செல்விருந்தோம்பி வருவிருந்து காத்திருத்தல்

அன்பின் சக பதிவர்களே !

இன்றுடன்  முடியும் வாரத்திற்கு ஆசிரியப் பொறுப்பேற்றவர்  தியானா.     இவரது  வலைத்தளம்   : பூந்தளிர் ( dheekshu.blogspot.com ) )- தான் ஏற்ற பொறுப்பினை சரி வர, மிகுந்த  ஆர்வத்துடனும்,  பொறுப்புணர்வுடனும்,   ஈடுபாட்டுடனும்  - நிறைவேற்றி நம்மிடமிருந்து முழு மன நிறைவுடன் விடை பெறுகிறார். 

இவர் வலைச்சர விதி முறைகளின் படியும் சில பதிவர்களையும் அவர்களது பதிவுகளையும் அறிமுகப் படுத்தி இருக்கிறார். சுய அறிமுகமும் உண்டு - முதல் பதிவில் அவரது பதிவுகளில் இருந்து சிறந்த - மற்றவர்களால் விரும்பக்கூடிய பதிவுகள் பலவற்றை அறிமுகப் படுத்தி இருக்கிறார்.

அறிமுகப் படுத்தப் பட்ட பதிவர்களும் பதிவுகளூம் மட்டுமே கீழ்க்கண்ட புள்ளி விபரங்களில் வருகின்றன. 

இவர் எழுதிய பதிவுகள்                         : 007
அறிமுகப் படுத்திய பதிவர்கள்            : 035
அறிமுகப் படுத்திய பதிவுகள்              : 174
பெற்ற மறுமொழிகள்                            : 177
வருகை தந்தவர்கள்                              : 1247

பெற்ற தமிழ் மண வாக்குகள்             : 012

தியானா பல் வேறு தலைப்புகளில் பதிவுகள் இட்டிருக்கிறார். பொதுவாக அனைத்துப் பதிவுகளிலும் - பதிவர்களை - ஊக்கப்படுத்தும் நோக்கத்துடன் அவர்களை அறிமுகப் படுத்துவதை தலையாய கடமையாகச் செய்திருக்கிறார்.   

தியானாவினை   -    அவரது   கடும் உழைப்பினைப் பாராட்டி, வாழ்த்தி வழி அனுப்புவதில் பெரு மகிழ்ச்சி அடைகிறோம். 

நாளை முதல் துவங்கும் வாரத்திற்கு   ராஜலக்‌ஷ்மி பரமசிவம் ஆசிரியப் பொறுப்பினை ஏற்கிறார் 

இவர் 2012 இறுதியில் இருந்து அரட்டை என்கிற வலைத் தளத்தில் எழுதி வருகிறார். இவர் ஆசிரியப் பணியிலிருந்து  விருப்ப ஓய்வு பெற்றவர் . மகள், மகனுக்குத்  திருமணம் செய்து வைத்து கடமையை முடித்த பிறகே  இவரது  எழுத்து ஆசை வலைப்பூ வடிவம் பெற ஆரம்பித்திருக்கிறது.

இவர் கணவரின் வங்கிப் பணியின் காரணமாக வேறு மாநிலங்களிலும் வசிக்கும் வாய்ப்பு இவருக்குக் கிட்டியது. பணி ஓய்வில் தற்பொழுது சிங்கார சென்னையில்  வசித்துக் கொண்டிருக்கிறார்.

இவரது  அனுபவங்கள் இவரது எழுத்துகளில் பிரதிபலிப்பதைத் தவிர்க்க முடியாது.  

இவரது தளத்தின் பெயர்   : அரட்டை 

இவரது தளத்தின் முகவரி :: http://rajalakshmiparamasivam.blogspot.com/

 இவரைப் பாராட்டி,  வருக வருக என வரவேற்று வாழ்த்துவதில்  பெரு மகிழ்ச்சி  அடைகிறோம். 

நல்வாழ்த்துகள் இராஜலக்‌ஷ்மி பரம்சிவம். 

நல்வாழ்த்துகள் தியானா  

நட்புடன் சீனா