வியாழனின் விழுதுகள்

வியாழனும் வந்தாச்சு..!

மகேந்திரன் பன்னீர்செல்வம்.
சகோவின் வசந்த மண்டபத்துக்குள் கால் வைக்கும்போதே ஏதோ ஒரு  தமிழ் மணம் கமழும் இலக்கிய   உலகம் போல மெய்சிலிர்க்கும்.பதிவுகளை வாசிக்க அவர் வலைப்பூவுக்குள் நுழைவது ஒரு புறம் இருந்தாலும் ,இலக்கியம் பொழியும் அவர் வசந்த மண்டபத்தின் பிரமாண்டமான அலங்கரிப்பை காணவே நான் சென்று வருவேன்.
                          http://ilavenirkaalam.blogspot.com/2011/05/blog-post_13.html

 தமிழ்வாசி பிரகாஷ் .
  அவர் வலைப்பூ, இளைஞர்கள் பயன்படும் வழியில் நிறைய தகவல்களைத் தாங்கி வரும். தொழில்நுட்ப ரீதியிலான பல விசயங்கள் அடங்கிய எழுத்துக்கள்.
போதைப்பொருள்களினால் ஏற்படும் விளைவுகளைப்பற்றிய ஓர் இடுகை என்னை வெகுவாக கவர்ந்திருந்தது :
                          http://www.tamilvaasi.com/2013/10/blog-post.html

மாணவன் சிலம்பு.
 இவர் பதிவில் நுழையும்போது ஏதோ அறிவியல் உலகம் போல உணரலாம்.பல்முனைத்தகவல்களைத் தாங்கிய வலைப்பூவாக உதாரணம் சொல்லலாம்.அவர் இடுகைகளில் வரலாற்று நாயகர்களை அறிமுகம் செய்தபோது நான் கண்ட வரலாற்று நாயகர் :மார்ட்டின் லூதர் கிங் 
                          http://urssimbu.blogspot.com/2012/08/martin-luther-king-historical-legends.html

ரமணி.எஸ்
ஐயா அவர்களைச் சொல்வதென்றால் ,இளையவர் மூத்தவர் என்ற பேதம் அல்லாமல்  மனதார பாராட்டும் மனம் படைத்தவர்.என் நிலைத்தகவல்களைப் படித்துவிட்டு மனதார பாராட்டுவார்.அடியேனுக்கு ஐயாவின்  வாயால் பாராட்டுக் கிடைப்பது என்ன மாதவம் செய்தேனோ?என்னமா தவம் செய்தேனோ? இடுகைககளைக் காண:    
                                  http://yaathoramani.blogspot.com/2014/03/blog-post.html

கோவை ஆவி

அவர் வலைப்பூவில் இந்த வாசகம் கண்டேன்: 

"எல்லாம் தெரிந்தவர்கள்தான் கவிதைகளும், கதைகளும் எழுத வேண்டும் என்றிருந்தால் தமிழில் இவ்வளவு புத்தகங்கள் வெளிவந்திருக்காது.’அருமையான வாசகம்.நல்ல ரசனையாளன்.டீ.ஆர் பாணியில் ஒரு இடுகையைக்கண்டு நன்கு ரசித்தேன்:

                               http://www.kovaiaavee.com/2013/12/seenu.html

  

சுப்பு தாத்தா
வயதில் ரொம்ப பெரியவர்.சளைக்காமல் எழுதுபவரும் கூட.ஆன்மீகம்,இசை ,மருத்துவம் என்று ஏதாவது அவர் வலைப்பூவை அலங்கரித்துக்கொண்டே இருக்கும்.என்னைக் கவர்ந்த பல இடுகைகளில் இதுவும் ஒன்று:
                                 http://subbuthatha.blogspot.com/2014/04/blog-post.html

சென்னைப்பித்தன்
பெரியவரின் வலைப்பூவைக் கடந்துச் செல்ல அடியேனுக்கு அதிக விருப்பம். அங்கே அனைத்துமே கவரும்படியான எழுத்துக்கள். ஐயாவின் வலைப்பூவில் ,ஆங்கிலத்தில் முகமூடிகள் பற்றி தொகுப்பு ,அருமையான தொகுப்பு:
                                  http://chennaipithan.blogspot.com/2014/01/masks.html

நாளையும் மலரும்........