நீங்களும் கருவாச்சியும் ...

அனைவருக்கும் வணக்கம் !!

அனைவரும் நல்ல சுகமோ ??

கருவாச்சிய எல்லாருக்கும் தெரியும் தானே ??? என்னாது தெரியாதா?? ஒரு பிரபல பதிவர தெரியாமலா இத்தனை நாள் பதிவுலகில இருந்தீங்க ...சரி பாவம் உங்க எல்லாரையும்,மன்னிச்சு!!மன்னிச்சு!!..பதிவுலக பெருமக்களே!! இந்த பொன்னான சந்தர்ப்பத்தை பயன்படுத்தி கருவாச்சி யாரெண்டு அறிந்து பயனடையுங்கோ..இந்த அரியதொருவாய்ப்பு ஒருவார காலம் மட்டுமே இருப்பதால் மக்கள் அனைவரும் ஏழு நாட்களுக்கும் தங்களது ஆபிஸ் கல்லூரி பாடசாலைக்கு முக்கியமா முகநூலுக்கு உடனே லீவ் லெட்டர் கொடுத்துட்டு ”வலைச்சரமே சரணம்”நு இருக்கோணும்...இங்க யாராவது பால்வாடி போறவங்க இருந்தாலும் அவங்களும் லீவ் லெட்டர் கொடுத்துடுங்கப்பா அப்புறம் அவவுக்கு தனியா சொல்லலைன்னு சண்டைக்கு வந்துடுவீங்க ..

என்னை பற்றி சொல்லனும்னா நாமலாம் பெரிய கோவக்காரி (நான் பிறந்ததும் ஒருவருஷமா எங்க அம்மா அப்பாகிட்ட கூட பேசினதில்லை தெரியுமா) கொஞ்சம் குணத்துக்காரி நிறைய தைரியம் இருக்கும் தன்னம்பிக்கை அதை விட அதிகமாக இருக்கும்.அம்மா அப்பா வைச்சி போட்ட பெயர்தானுங்க கலைச்செல்வி... எங்க குடும்பத்துல நாளு பேருங்க ..அம்மா, அப்பா அப்புறமா என் அண்ணன்...வீட்டுக்குள்ளயே நமக்கு எதிரிகள்படை கொஞ்சம் அதிகம்..அப்பாவோட கூட்டணியால தான் என்னோட சுதந்திரம் எதிர்கட்சியிடம் (அம்மா அண்ணன் தானுங்கோ) பறி போகாமல் உள்ளது..

வலையுலகத்தில நம்ம பேரு கருவாச்சி,வாத்து ..உங்க விருப்பம் இதுல எத வைத்து என்னை  அழைத்தாலும் எனக்கு ஓகே...நம்ம ஊரு எல்லாருமே இலங்கை நு தான் நினைச்சிக்கிராக..ஏன்னா நமக்கு மாமா அண்ணா அக்கா ன்னு நிறைய சொந்தங்கள் இலங்கையே ...வலையில் நான் புதிதா வந்தபோது எனக்கு இந்திய நண்பர்களே கிடையாது அனைவரும் ஸ்ரீலங்கா தான் .. இலங்கை தமிழர்களுக்கு பாசம் அதிகம் அதனாலேயே அங்கேயே செல்லைப் பிள்ளையா இருக்கிறதுன்னு முடிவு பண்ணிட்டேன்..ஆனா நம்ம ஊரு நெல்லை சீமையும் சிங்காரச் சென்னை யும் தான்..

நம்ம ஊரில கொஞ்சம் மழை பெய்யும் அதுக்காக பள்ளிக்கூடம் பக்கம் ஒதுங்க போயி படிக்க வேண்டிய சூழ்நிலைக்கு தள்ளப்பட்ட அப்பாவிப்பெண் நான்..என்னை பார்த்து பள்ளிக்கூடம் போனியாக்கும் நு கேட்ட மகி அண்ணாக்கேள்விக்காகவே ஒரு பதிவு எழுதி இருக்கேன் (இப்போவாதுநம்புங்கோநானும் இஈஈஈஸ்கூல்லுக்குபோன்னினான்)

சென்னை அண்ணா பல்கலைகழத்தில் முது அறிவியலில்இயற்பியல் முடித்து இருக்கேன் இப்போ எனக்கு வேலைகொடுத்து இருக்க முதலாளி MR.மார்க் தான் அவரோட facebook கம்பெனில தான் முழுநேரமா உசுரைக் கொடுத்து வேலை பார்க்கிறேன்.அதுப் போக மீதமிருக்கநேரத்துல பகுதி நேரமா ஒருக் கம்பெனி ல இயற்பியல் வல்லுனரா வேலை பார்த்துட்டு வருகிறேன்..எனது லட்சியம் இயற்பியலில் ஆராய்ச்சி படிப்பை தொடர வேண்டும் என்பதே.. எனது கனவு கனவாகுமோ இல்லை நினைவாகுமோ என்று காலம் பதில் சொல்லும் ..

