ஸ்கூல்பையன் வலைப்பூ பதிவர் பொறுப்பில் வரும் வார வலைச்சரம்!!!

வணக்கம் வலைச்சர நண்பர்களே...

மூத்த பதிவர் வை. கோபாலகிருஷ்ணன் அவர்கள் வலைச்சர ஆசிரியராக பொறுப்பேற்று நேற்றுடன் நம்மிடமிருந்து விடைபெற்றார். அவர் தனது வலைச்சர பதிவாக பதிமூன்று பதிவுகள் எழுதி சக பதிவர்களையும், அவர்களது பதிவையும் அறிமுகம் செய்தும், அதோடு அவரது வலைப்பூ பதிவுகளையும் தவறாது அறிமுகம் செய்திருந்தார். 

அப்பதிவுகள் சுமார் 4500-க்கும் மேல் பக்கப்பார்வைகள் பெற்றுள்ளது. அதோடு 1000-க்கும் மேல் மறுமொழிகளும் பெற்றுள்ளது. மிகுந்த ஆர்வமுடனும், பதிவர்களின் படங்களுடனும் வலைச்சரத்தை தொடுத்த அவரை வாழ்த்தி வழியனுப்புவதில் மகிழ்ச்சியடைகிறேன்.

நாளை முதல் துவங்கும் வாரத்திற்கு வலைச்சர ஆசிரியர் பொறுப்பேற்க அனைவராலும் ஸ்கூல்பையன் என அறியப்பட்ட சரவண கார்த்திகேயன் அவர்களை அழைக்கின்றோம். அவர் ஸ்கூல்பையன் என்ற வலைப்பூ ஆரம்பித்து பதிவுகள் எழுதி வருகிறார். 

பல நாட்களாக ஸ்கூல் பையன் என்ற பெயரில் இருந்த இவர் வலைப்பதிவுகளிலும் முகநூலிலும் எதிர்கொண்ட சில சிக்கல்கள், தொந்தரவுகள், கிண்டல்கள் காரணமாக சொந்தப் பெயரில் (கார்த்திக் சரவணன்) எழுதுவதாக சொல்கிறார்.

இவரது சொந்த ஊர் விருதுநகர் மாவட்டம் ராஜபாளையம். இளநிலை வணிகவியல் பட்டம் பெற்றவர். சென்னையில் ஒரு தனியார் நிறுவனத்தில் கடந்த எட்டு ஆண்டுகளாகப் பணியாற்றி வரும் இவர் 2006 ஆம் ஆண்டு முதலே வலைப்பதிவுகளைப் படிக்க ஆரம்பித்தாலும் இவருக்கென வலைப்பூவை உருவாக்கியது 2012ஆம் ஆண்டு செப்டம்பர் மாதம் தான்.

ஸ்கூல்பையன் (கார்த்திக் சரவணன்) அவர்களை வலைச்சர ஆசிரியர் பணியில் அமர்த்துவதில் மிகுந்த மகிழ்ச்சியடைகிறேன்.

நல்வாழ்த்துக்கள் வை. கோபாலகிருஷ்ணன்....

நல்வாழ்த்துகள் ஸ்கூல்பையன் (கார்த்திக் சரவணன்)...

நட்புடன்,

தமிழ்வாசி பிரகாஷ்...