பளப்பளன்னு சொலிக்கனுமா ??

காலையிலேயே நம்ம பிரபல வலைப் பதிவாளரின் அழைப்பு, “சொல்லுங்கண்ணே!! நேத்து நம்ம பதிவபடிச்சீகளா, ஊருக்குள்ள என்ன சொல்லிக்கீராக”

“அதுவாம்மா “யாருயா அந்தப் புள்ள கிறுக்குத் தனமா எழுதுது” ன்னு கேக்குராக,அதாவது பரவல்லாம்மா முக நூலில கருவாச்சி லாம் ஒரு பதிவராயா ன்னு கிழிகிழி ன்னு கிழிக்கிறாங்கமா”  

 “அவ்வ்வ்வவ்வ்வ்வ் ,,,,ஹலோ ஹலோ என்னன்னா சொல்றிங்க, எனக்கு எதுவுமே கேக்கலயே..இங்க சிக்னல் கிடைக்கலன்னு நினைக்கேன்,நான் அப்புறமா பேசுறேன் ,ஹிஹிஹி“

“ஓகே கலை அழகா சிரிக்கிறே!!நான் வைக்கிறேன் bye “

“ஹலோ ஹலோ அண்ணா இருங்க இருங்க இப்போ சிக்னல் கிடைக்குது என்ன சொன்னீங்க நான் அழகா இருக்கேன்னா”

“சச்சச்சா உன் போட்டோ பார்த்தப்புறமும் அப்படிலாம் சொல்லுவேனா அழகா சிரிக்கிற,ன்னு சொன்னேன்“

 “ஓ!!ஒ!! அவ்ளோ தானா...ஓகே “

“கலை உன்கிட்ட ஒண்ணுக் கேட்டா கோவச்சிக்கமாட்டல்ல”

“கேளுங்க ண்ணா”

“நீ எதுக்கு எப்போவும் சிரிச்சிகிட்டே இருக்கே”,

(அவ்வவ்வ்வ்வ்,இந்தக்கேள்விக்கு நான் என்னையா பதில சொல்லுறது) “சும்மா தான் அண்ணா.எப்போவும் அப்படியே சிரிச்சிட்டு இருக்க பழகிட்டேன்”

“இல்லை அதுவில்லை நான் சொல்லட்டுமா நீ எதுக்கு சிரிச்சிட்டு இருக்கேன்னு “

 (அவ்வவ் ஒருவேளை நம்மள கீழ்ப்பாக்கத்துக்கு போயி ஒருக்கா பாருன்னு அட்வைஸ் சொல்றதுக்காக இருக்குமோ)

“ம்ம்ம் சொல்லுங்க அண்ணா”

“சொன்னா கோவச்சிக்கப்பிடாதுப்பா”  

(யோவ் சொல்லித் தொலையா முதல்ல)ம்ம் பரவால்ல கோவமில்ல சொல்லுங்கண்ணா  

“நீ கருப்பா இருக்கல்ல, சிரிச்சா பளப்பளன்னு மூஞ்சி சொலிக்கும் அதான் எப்பவும் சிரிச்சிட்டே இருக்கே”

ஞேஞேஞேஞேஞேஞேஞேஞேஞேஞேஞே!!!

“மனசு விட்டு சிரிச்சா மூஞ்சி ஜொலிக்கும்”,ன்னு சொன்ன அந்த பிரபல பதிவர் வேறு யாருமில்லைங்க டாக்குத்தர்.தமிழ்வாசி பிராகாசு தான்..

டாக்குத்தரின் ஆலோசனைப் படி எல்லாரும் எப்போவும் சிரிச்சிகிட்டே சந்தோசமா இருக்கோணும்...

சரிங்க வலை கொடுத்த வேலையே கொஞ்சம் தொடுப்போம் வாங்க ..நிறையப் பதிவர்களை அறிமுகம் கண்டு மறப்பதை விட புதுப் புதுக் பதிவர்களின் வருகையை கொஞ்சம் விசாலமாக்கி அவவையும் நம்முடன் கைக் கோர்த்து பயணித்து செல்லலாம்ன்னு  நினைக்கறேன்.. அறிமுகப் பதிவர்களின் வரவையும் திறமையும் வாழ்த்தினால் இன்னும் சிறப்பாக இருக்கும் என நம்புகிறேன்..அதனாலேயே குறைந்த பதிவர்களோடு சேர்ந்து நானும் உங்கள் மனதை ஆக்கிரமிக்கப் போகிறேன்.

முதலில் காமெடில இருந்து அடிப்போம் தூளு ... 

1.பெயர் :வெங்கட் 

வலைப்பூ :கோகுலத்தில் சூரியன்

பலப்பதிவர்கள் கவிதை கட்டுரை கதை நகைச்சுவை எனப் பலப் பரிணாமங்களில்எழுதினாலும் ஒரு சிலர் தான் காமெடி என்ற ஒத்தயடிப் பாதையில் பயணித்து வேரூன்றி நிற்கிறார்கள்..அப்படிப்பட்ட ஒரு மாமனிதருள் மாணிக்கம் வெங்கட்.பதிவுலகில்,ரத்த பூமி (கோழி ரத்தமா ஆட்டுரத்தமான்னு தான் கண்டுபிடிக்கமுடியவில்லை)என்று அடைமொழி இட்டு பெருமைக்  கொள்ளும் TK குரூப்பை சேர்ந்த டெரரிஸ்ட் தான்.

customer கேர் அம்மணிகிட்ட கொடுத்த லந்தை நாமும் பார்த்துட்டு வருவோம் வாங்க..

