"விடைபெற்று செல்கிறார் Dr. சுந்தரி கதிர், மடை திறந்த வெள்ளமாய் வருகிறார் தனிமரம் நேசன்."

இணையவழியே இதய உணர்வுகளை பகிரும் அன்பு தோழமைகளாகிய நம்மையெல்லாம், அன்பினிய அரும்பூக்களே என்றழைத்து, வலைப் பூவுலகின் வாசமிகுந்த வண்ணப் பூக்களை அள்ளியெடுத்து, ‘வலைச்சரமாய்’ தொடுத்து வாரம் முழுவதும் வசந்தத்தை,  வாசமிகு பதிவுகளை, நமக்கெல்லாம் நல்கியபடி விடைபெற்று செல்கிறார் Dr .சுந்தரி கதிர் அவர்கள்.

இலக்கிய செழுமை இவரிடம் ஏகோபித்து இருப்பதை இவரது தனி சிறப்பு எழுத்து நடை பறைசாற்றியதை நாமறிவோம்.

அனைவரும் அறிய வேண்டிய அற்புத பதிவர்களை அடையாளம் காட்டி சென்றமைக்காக....

 Dr .சுந்தரி கதிர்  அவர்களுக்கு வலைச்சரம் குழு நன்றி கலந்த பாராட்டுக்களை வழங்குகிறது.

வலைச்சரத்தில் இவரது சிறப்பினை சீர்த்தூக்கிப் பார்க்கும் நன்மதிப்பு பட்டியல் இதோ!

Dr .சுந்தரி கதிர்  உங்களிடமிருந்து,

250 க்கும் மேற்பட்ட மறுமொழிகளும்,

 28- தமிழ் மணம் வாக்குகளையும்,

1610- க்கும்மேற்பட்ட பக்கப்பார்வைகளும் இதுவரையில் பெற்றுள்ளார்.

மருத்துவ மகத்துவத்தோடு,  இலக்கிய இன்பத்தையும் ஒருசேர வழங்கிய Dr .சுந்தரி கதிர் அவர்களை நன்றி பாராட்டி, வாழ்த்தி வழியனுப்புவதில் 'வலைச்சரக் குழு'  மகிழ்ச்சியடைகிறது.

நாளை முதல் துவங்கும் வாரத்திற்கு, வலைச்சர ஆசிரியர் பொறுப்பேற்க.... நண்பர்   திரு. தியாகராஜா சிவநேசன் அவர்கள்  விருப்பம் தெரிவித்து முன்வந்துள்ளார்.

/http://www.thanimaram.org/

வலைத்தளம்:  தனிமரம்

இணைய முகவரி :  stsivanesan@gmail.com

இந்த வாரம் வலைச்சரம் ஆசிரியராக அவரை "வருக... வருக..." என  அழைத்து ஆசிரியர் பொறுப்பில் அமர்த்துவதில்,  வலைச்சரக்குழு பெருமகிழ்ச்சி அடைகிறது.

இவரை பற்றிய அறிமுக உரையை இவரே தருகிறார் இதோ !

"என்னைப்பற்றி என்ன சொல்ல ஏதிலி எனக்கு

என்றும் எங்கும் இல்லை முகவரி!

என்றாலும் என் உணர்வுகளையும்

எழுதார்வத்தையும்  தனிமரம்

என்னும் வலையில்  காதலர்கள்/காதலிகள்

எழுதும் மரக்குறிப்பு

என்றும் 80 போலத்தான் இந்த

ஏழையும் ஏதிலியும்  உருகின்றேன்!

ஏனோ என்னையும் தமிழ் அன்னை வயலில்

ஏறுபிடிக்கும் ஒரு சால் காட்டும் வழிப்போக்கன் போல

என்னையும் அழைக்குது வலைச்சரம் !!

என்னும் ஒரு

எல்லாவாசமும் வீசும் மலர்மேடை

எனக்கும் தகுதியுண்டா ?,,என்ன தகுதி

என்று என்னையே என்னிப்பார்க்கின்றேன்?,,

என்றும்

அன்புடன் தனிமரம் நேசன்."

வலைச்சரம் அறிந்த வகையில், இவர் தற்பொழுது பிரான்ஸ் தேசத்தில் எர்மோன் எபோன் என்னுமிடத்தில் வசித்து வருகிறார். இவர் 2014 
ஜனவரி -லிருந்து தனிமரம் என்னும் வலைப்பூவை  ஆரம்பித்து சிறப்புற எழுதி வருகிறார்.

" தனிமரமும் தோப்பாகலாம் தோள் கொடுத்தால் " என்னும் இவரது வாசகம் முற்றுலும் முழுமை பெறுவதற்கு நாமும் தோள் கொடுப்போம் தோழருக்கு!

 தனிமரம் தியாகராஜா சிவநேசன் அவர்களை,

இந்த வாரம் வலைச்சரம் ஆசிரியராக  "வருக... வருக..." என அழைத்து ஆசிரியர் பொறுப்பில் அமர்த்துவதில், வலைச்சரக்குழு பெருமகிழ்ச்சி அடைகிறது.

நல்வாழ்த்துகள் Dr .சுந்தரி கதிர் 

நல்வாழ்த்துகள் தியாகராஜா சிவநேசன்

நட்புடன்,
புதுவைவேலு