கும்மாச்சி - சுய அறிமுகம்

அனைத்து வலைப்பூ நண்பர்களுக்கும் எனது முதற்கண் வணக்கம்.

வலைச்சரத்தின் இந்த வார (07/07/2014-13/07/2014) ஆசிரியர் பொறுப்பை ஏற்றுள்ளேன், இந்த வாய்ப்பை எனக்களித்த வலைச்சர குழுமத்திற்கு எனது நன்றியை தெரிவித்துக்கொள்கிறேன்.

வரும் நாட்களில் எனக்குப்பிடித்த வலைப்பூக்களை அறிமுகம் செய்ய உள்ளேன், அதற்கு முன் என்னைப்பற்றியும் என் வலைப்பூ கும்மாச்சி  பற்றியும் ஒரு சிறிய அறிமுகம்.

கும்மாச்சி என்ற புனை பெயரில் 2009லிருந்து வலைப்பூவில் எழுதிக்கொண்டிருக்கிறேன். தமிழ் கூறும் நல்லுலகிலே விழுப்புரம் மாவட்டம் திருக்கோயிலூரில் பிறந்து சிங்காரச் சென்னையிலே வளர்ந்து "திரைகடல் ஓடி திரவியம் தேட" கத்தாரில் நடுக்கடலில் எண்ணெய் கிணறுகளில் என்னை தொலைத்துக்கொண்டிருக்கிறேன்.

முதலில் அனுபவங்களை கதைகளாக எழுதி வலைப்பூவில்அறிமுகம், பின்பு வந்த வரவேற்பினாலும், வாசகர் ஊக்கத்தினாலும் கதை, கட்டுரை, கவிதை என்று எழுத்தின் வீச்சு சற்று பெருகியது.

எனது எண்ணத்தில் தமிழ் மொழியின் பெருமையை உணர்த்திய எனது தமிழாசிரியை கமலா டீச்சர் பற்றிய பதிவு என் பதிவுகளில் சிறந்ததாக  கருதுகிறேன்.

எங்கிருந்தோ வந்தார் எங்களது குடும்பத்தில் ஒருவராக இருந்து எங்களுக்கு உழைத்த முதியவரைப் பற்றியது.

சென்னையில் உரத்தொழிற்சாலையில் பணிபுரிந்தபொழுது கிடைத்த வித்யாசமான அனுபவம் தெருநாய்க்கு மரியாதை என்ற பதிவானது..

நகைச்சுவையில் கவிதை எழுதலாம் வாங்க.

நான் எப்படி பதிவரானேன் மற்றுமொரு நகைச்சுவை பதிவு.

கவிதை என்ற பெயரில் கவிதை இலக்கணம் குறித்து கவிதை கிறுக்க தொடங்கிய காலம் அரசியல் ஆத்திச்சூடி என்ற நையாண்டியில் முடிந்தது.

மழைக்கால நினைவில் அவள் என் வாழ்வில் மறக்கமுடியா நினைவு.

சிறு வயது முதல் எனக்கிருந்த அரசியல் ஈடுபாடு பல அரசியல் பதிவுகளும் கலக்கல் காக்டெயில் என்ற பல்சுவை பகுதியும் டீ வித் முனியம்மா என்ற செய்தி தொகுப்பும் எழுத வழி செய்தன.

நாளை முதல் எனக்குப் பிடித்த பதிவர்களை கும்மாச்சி தொடுக்கும் மலர்ச்சரம் என்ற தலைப்பிலே அறிமுகப்படுத்த உள்ளேன்.

 என்னை ஊக்குவிக்கும்  வலைப்பூ நண்பர்களுக்கும், வலைச்சரம் ஆசிரியர் குழுமத்திற்கும் மீண்டும் ஒரு முறை எனது நன்றியை தெரிவித்து தற்பொழுது விடைபெறுகிறேன்.

வணக்கம்
என்றென்றும் அன்புடன்
கும்மாச்சி