கவனிக்கப்பட வேண்டிய படைப்பாளிகள்

நானும் பதிவுலகமும் என்ற தலைப்பில் எழுதிவந்த பதிவு சற்றே அனாயசமாக நீண்டுவிட்டதால் அதனை இங்கே பதிவிடுவதை விட எனது பதிவில் வெளியிடுவது நலமாய் இருக்கும் என நினைக்கிறன். ஏற்கனவே இந்த வாரம் சக பதிவர்களின் பார்வையில் பதிவுலகம் பற்றிய தொகுப்பு வெளிட்டுக் கொண்டிருப்பதால் அது முடிந்த பின் நானும் பதிவுலகமும் திடங்கொண்டு போராடுவில் தொடரும். முன்பெல்லாம் தொலைகாட்சியில் போடுவார்களே சிரமத்திற்கு மன்னிக்கவும் என்று அதை இங்கே கூறிகொள்கிறேன் :-) ஒருவேளை நான் வெளியிடாமல் இருப்பதை பாக்யமாகக் கருதுபவர்கள் கனவில் அம்மா வந்து தேர்தல் பிரச்சாரம் செய்யக் கடவது... 

*****  

ஜீவன் சுப்பு 

http://jeevansubbu.blogspot.com

ஒரு தற்செயலான பயணத்தில் சந்திக்கும் சக பயணி வாழ்க்கை முழுவதும் நண்பனாதல் என்பது மிகக்கடினம். எல்லையில்லாமல் பரந்து விரிந்த இந்த வலையுலகில் எழுத ஆரம்பித்த பொழுது அறிந்திருக்கவில்லை என்னோடு பயணிக்கும் சில சக பயணிகள் கைபிடித்து அழைத்துச்செல்லும் தோழர்கள் ஆவார்கள் என்று. அப்படிபட்டவர்களில் ஒருவர் ஜீவன்சுப்பு. 

சமயங்களில் நான் ஒழுங்காக எழுதவில்லை என்றால் என்னைவிட அதிகமாய் வருத்தப்படும் ஒரு ஜீவன் இருக்குமென்றால் அது ஜீவன்சுப்புதான். இவரது நட்பிற்கு பின் எனது எழுத்தில் வெகுவான மாற்றம் வந்திருப்பதை என்னால் உணர  முடிகிறது. ஒவ்வொருமுறை பதிவெழுதிய பின்னரும் அதை ஜீவன்சுப்பு வாசித்தால் எப்படியிருக்கும் என்று ஒருமுறை வாசித்துப் பார்பதுண்டு. அப்படி வாசிக்கையில் ஒருவேளை அது அவருக்கு பிடிக்காது என்று தோன்றினால் அழித்து விடுவேன். இதை மிகைபடுத்தி கூறவில்லை, வலைசரத்தில் என் முதல் நாள் பதிவை படித்துவிட்டு highly disappointed என்று மின்னஞ்சல் அனுப்பியிருந்தார், வலைச்சரத்திற்காக எழுதியிருந்த அடுத்த மூன்று நாட்கள் பதிவையும் அப்போதே அழித்துவிட்டேன்.             

இவரிடம் ஒரு பழக்கம் உண்டு இவருக்கு பிடித்த ஒரு பதிவு எங்கேனும் இருக்குமானால் அதனை நான் படித்திருக்க மாட்டேன் என்றால் உடனே மின்னஞ்சல் அனுப்பிவிடுவார். இவர் அனுப்பும் எந்த ஒரு பதிவும் மோசமாயிருக்காது. எழுதுதலை விட வாசிப்பை அதிகம் நேசிப்பவர். கணினி மற்றும் இணைய தட்டுப்பாடால் சரிவர இணையத்தில் இயங்க முடியாத நிலையில் இருந்தாலும் தற்போதும் பேசாத வார்த்தைகள் எனும்  தலைப்பில் எழுதிவரும் பதிவுகள் ஒவ்வொன்றும் அட்டகாசம். பதிவுகள் பெரிதாக பெரிதாக வாசித்தல் கஷ்டம் என்று கருதுவதால் தன்னுடைய பதிவுகளையும் சுருங்கக் கூறி சீக்கிரம் முடித்து விடுகிறார். 

