழுதச் சொல்லனும். அக்காக்கிட்ட இதுவரை பேசியதில்லை. ஆனா, பேசனும்ன்னு ரொம்ப ஆசை. அம்பாள்தான் மனசு  வைக்கனும்.

வீட்டுல நடந்த சண்டை, பசங்கக்கிட்ட வாங்குன பல்ப், சமையல் குறிப்பு இதெல்லாம் பகிர்ந்துப்போம். ஆனா, வீட்டுல நடந்த ரொமான்ஸ் பத்தி ஆண்கள் அளவுக்கு பெண்கள் பகிர்ந்துக்கிட்டதில்ல. ஆனா, அதையும் சகோதரிகள்கிட்ட ராஜலஷ்மி பரமசிவம் பகிர்ந்துக்கிட்டாங்கன்னா நம் மேல எவ்வளவு நம்பிக்கை!!

கவிதை, சமையல் குறிப்பு, கோலம்ன்னு பகிர்ந்துக்க மட்டுமே நமக்கு இணையம் பயன்படுது. ஆனா, கோவையைச் சேர்ந்த எழில்அக்கா சத்தமில்லாம சமூக சேவைலாம் செய்றங்க. இந்த வருச பதிவர் சந்திப்பை தொகுத்து வழங்கி அசத்தினது எழிலக்காதான். பெரியார் கொளகைகளை பின்பற்றும் குடும்பம் இவங்களுது.

கவிதை, அனுபவக்குறிப்புகள், கங்காரு போன்ற உயிரினங்களைப் பற்றி சொல்வதோடு இல்லாம பாஸ்போர்ட், விசா இல்லாம விமானச் செலவு செய்யாம, கீதமஞ்சரி அக்கா ஆஸ்திரேலியா முழுக்க சுத்திக்காட்டுவாங்க,

சமைக்க மட்டும்தான் தெரியும்ன்னு இத்தனை நாள் நினைச்சுக்கிட்டு இருந்த மேனகா சாதியா ஸ்ட்ரா பெர்ரி வச்சு அழகா ஒரு பொக்கே தயாரிச்சு இருக்காங்க. எதாவது புதுசா சமைக்கனும்ன்னு நினைச்சா இவங்க வலைப்பூவுக்குதான் போவேன். போன வருசம் பதிவர் சந்திப்புக்கு வந்தவங்க ரொம்ப நாள் பழக்காமானவங்கப் போல அன்பைப் பொழிஞ்சாங்க.

போன பதிவர் சந்திப்பில் கலந்துக்கிட்டுப் பேசி இருக்கோம். ரொம்ப எளிமையானப் பொண்ணு. கவிதையில் கலக்குவதோடு சத்தமில்லாம  சமூக சேவைலாம் செய்யுது. மாமியார் மருமகள் உறவு எப்படிப்பட்டதுன்னு எம்புட்டு அழகா கோவை. மு.சரளா சொல்லுறாங்க.

நம்ம அன்னன், தம்பி, அக்கா, அப்பா, அம்மா, வூட்டுக்காரர், பசங்க பிறந்த நாளுக்கு வாழ்த்துச் சொல்லி பதிவுப் போடுவோம். ஆனா, காயத்ரி தேவி  தன்னோட ஃப்ரெண்ட் தங்கச்சி குழந்தையை வாழ்த்தச் சொல்லி கேட்டிருக்காங்க. தான் மட்டுமில்ல தன்னைச் சார்ந்தவங்களும் நல்லா இருக்கனும்ன்னு வேண்டிக்கும் சின்ன தங்கச்சி காயத்ரிக்குப் பாராட்டுகள்.

கவிதை எழுதுறதுக்காக சிலரைப் பிடிக்கும். ஆழமான கருத்துகளுக்காக சிலரைப் பிடிக்கும். ஆனா, மகிழ்நிறைன்ற வலைப்பூப் பேருக்காகவே ஒருத்தரைப் பிடிச்சதுன்னா அது மைதிலி கஸ்தூரி ரங்கனைதான், அதுக்காக, அவங்க எழுத்துப் பிடிக்கலைன்னு அர்த்தமில்ல.

ச்விஸ்ல இருந்து எழுதும் ஹேமாக்கா கவிதைல செமையா கலக்குவாங்க. பெரும்பான்மையான கவிதைல காதல் ரசம் சொட்டும்.

நிறைய கதைகளைப் போறப் போக்கில் எழுதி பதிவிட்டு வரும் விஜயலஷ்மி சுஷில்குமார். பணம், கல்வி, வாடகைத்தாய்ன்னு இவரோட கதைகளின் கருப்பொருள் ரொம்ப வித்தியாசமானது.

பாரம்பரிய இந்திய உணவுகளை சமைக்கவே எனக்கு கை நடுங்குது. ஆனா, இண்டிய உணவுகளோடு அரேபிய உணவுகளையும் சேர்த்து சமைத்து பதிவாப் போடுவாங்க ஆசியா ஓமர். இவங்க ஆங்கிலத்தில் இன்னொரு வலைப்பூ வச்சிருக்காங்க.