2.பெயர் :கவியருவி டாக்டர் ம.ரமேஷ்

வலைப்பூ:கவியருவி ம.ரமேஷ் கவிதைகள் 

படைப்புகள்:ஓராயிரம் சென்ரியு,பனித்துளியில் பனைமரம் நூல் ஆசிரியர்.  

தமிழில் ஆராய்ச்சிப் படிப்பை முடித்து ஹைக்கூவில் புதுமைக் காணும் முயற்சியில் ஈடுக் கொண்டுள்ளார்.ஹைக்கூ, ஹைபூன், கஸல்,லிமரைகூ மற்றும் சென்ரியு,குறட்கூ எல்லாவற்றிலும் சும்மா பின்னிப் பட்டையக்  கிளப்பி பிடெலடுப்பவர் தான் ரமேஷ்.மற்ற எழுத்தாளர்களையும் கவிதை ஹைக்கூ சென்ரியு எழுத ஊக்குவிக்கும் பண்பு அவரின் தனிச் சிறப்பு..

உணவின்றி விவசாயி

வயிறு பெருத்து இருக்கிறது

காவல் பொம்மைக்கு !!

புள்ளிகளை வைத்துவிட்டு

கோலம் போடாமல் தவிக்கிறாள்

நிலாப் பெண் !!

இவரின் சிறந்த ஹைக்கூக்களுக்கு உதாரணம் இவையே..

இவரது பனித்துளியில் பனை மரம் நூலில் விமர்சனத்தோடு கொஞ்சம் ஹைக்கூவையும் சுவையுங்கோ ...

3.பெயர் :அருண் 

வலைப் பூ:என் நிலாவின் தேவதையே 

நிலவையே தன் காதலியா நினைத்து உருகி உருகி கவிதை எழுதுபவர் பின்னொருநாளில் பெரிய இயக்குனர் ஆக வேண்டும் என்ற இலட்சியம் கொண்ட இந்தப் பொறியாளர் அதற்கான குறும்பட முயற்சியிலும் வெற்றிக் கொண்டுள்ளார்..காதல் மன்னன் அருண் கவிதைகளைப் படித்தால் உங்களுக்கும் அவரின்  கவிதையின் மேல் காதல் பிறக்கும் ..

கொஞ்சம் ருசிக்க இங்க, 

என்னை விட்டு,எப்பவும் என் தோழிகள்..தள்ளியே நடக்கிறார்கள்..பிடிக்கவில்லை என்பாய்..காரணம் என்னவென்று,என்னிடம் கேட்பாய்..நிலாவை விட்டு,தள்ளியே இருக்கும்நட்சத்திரங்களுக்கு மட்டும்தெரிந்த ரகசியத்தை,நான் எப்படி அறிவேன் என்பேன்

4.பெயர் :கவிஞர் கே.இனியவன்

வலைப்பூ:கே இனியவன் கவிதைகள் 

இவர் ஒரு இலங்கைக் கவிஞர்."சமுதாயத்தில் வலு இழந்தோருக்கு சமூக கண்ணோட்டத்துடன் பார் சமூக பொறுப்பு நம்முடையதுசமூகத்தின் கூட்டு வாழ்க்கையில்சரிசமமாய் வாழ்வது நம் கடமை!! என்று பொங்கி எழும்புகிறவர்.என்னையா இம்புட்டு கோவக்கார பாரதியா இருக்காரேன்னு நினைச்சிடாதிங்கோ..அந்த கல் மனசுக்குள்ளயும் ஒருக் கண்ணம்மா இருந்துகிட்டு மனிதரைக் காதல்-காதல்-காதல் ன்னு கவிதை எழுத வைக்கிறாங்க ...அவோரட சிலக் கவிதைகள் உங்களுக்காக ..

உன் நினைவுகள் ஊசி
நூல் போல் என் கிழிந்த
இதயத்தை தைக்கிறது
இடையிடையே இரத்தமும்
வடிகிறது !!!

எனக்கு உன் வலிகள் வலிப்பதில்லை 

இதயம் புண்ணாகி போனதால்!!

ஒரு சாதனையாளனை வீணடிக்காதீர் என்கிறார் 

5.பெயர்: தமிழ்முகிழ் 

வலைப்பூ :முகிலின் பக்கங்கள் 

இவங்களும் ௨௦௧௧ முதல் பதிவேழுதுறாங்க ..காதல்,குடும்பக் கவிதைகள்ன்னு ரொம்ப சிறப்பா எழுதிட்டு வர்றாங்க .எளிய நடையில அழகா எழுதுவது முகிழின் தனிச்சிறப்பு

நெருப்பது சுட்டெரிச்சாலும் என்னைய  வெட்டி  எறிஞ்சாலும் நெஞ்சுல பூவா நிறைஞ்சிருக்க உன்  நெனைப்பும் தான்அது என்னென்னைக்கும் என்னை  விட்டுப் போகாது.. என்று முதுமைக்காதலர்களின் ஆழமான அன்பை அழகா சொல்லி இருக்காங்க ..

எல்லாரோட வலைப்பூக்களுக்கும்  நேரம் கிடைக்கும் போது சென்று வந்து மறுமொழி கொடுத்து  அவவை உற்சாகப்படுத்தும்படி சங்கம் சார்பா கேட்டுக்கிறேன்ப்பா .. 

இப்போ நான் உங்களிடமிருந்து கிளம்பும் நேரம் வந்துடுச்சி.நாளைக்கு மீண்டும் வேறொரு பதிவர்களுடன் உங்களை வந்து சந்திக்கிறேன் ..அதுவரைக்கும் உங்கட்ட இருந்து டாட்டா bye bye சொல்லிட்டு போறது  உங்களன்பு கலை ...

.