இவரை வைத்து தனியொரு பதிவு திடங்கொண்டு எழுத நினைத்திருப்பதால் இவருடைய மற்றொரு 'உயரமான' பக்கத்தை அங்கு பகிர்கிறேன்.

கியாஸ்...!

http://jeevansubbu.blogspot.com/2014/02/blog-post.html

கணினி கற்ற கதை ...!

http://jeevansubbu.blogspot.com/2013/07/blog-post_31.html

*****

ரூபக்ராம் - கனவுமெய்பட 

http://www.rubakram.com

தமிழ் அபூர்வமாக வாசிக்கபடும் ஒரு இடத்தில் தமிழ் அபூர்வத்திலும் அபூர்வத்திலும் அபூர்வமாக எழுதப்படும் ஒரு சூழலில் பணிபுரியம் ஒருவனிடம் 'பாஸ் நானும் தமிழ்ல ப்ளாக் எழுதணும் ஐடியா குடுங்க' என்று யாரேனும் கேட்டால் அதிர்ச்சியாகவும் ஆச்சரியமாகவும் இருக்குமா இருக்காதா! அலுவலகத்தில் என்னுடன் பதிவுகள்/புத்தகங்கள் குறித்து பேசும் சிலர் இக் கேள்வியைக் கேட்டிருந்தால் கூட இவ்வளவு ஆச்சரியப்பட்டிருக்க மாட்டேன், ஆனால் ஆச்சரியம் கேட்டதோ ரூபக். இப்போ வரை கூட என் ஆச்சரியம் குறையவில்லை 'ரூபக்குள்ள இவ்ளோ திறமையா ஆர்வமா' என்று. தீவிர சுஜாதா வாசகனான ரூபக் தீவிர உலக சினிமா ரசிகனும் கூட (இங்கேற்படும் ஆள் மாறாட்டத்திற்கு நான் பொறுப்பல்ல :-)) 

சிறுகதைகள், பயணக் கட்டுரைகள், சாப்பாட்டு ராமனாக சாப்பாடு குறித்து எழுதிவரும் ரூபக் சாகும் காண வேண்டிய சினிமாக்கள் என்றும் ஒரு பகுதி எழுதி வருகிறான். இதில் விமர்சனம் ஆகும் ஒவ்வொரு சினிமாவும் பார்க்கத் தூண்டும் விதத்தில் இருக்கும்.

Duel - உலக சினிமா

http://www.rubakram.com/2013/06/duel.html

சிம்லா ஸ்பெஷல் - கண்டனன் பனியை

http://www.rubakram.com/2014/03/shimla-special-kufri-narkanda-tata-paani.html

*****

விஜயன் துரைராஜ்

http://vijayandurai.blogspot.com/

வாழ்க்கையில் எவ்வளவு கஷ்டங்கள் வந்தாலும் எழுதுவதையும், படிப்பதையும் மட்டும் விட்டுவிடக் கூடாது என்று நினைப்பவன் விஜயன் துரைராஜ். துரைராஜ் இயற்பெயர். விஜயன் புனைப்பெயர். எப்போது தனக்கு ராமேஸ்வரம் சொந்த ஊர் என்று கூறினானோ அப்போதே விஜயனையும் பிடித்துவிட்டது. நான்குபுறமும் கடற்கரை சூழ்ந்த கிராமத்தில் இருந்து வந்தவன் என்பதால் தன்னுடைய வலைப்பூவின் பெயரையும் கடற்கரை என்றே வைத்துக் கொண்டான். 

விஜயனை ஒரு கட்டுரையாசிரியனாக பிடித்ததை விட ஒரு கவிஞனாகவே எனக்கு மிகவும் பிடிக்கும். கவிதை, கட்டுரை, புத்தக ஆய்வு என்று பல்வேறு தளங்களில் எழுதிவரும் விஜயனுக்கு சமயமும் சந்தர்ப்பமும் அமைந்தால் மிகச்சிறந்த எழுத்தாளனாக வருவதற்கான வாய்ப்புகள் மிக அதிகம். அதிகம் கவனிக்கப்படாத கவனிக்கப்பட வேண்டிய எழுத்துக்கள் விஜயனுடையது. 