தாய்ப்பாலோட அவசியத்தையும், அது எப்படி கொடுப்பதுன்னு எல்லாரும் சொல்வாங்க. ஆனா, எப்படிலாம் தாய்ப்பால் கொடுத்தேன். அது எந்தளவுக்கு தனக்கும் தன் குழந்தைக்கும் பாசத்தைக் கூட்டுச்சுன்னு வீணாதேவி அழகா சொல்றாங்க.

படிக்கும்போது பாட புத்தகம், நோட்டுப் புத்தகத்தில் சினிமாப்பாட்டுலாம் எழுதுற பழக்கம் எனக்கு. சோகமா இருந்தா அதுக்கேத்த வரிகள், ஃப்ரெண்டோட சண்டைன்னா அதுக்கேத்த மாதிரி பாட்டு, லவ் மூட்ல இருந்தா அதுக்குத் தகுந்த வரிகளை எழுது அப்பாக்கிட்ட அடிவாங்கி இருக்கேன். என்னைப் போலவே சாந்தி மாரியப்பன் தனக்குப் பிடிச்ச பாடல்களை வலைப்பூவில் எழுதுறாங்க.

சிறுநீரகக்கல் எப்படி உருவாகுது. அதனால வரும் அவஸ்தைகள், அது வந்தால் என்ன வைத்தியம்ன்னு எனக்குக்கூட புரியுற மாதிரி ரஹிமா பதிவுப் போட்டிருக்காங்க

எல்லாக் குழந்தையும் பெத்தவங்களுக்கு ஒண்ணுதான். ஆனா தங்கச்சி பாப்பா பொறந்ததால தனக்கு மரியாதைப் போய்டுச்சுன்னு பெருசும், மூத்ததைத்தான் புகழ்றாங்க. என்னைக் கண்டுக்கிடறதில்லைன்னு சின்னதும் மனசுல நினைச்சும். ரெண்டாவது பிள்ளைப் பேறின் போது நினைவில் வச்சுக்க வேண்டியதை ஜலீலா கமால் நல்லா சொல்லி இருக்காங்க.

ஊர் உலகத்தையே திணறடிக்கும் ஆள் நான். ஆனா, என் போனுக்கு ஹலோ நான் சூரியன் எஃப்.எம்மிலிருந்து பேசுறோம்ன்னு ஒரு கால் வந்துச்சு. அட, நாம சூரியன் எஃப்.எம்முக்கு போன் போடவே இல்லியேன்னு ஃபோனைக் கட் பண்ணிட்டேன். திரும்பவும் ஃபோன். யாரோ கலாய்க்குறங்கன்னு கட் பண்ணிட்டேன். ஹேய் ராஜி! நான் மஞ்சுபாஷினி பேசுறேன்னு சொல்லி பச்சைப்புள்ளைப் போல பேசுனாங்க. எனக்கு பிடிச்ச பதிவர்களில் மஞ்சுக்கும் ஒரு இடமுண்டு. வாலுன்னு என்னைச் செல்லமா கூப்பிடுவாங்க. அவங்க பையனுக்கு விபத்துல சிக்கி ஒரு ஆபத்துமில்லாம வந்ததை பதிவா போட்டு சோகத்தை குறைச்சுக்கிட்டாங்க.

போனப் பதிவர் சந்திப்புல சந்திச்சுக்கிடோம். அப்பப்ப ஜிடாக்ல பேசிப்போம். ரொம்ப குறும்புக்காரி. அவ பையன் என் பசங்களோடு செம அட்டாச்மெண்ட். ஆனா, இப்பலாம் பதிவுப் போடுறதில்ல. ஏன்னு தெரியல. ஜிடால்க்லயும் ஆள் காணலை. எங்கப் போனே ஆமினா!?

எனக்கு சுமாரா எம்ப்ராய்டரிப் பண்ண வரும்.அதனால, தேடித் தேடிப் பார்ப்பேன். வானதி போட்ட குஷன் கவர் எம்ப்ராய்டரிப் பார்த்து ரொம்ப பொறமைப் பட்டேன். என்ன ஒரு நேர்த்தி!? கலர் காம்பினேஷன்!? ப்பா! சூப்பர்.

மூச்சு வாங்குது. இவங்க மட்டுமில்ல..., இன்னும் பல்வேறு திறமைகளோடு வலைப்பூவில் கலக்கும் பெண்கள் இருக்காங்க. எல்லோரையும் இப்பவே சொல்ல முடியாது. வெவ்வேறு சூழ்நிலைகளில் அவர்களைப் பற்றி பகிர்ந்துக்குறேன். டெய்லரிங்க் கிளாஸ் போக டைமாச்சு. அதனால, நான் கிளம்புறேன்.

டாட்டா, பை பை, சீ யூ....,