என்னோடபொழுதுபோக்குன்னா (நல்லாசாப்பிடுறது படுத்து தூங்குறது-இப்படிலாம் சொன்னா இமேஜ் டமேஜ் ஆகிடும் புள்ள கத விடு கத விடு- மனசாட்சி) கொஞ்சம் படிக்கிறது நிறையப் புதுப் புது இடங்களை சுற்றிபபார்ப்பது,புதுமனிதர்களுடன் பழகி அவவின் வாழ்க்கை முறைகளை அறிந்து கொள்வது..

நானும் வலைச்சரம்ன்னு சொன்னா ரொம்ப நாளா எழுதுறேன் ஆனா உருப்படியா ஒன்னும் எழுதல...உங்க பார்வைக்கு கொஞ்சம் வைக்கிறேன் படிச்சிட்டு என்ன திட்டனுமோ அத பொதுவில திட்டி போடுங்க..நம்ம ப்ளாக் எழுத வரும்போதே சூடு சொரனை எல்லாத்தையும் மூட்டை கட்டி வைச்சிட்டு வந்திருப்பதால எம்புட்டு திட்டினாலும் எனக்கு தான் வலிக்கவே வலிக்காதே (அம்புட்டு நல்லவளா டா நீ )!!

இதுதான் என்னோட முதல்கவிதைங்க,"என்னை மன்னித்து விடு சகோதரி" ன்னு...மனசை ரொம்ப நெருடிய சம்பவம் இன்றும் நினைத்தால் மனசில் பாரம் வந்து சேரும்.

எனக்கு நெண்டு அம்மா நெண்டு அப்பா இருக்கே ன்னு பள்ளிப் பிள்ளைகளிடம் சொல்லி பெருமைக் கொள்வதுண்டு ...யாருன்னு நீங்களே பாருங்க ..

சரி வாங்க கொஞ்சம் வெளிய ஊரு சுற்றிப் பார்த்துட்டு வருவோம் ..

இதாங்க நம்நாட்டு கோனார்க் சூரியக் கோவில்ரொம்ப அழகான இடம் பதிவை படிச்சி பாருங்க..

விடுமுறையில நல்ல என்ஜாய் பண்ணனும் நினைச்சீங்க எண்டா துருக்கி ல அன்டால்யா நல்ல டூரிஸ்ட் ஸ்போட்.ஐரோப்பிய நாடுகளை ஒப்பிட்டு பார்க்கையில் இங்கு செலவு ரொம்ப குறைவு .நம் நாட்டு குடிமகன்களுக்கு பொழுது போக்க சிறந்த இடம்..

எனக்கு ரொம்ப புடிச்ச ஊரு சுவிசர்லாந்துஉம் பின்லண்ட்உம்.கோடைப் பொழுதுகள் நீண்ட பகலாகவும்  குறைந்த இரவாகவும் குளிர் காலங்கள் குறைந்த பகலாகவும் நீண்ட இரவாகவும் காட்டியது எனக்கு ஒரு இனிய அனுபவம் ..அப்புறம் குட்டிஸ் குட்டிஸ் லாம் pair pair ஆ சுற்றி கடுப்ப்ஸ் கிளப்பினது சோகக் கதை..

வார்த்தையால சொல்ல முடியாதா உணச்சி பூர்வமானஅனுபவம் ஆல்ப்ஸ் மலைத் தொடர்களுக்கு சென்றது பனி மலைகளுக்குள் பனியாகி உருகிய நாட்கள் அவை ...

கல்லில் கடவுளை காண்பதை விட மனிதரில் தெய்வத்தை தேடுகிறேன். இந்த தாயும் கடவுள்தான்

 நாங்களும் காதல் கவிதை எழுதுவோம்ல .( இதுலாம் சும்மா ஒருக் கற்பனை தானுங்கண்ணா..இதுக்குலாம் கருக்கு மட்டை தூக்கிடாதிங்கோ ரீ  ரீ அண்ணா)

 நிறைய பதிவுகள் எழுதணும் உங்களை எல்லாம் என் பதிவை படிக்க வைத்தே தற்கொலைக்கு தூண்டனும் நு நிறைய ஆசை இருக்கு ...ஆனால் உங்கள் நல்ல நேரம் பாருங்க எனக்கு நேரமே கிடைக்கிறதில்லை எழுதுறதுக்கு..பார்ப்போம் இனிமேலாவாது பதிவை ஒழுங்கா எழுதி  உங்க உசுரை வாங்குறனாஎன்று ...

சரிப்பதிவர்களே!!இன்னைக்கு உங்களிடமிருந்து நான் இப்போ கிளம்புற நேரம் வந்துடுச்சி...எங்கயும் போய்டாதிங்க..ப்ளொக்ஸ்அ படிப்படின்னு படிச்சிட்டே இருங்க ..நாளைக்கு நிறைய புத்தம் புதிய ப்ளாக் களுடன் மீண்டும் உங்களை வந்து சந்திக்கும் வரை உங்களிடம் இருந்து விடைபெருவது உங்கள் வீட்டு செல்லப் பிள்ளை உங்களன்பு கலை...டோன்ன்ட்ட டோஇங்..... 

 . 

.