கடல் மீன்கள் - (ராமேசுவரம் மீனவர்களின் வாழ்க்கைப் பதிவு)

http://vijayandurai.blogspot.com/2011/06/blog-post.html

கானல் கொத்திப் பறவை !

*****

வெற்றிவேல் - இரவின் புன்னகை 

http://iravinpunnagai.blogspot.com/

எப்போது எங்கே பதிவர் சந்திப்பு நடந்தாலும் 'இங்க இருக்கதிலயெ நான்தான் சின்ன பையன்' என்று அறிமுகமாகிக் கொள்ளும் வெற்றிவேல் அரசனுக்கு பக்கத்து ஊர். கவிஞன், கட்டுரையாசிரியன், சிறுகதை எழுத்தாளன் என்று பன்முகத்தன்மையுடன் வலம் வரும் வெற்றி தற்போது வானவல்லி என்னும் சரித்திர நாவலும் எழுதி வருகிறான். வானவல்லியின் கதையை கேட்டதில் இருந்து ஆவிபாஸ் கூறிவருவது 'ஹே செம ஒன்லைன் பா, ஒரு நல்ல வடிவம் கிடைச்சா நிச்சயமா ஒரு மிகபெரிய வெற்றி வெற்றிக்கு கிடைக்கும்' என்பதுதான். 

வலைப்பூவில் நாவல் படிக்கும் அனைவருக்கும் இருக்கும் எண்ணம் புக்கா வந்ததும் படிச்சிக்கலாம் என்பதாகவும், எழுதுபவர்கள் அத்தனை பேருக்கும் இருக்கும் எண்ணம் ச்ச யாருமே படிக்க மாட்டேங்காங்க என்பதாகவும் தான் இருக்கிறது. ஒருநாவல் முயற்சியில் இறங்கி கைவிட்டவன் என்ற முறையில் கூறுகிறேன் வெற்றிக்குள் இருக்கும் உற்சாகம் அசாத்தியமானது. தொடர்ந்து எழுதிமுடிக்க வாழ்த்துகள்... ( நான் நாவல் முயற்சியை கைவிட்டதன் காரணம் தொடர்ந்து எழுத நேரம் கிடைக்கவில்லை என்பதாலும், அதனால் ஏற்படும் இடைவெளியால் பலரும் கதையை தொடர கஷ்டப்பட்டனர் என்பதுமே ஆகும்)  

அவள் கேட்க மறந்த என் காதல் கனவுகள்

http://iravinpunnagai.blogspot.com/2013/08/blog-post_5.html

நானும் வண்ணத்துப் பூச்சியும்...

http://iravinpunnagai.blogspot.com/2013/10/blog-post.html

*****

தினேஷ் பழனிச்சாமி - மனக்குதிரை 

http://manakkuthirai.blogspot.com/

கடந்த வருட பதிவர் சந்திப்பு நிகழ்வு முடிந்து அனைவரும் கிளம்பிக் கொண்டிருக்கும் தருவாயில் சந்தித்த ஒரு நபர் தினேஷ். என் பால்ய கால வயதில் என்னோடு படித்த நண்பனின் சாயலில் இருந்தார் தினேஷ். ஏதோ ஒரு உள்ளுணர்வு அவரோடு பேசச் சொன்னாலும் அவர் முதல்முறை சந்தித்ததாலோ என்னவோ வார்த்தையை அளந்து அளந்தே பேசினார். தற்போது முகநூலில் தொடர்ந்து இயங்கிவரும் தினேஷ் அவ்வப்போது மனக்குதிரையிலும் தன் மனக்குதிரையை ஓட விட்டால் நன்றாக இருக்கும்.    

தமிழ் எங்கள் உயிருக்கு நேர்- பாரதி கிருஷ்ணகுமார்   

http://manakkuthirai.blogspot.com/2014/01/bharathi-krishnakumar-speech-in-kangayam.html

நான் மூனாவது வாட்டியா மெட்ராஸ் போறேனே...

http://manakkuthirai.blogspot.com/2013/08/blog-post_22.html

நாளை வேறுசில பதிவர்களோடு மீண்டும் சந்திப்போம்...