மனம் மயக்கும் தமிழிசை பாடல்கள்

நண்பர்கள் அனைவருக்கும் வணக்கம் !

இசைக்கு மயங்காதோர்  எவரும் உண்டோ ? நமது வாழ்வில் பிறப்பு முதல் இறப்பு வரை இசை பெரும்பங்கு வகிக்கிறது.  இன்று நமக்கு  இசை  விருந்தளிக்கும் பதிவர்கள் சிலரை பார்ப்போம்.

 1. கிணற்றுத் தவளை தளத்தில், அசோகராஜ் ஆனந்தராஜ் என்ற பதிவர், பல திரைப்பாடல்களை,பாடல் வரிகள் மற்றும் அவற்றின் காணொளிகளுடன் பகிர்ந்து வருகிறார்.  தண்ணீரிலே மீன் அழுதால் என்ற இப்பாடலை காணொளியுடன் பகிர்ந்துள்ளார். பார்த்து இரசிப்போமே.

2. இனிய தமிழ்ப் பாடல்கள் தளத்தில், மோகனன் அவர்கள்,  கிராமியப் பாடல்கள், திரைப் பாடல்கள் என்று பல பாடல்களை அவற்றின் பாடல் வரிகளுடன் பகிர்ந்துள்ளார். ஒத்தையடிப் பாதையிலே என்ற விஜயலஷ்மி நவநீதகிருஷ்ணன் பாடலில் தான் கண்ட சுவாரஸ்ய தகவல்களை பகிர்ந்துள்ளார் பாருங்களேன்.


பரவை முனியம்மா அவர்களின் சில கிராமியப் பாடல்களை இங்கு பாருங்களேன்.

3. பதிவர் தம்பதியர் வெங்கட் நாகராஜ் - ஆதி வெங்கட் அவர்கள் தாங்கள் இரசித்த பாடல்கள் பலவற்றை ரசித்த பாடல் தளத்தில் பகிர்ந்துள்ளனர்.கல்லுக்குள் ஈரம் படத்தில் வரும் இந்த அற்புதமான பாடலை பார்த்தும் கேட்டும் இரசியுங்களேன்.

பஞ்சவர்ணக் கிளி படத்தில் வரும் இந்த அருமையான தாலாட்டுப் பாடலையும் பாருங்கள்.

4. தமிழ் பாடல் வரிகள் தளத்தில், பல தமிழ்  பாடல்கள், தமிழிலும் ஆங்கிலத்திலும் தொகுத்து அளிக்கப்பட்டுள்ளன.

சந்தோஷத்தைப் பற்றிய இந்த பாடலை கேட்டு  இரசித்து மகிழ்வோமே.

தாயின் அருமை சொல்லும் இந்த பாடலை, குறிப்பாக பாடலின் வரிகளை வாசித்து  மகிழ்வோமே !

5. தேன்கிண்ணம்  வலைப்பூவில், பல பாடல்கள் பாடல் வரிகள் மற்றும் காணொளிகளுடன்  தொகுக்கப்பட்டு வழங்கப் படுகின்றன.

நாட்டியமும் இசையும் போட்டி போடும் இந்த அற்புதப் பாடலுக்கு இணை ஏது ?

கருத்தாழம் மிக்க இந்த பாடலை கேட்டு இரசிப்போமே.

6. தமிழ் என்னும் தேனை இசை மூலம் பருக இச்சை கொள்ளும் பதிவர்கள் தமிழ், ஓஜஸ், பாணி, குழலினி , பாலு  இவர்கள் அனைவரும் இணைந்து நடத்தும் வலைப்பூ  தமிழ் இசை.  

மனம் கவர்ந்த கண்ணனை பற்றி காற்றில் வரும் இசையிடம் மங்கை ஒருத்தி கேட்பதாய் வரும் இப்பாடல் எத்தனை முறை கேட்டாலும் தெவிட்டாது.

தந்தைகளுக்கு மகள்கள் எந்நாளும் தேவதைகள் தாம் என்று சொல்லும் அழகான கவிதை வரிகள் கொண்ட அற்புத பாடல்.

7. செவிக்கினிய பாடல்கள் தளத்தில் அற்புதமான பாடல்கள், குறிப்பாக பல பழைய திரையிசைப் பாடல்களை தொகுத்து வழங்கி இருக்கிறார் திண்டுக்கல்லை சேர்ந்த திரு. ஞான வெட்டியான் அவர்கள்.

8. பாடும் நிலா பாலு தளத்தில் திரு. எஸ்.பி. பாலசுப்ரமணியம் அவர்களின் பாடல்களை தொகுத்து வழங்கி இருக்கிறார் கோவை இரவி அவர்கள்.

9. திரு. எம்.ஜி. ராமசந்திரன் அவர்களது பாடல்களை தொகுத்து எம்.ஜி.ஆர். திரைப்பாடல்கள் தளத்தில் தொகுத்து வழங்கி வருகிறார்  பதிவர் பூங்குழலி அவர்கள்.

இறைவன் எங்கும் நிறைந்தவன் என்ற கருத்தை வலியுறுத்தும் இப்பாடலை கேளுங்கள்.

10. இன்னிசை வேந்தர்கள் "சங்கர்-கணேஷ்" இசையில் தமிழ் திரைப்பாடல்கள் தொகுப்பு 
என்ற வலைப்பூவில் சகோதரர் திரு.நூஹூ  லெப்பை அவர்கள் இசை இரட்டையர்கள் என்றழைக்கப்படும் இசையமைப்பாளர்கள் சங்கர் - கணேஷ் இவர்களது இசையில் உருவான பாடல்களை தொகுத்து வழங்கி இருக்கிறார்.

பாடல், பாடலைப் பாடியவர், பாடலை தரவிறக்க சுட்டி என்று தொகுத்து வழங்கி இருக்கிறார்.

என்ன நண்பர்களே இன்றைய அறிமுகங்கள் அனைவரையும் கண்டீர்களா ? மீண்டும் நாளை வேறு சில பதிவர்கள், அவர்தம் பதிவுகளுடன் மீண்டும் சந்திப்போம்.