கடிக்கீறியே வாத்து !!

கருவாச்சியின் அன்பான வணக்கமுங்க..

எல்லாரும் நல்ல சுகமா?? முதலில் உங்களைக் கொஞ்சமா கடிச்சிட்டு அப்புறமா பதிவர்கள அறிமுகப் படுத்துறேனே ப்ளீஸ்..எறும்புக்கடி,கொசுக் கடிலாம் அட்ஜஸ்ட் பன்னுரிங்கள்ள அதேமாறி இந்த வாத்துக்கடியையும் அட்ஜஸ்ட் பண்ணிக்கொங்க ...

நடக்க நடக்க வயிற்றுக் கொழுப்புக் குறையும்

பேசப்பேச வாய்க் கொழுப்பு குறையுமா??

வயித்த கரைச்சி வாய் வழி வந்தா அது வாந்தி

வாய்வழி வந்து வயித்த கரைச்சா அது வதந்தி!!

மீனை புடிக்கிறவன் மீனவன்

அப்போ நாயப் புடிக்கிறவன் நாய்அவனா???

  

பசங்க அதிகமா பேசினா அது பகடி 

பொண்ணுங்க அதிகமா பேசினா அது வாயாடியா??? 

காதுல இரத்தம் வர்றத துடைச்சிக்கொங்க இப்போ இன்றையப் பதிவர்களை சிந்திப்போம் ...

பெயர் :ந.கணேஷன்

புனைப் பெயர் :ந.க .துறைவன்

வலைப்பூ :கவிஞர் துறைவன் கவிதைகள்

கவிஞரின் நூல்கள்:

1   1)ஒரு கிராமம் கண்ணீர் வடிக்கிறது(கவிதைகள்) 1982.
2) வண்ணத்துப்பூச்சிகள் (குறுங்கவிதைகள்) 1988
3) இனி...... (புதுக்கவிதைகள்) 1989
4) காற்றுக்குப் புரியும் (புதுக்கவிதைகள்) 1991
5) நதிக்கரைகள் (ஹைக்கூ கவிதைகள்) 1994
6) சருகு இலைப் படகுகள்
(ஹைக்கூ கவிதைகள்) 2001
7) பாப்பா பாடும் பாட்டு (சிறுவர் பாடல்கள்) 2003
8) சிரிப்பின் முகவரி - 2005
(குழந்தைகள் சார்ந்த ஹைக்கூ கவிதைகள்)
9) புன்னகைப் பூக்கும் மலர்கள் - 2007
(சிறுவர் கவிதைகள், கதைகள்)
10) இலை நிழல் - (புதுக்கவிதைகள்) -2007
கூட்டுத் தொகுப்பு:
1) அறுவடை நாளில் மழை - 2003
2) தலைக்கு மேல் நிழல் - ஹைபுன் – 2007

""கவியரசு கண்ணதாசன் விருது'' கவி ஞாயிறுதாராபாரதி கவி விருது அய்யா அவர்களின் சிறப்புப் பட்டங்களை பட்டியலிட்டால் அதற்கென்று தனிப் பதிவே போடவேண்டும் என்பதால் இதோடு நின்று விடுகிறேன். 

அய்யாவப்  பற்றிய அறிமுகம் மேற்கண்ட நூற்களும் அய்யாவின் பட்டங்களுமே உங்களுக்கு சொல்லி இருக்கும்..அய்யாவின் அதித நினைப்பு என்ற கவிதைக்கான சுட்டி ...அய்யாவோட சிறுவர் பாடல் என்னை மிகவும் கவர்ந்தது..அய்யா வோட சிரிப்பு சிரிப்பு கவிதையும் படிச்சிப் பாருங்களேன்..  

2.பதிவர்: சசிமோஹன் குமார்

வலைப்பூ : சசிமோஹன் 

இவர் ஒரு ஆராய்ச்சியாளர்.இருபத்து நான்கு மணி நேரமும் தனது ஆராய்யிச்சிக்கு தன்னையே அற்பணித்துக் கொள்வதால் பதிவெழுத நேரமில்லை என்று வருந்துபவர் (ஜி,நம்ம மக்களுக்கு ரொம்ப பெரிய மனசு ஜி.ஆளுக்கு ஒரு ரெண்டு கிலோ நேரத்தை உங்க முகவரிக்கு அனுப்பி வைக்கிறார்களாம்)

உங்க ஆராய்ச்சி வெற்றியடைய வலைப் பதிவர்கள் சார்பாக வாழ்த்துகிறோம். பச்சைப்புல்லைத் தின்று வெள்ளைப் பாலைத் தருவது எப்படி என்பது தான்,இந்த மாமனிதரின் ஆராய்ச்சி .

சினிமா விமர்சனம் எழுதுவது எப்படி ன்னு அழகா சொல்லித் தருகிறார்..சென்று பயனடையுங்கோ மக்களே!! 

