மஞ்சுபாஷினி சம்பத் குமார் - தளிர் சுரேஷிடம் இருந்து ஆசிரியப் பொறுப்பினை ஏற்கிறார்.

அன்பின் சக பதிவர்களே ! 

இன்றுடன் முடியும் வாரத்திற்கு ஆசிரியப் பொறுப்பேற்ற - சா.சுரேஷ் பாபு   - தான் ஏற்ற பொறுப்பினை சரி வர, மிகுந்த  ஆர்வத்துடனும்,  பொறுப்புணர்வுடனும்,  ஈடுபாட்டுடனும் நிறைவேற்றி நம்மிடமிருந்து முழு மன நிறைவுடன் விடை பெறுகிறார். 

இவர் எழுதிய பதிவுகள்                         : 009
அறிமுகப் படுத்திய பதிவர்கள்            : 204
அறிமுகப் படுத்திய பதிவுகள்              : 283
பெற்ற மறுமொழிகள்                            : 176
வருகை தந்தவர்கள்                              : 1952

சா.சுரேஷ் பாபு  ஆன்மீகத்தில் உள்ள  ஈடு பாடு காரணமாக அனேக  அறிமுகங்களை பெரும்பாலும் ஆன்மீகத்துறையில் இருந்தே எடுத்திருக்கிறார்.  

நல்ல பதிவர்களைத் தேடிப் பிடித்து - அவர்களீன் நல்ல பதிவுகளை அறிமுகப் படுத்தி உள்ளார். 

பதிவுகளை அறிமுகப் படுத்தும் போது அப்பதிவுகள் பற்றிய கருத்துகளையும் கூறி இருக்கிறார். பதிவர் பெயரும் தளத்தின் பெயரும் பதிவின் பெயரும் சுட்டிகளும் கொடுத்து அறிமுகப் படுத்தி இருக்கிறார்.

283 பதிவுகள் அறிமுகம் மற்றும் வருகை தந்தவர்கள் 

எண்ணிக்கை 1952 என்பதும்  பிரமிக்க வைக்கிறது. 

சா.சுரேஷ் குமாரினை அவரது   கடும் உழைப்பினைப் 

பாராட்டி, வாழ்த்தி வழி அனுப்புவதில் பெரு மகிழ்ச்சி 

அடைகிறோம். 

நாளை பொறுப்பேற்க அன்புடன் இசைந்துள்ளார் 

திருமதி மஞ்சுபாஷினி சம்பத்குமார் 

இவர்  கதம்ப உணர்வுகள் என்னும் தளத்தில்எழுதி 

வருகிறார். 

இவர் ஏற்கனவே 01.10.2012ல் ஆசிரியப் பொறுப்பேற்றிருக்கிறார். அப்பொழுது எழுதிய அறிமுகம் : 

இவருக்கு இவர் தாத்தா அன்புடன் ஆசையுடன் வைத்த பெயர் மஞ்சுபாஷிணி. இவர் குவைத்தில் கணவர், இரண்டு பிள்ளைகள், மற்றும் அம்மாவுடன்  வசிக்கிறர். வேலைக்கு சென்றுக்கொண்டே வீட்டிலும் எல்லோர் தேவைகளையும் பார்த்துக்கொண்டு அவ்வப்போது எழுதுகிறார்.

வலைப்பூவை பற்றி எதுவுமே தெரியாமல் இருந்த இவருக்கு 2007 இல் இவரது  தோழி கிருஷ்ணபக்தை பத்மஜா - ஒரு வலைப்பூ தொடங்கி அதற்கு தலைப்பு கதம்ப உணர்வுகள் என்று வைத்து இவரது படைப்புகளைப் பதிவிட கற்றுத் தந்தார்.

கூகுளீல் ஏதோ தேடப் போய் - ஒரு வலைப்பூவில் கொண்டு வந்து விட்டது… அட ஒரு அழகிய கவிதை… எளிமையான வரிகள்… உடனே அதற்கு விமர்சனம் எழுத ஆசைப்பட்டு எழுதினார்.. அப்போது தொடங்கியது இந்த பயணம் இனிமையாக…. 

அதில் இருந்து ஒவ்வொரு வலைப்பூவுக்கும் சென்று விமர்சனம் எழுதிக்கொண்டிருந்தார்.. 

அன்பை எல்லோரிடமும் அன்பாய் பகிரும்போது அங்கே அன்பு சூழ்ந்த நட்பு மலரும் என்பது நம்பிக்கை… காண்போர் எல்லோருமே நல்லவர் என்ற இவரது நம்பிக்கையும் பொய்க்கவில்லை.

மஞ்சு பாஷினியினை வருக வருக என் வரவேற்று வாழ்த்துவதில் பெருமை அடைகிறேன். 

நல்வாழ்த்துகள் சா.சுரேஷ் பாபு 

நல்வாழ்த்துகள் மஞ்சுபாஷினி சம்பத்குமார் 

நட்புடன் சீனா