3பதிவர்:ரான் ஹாசன் 

வலைப்பூ :அகங்கை 

ரான் ஹாசன் என்ற புனைப் பெயரில் எழுதும் இவரின் நிஜப் பெயர் தெரியவில்லை ..கவிதைகள் கடலலைப் போல வருகின்றன ..இவோரோட கவிதையிலிருந்து சில வரிகள் 

உண்ணும் பருக்கையில் எல்லாம் உன்முகமே தெரியுதம்மா !

உப்பும், புளி மிளகும் கலந்த ருசி - உன் உள்ளங்கைக்கு உரியதம்மா ! 
ஏழு மலைத் தங்கங்கள் இழந்தாலும் பெரிதில்லை 
அன்னை உந்தன் அரவணைப்பில் ஆறுதல் கிடைத்துவிட்டால் - 

ஆயிரம் சொர்க்கங்கள் காலடியில் கிடக்குமம்மா !  .மேலும் வாசிக்க 

4.பதிவர்:வலசு -வேலணை  

வலைப்பூ :சும்மா 

சுவாரஸ்யமான கதைகள் சொல்வதில் வல்லவர் போலும் இப்பதிவர்..

காதலர் தினம் என்ற இவரின் கதை காதலன் காதலியைக் கொல்லவேண்டிய சூழ்நிலையில் எழுதப் பட்டிருப்பது வித்தியாசமான கதைக்களமாக காட்சி அளிக்கிறது..

  

அனைத்துக் காதலர்களும் என்னை மன்னித்துக் கொள்ளுங்கள்.நாளை காதலர் தினம் அன்றைய தினத்தில் தான் காதலை யாசித்தவளைக் காதலின் பெயரால் ஏமாற்றிக் கொலை செய்யப் போகிறேன்.மேலும் வாசிக்க 

5)பதிவர்:செங்கோவி 

வலைப்பூ :செங்கோவி 

மின்னூல்:மன்மதலீலை  

பதிவுலகில்  ஒரு மூத்தப் பதிவாளர் ..இவரைத் தெரியாதவர்கள் பதிவுலகில் யாருமே இருக்க முடியவே முடியாது (இவருக்குலாம் அறிமுகம் தேவை இல்லைதான் ஆனாலும் இதுக் கருவாச்சி கடமைன்ரதுக்காக).உள்ளூர் சினிமால இருந்து உலக சினிமா வரைக்கும் சும்மா பிச்சி பிச்சி மேய்பவர்.பெரிய படைப்பாளி மட்டுமில்ல படிப்பாளியும் கூட.. உலகப் புகழ்ப் பெற்ற சரித்திரக்கல்லூரி நாவல் மன்மத லீலை  ய எல்லாருமே தரவிறக்கம் செய்து இருப்பீங்கன்னு நினைக்கிறேன் .இன்னும் செய்யயலன்னா இந்த சுட்டிய பயன்படுத்தி தரவிறக்கம் செய்து படித்து வாழ்வில் முன்னேறுங்கள் ... 

சுடச் சுட இவரோட டயல் ம போர் மர்டர் பட விமர்சனத்தை  சுவைத்து மகிழுங்கள்!! 

6பதிவர்: சீனி

வலைப்பூ :சீனி கவிதைகள்

சீனு பற்றியும் அறிமுகம் உங்களுக்குத் தேவைஇல்லை என நம்புகிறேன்.சித்திரமும் கைப்பழக்கம் செந்தமிழும் நாப்பழக்கம் என்பதற்கு உதாரணம் சீனுவை கூறுவேன்..சித்திரமான அவரின் எழுத்துக்களின் முன்னேற்றம் அவரின் தொடர் எழுதுமுறையாளும் முயற்சியாலுமே!!எந்தத் தலைப்பு கொடுத்தாலும் சோர்வாமல் எழுதும் பதிவர்.

சீனி யின் வரலாற்றுக் கதைகளை கவிதைகளாக படித்து சுவைக்க இங்கே சொடுக்கவும் 

சரிங்க!! நான் இப்போ கிளம்ப வேண்டிய நேரம் வந்துடுச்சி.. நாளைக்கு மீண்டும் நம்ம  வலையில  சிக்கும் மீன்களை அள்ளிக்கொண்டு உங்களைக் காண வருகிறேன்..அதுவரைக்கும் எங்கயும் போயிடாதிங்க ..ப்ளொக்ஸ் எ படிப்படின்னு படிச்சிட்டு இருங்க ...மீண்டும் உங்களை வந்து சந்திக்கும் வரை உங்களிடம் இருந்து விடை பெறுவது உங்களன்பு கலை ...

பி.கு : மிக்க நன்றி சொல்லக் கடமைப் பட்டு இருக்கிறேன் DD அண்ணா .அறிமுகப் பதிவர்களின் வலைகளுக்கு நீங்களே சென்று கூறுவது உண்மையில் மிகப் பெரிய உதவியே ...