காமெடிப்பதிவுகளில் கலக்கும் பெண்கள்

முதல் நாளிலிருந்து என்னுடன் ஆர்வமாக பயணிக்கும் அனைவருக்கும் வணக்கங்கள் .

எழுத்துக்கள் வரம் . சிந்திப்பவர்களோ , படிப்பவர்கள் அனைவருமே எழுத்தாளர்கள் ஆகி விடுவதில்லை . ஆனால் , எழுத்தாளர்கள் அனைவரும் படிக்கிறார்கள் . அதுவே எழுத்தின் மூலங்களாக அமைகின்றன .

எழுத்துக்களிலும் கொஞ்சம்
 நகைச்சுவை சர்க்கரைத்தூவித் தர கசப்பான உண்மைகளும் இனிப்பாக உள் இறங்குகின்றன . நம்முடைய கலைவாணர்  என்.எஸ்.கே , விவேக் கடைப்பிடிக்கும் காமெடி ஊரறிந்த ரகசியமல்லவா .. அதிலும் பெண்களுக்கு இயல்பாகவே நகைச்சுவை உணர்வு கம்மி என்றும் சொல்லக்கேள்விப்படுகிறோம் .

எல்லாவற்றிலும் விட்டுத்தந்து அழகுப்பார்த்தவள் பெண் , நகைச்சுவையும் வெளியில் காட்டாமல் வீட்டினுள் காத்து , அழகுப்பார்ப்பவள் .. எத்தனை மனைவி ஜோக் , சமையல் ஜோக் வந்திருக்குப்பாருங்க ..ஆனால் கணவன் ஜோக் , மனைவி எழுதியதாக கேள்விப்படறோமா .. அங்க இருக்குங்க பெருந்தன்மை .. (கொஞ்சம் ஓவராத்தான் போறோமோ .. வந்துடறேன் விஷயத்துக்கு )

நான் பேஸ்புக்கில் பார்த்து வியந்தப்பெண் , இத்தனை அழகாக இயல்பான , யாரையும் புண்படுத்தாத நகைச்சுவையை எழுத முடியுமா பதிவுகளாக என ஆச்சர்யக்கடலில் என்னை தொபுக்கடீர் என்று தள்ளியப்பெண் இவர் .
ஸ்ரீதேவி செல்வராஜன் . கனவுத்திருடி இவரது வலைப்பூ ..(ஏற்கனவே இங்கு அறிமுகம் போலிருக்கிறது . ;)

வலைப்பதிவராகவும் சக்கைப்போடு போடுகிறார் . ஜாலிப்போஸ்ட் என்ற பெயரில்
தான் குடியிருக்கும் வீட்டிற்கு கீழே வசிக்கும் பாட்டியுடனான இவரது உரையாடல்கள் கடைசியில் வைக்கும் ட்விஸ்ட்கள் குபீர் சிரிப்பை வரவழைக்கும் . படிச்சுப்பாருங்களேன் , அசந்துப்போவீங்க ..

பாட்டியுடன் ஒரு உரையாடல்

அட என்னப்பா இந்தப்பொண்ணு ஜாலியாத்தான் எழுதுமா என்றால் , சரக்கொன்றை என்றப்பெயரில் கவிதைப்போல உரை நடை தந்து உற்சாகமூட்டுகிறார் .

 சரக்கொன்றை


iயல்பாக விமர்சித்திருக்கும் பாகுபலி விமர்சனம் .. நல்ல அலசலாக தேர்ந்த எழுத்தாளராகப்பட்டது எனக்கு .

பாகுபலி விமர்சனம் , இவருக்கு சினிமாவும் எழுதி கலக்க  வருகிறதே  என்று  படிக்க வைத்தது .

காளி என்ற தலைப்பில் இவரின் கவிதைக்கண்டு மிரண்டுத்தான் போனேன் .

கதைச்சொல்லி என்ற இலக்கிய இதழில் கதைகள் எழுதும் எழுத்தாளராகவும் அவதார ஏற்றுள்ள ஸ்ரீதேவியை வலைச்சரம் வாயிலாக வாழ்த்துகளை தெரிவித்துக்கொள்கிறோம்.

அடுத்தது .. அனன்யா மஹாதேவன் , அனன்யாவின் எண்ண அலைகள் என்ற இவரது வலைப்பூ .. நம்மை வளைத்துக்கொள்ளும் பூ ..

கொஞ்சம் வளவள எழுத்துக்களுக்கு சொந்தக்காரார் தான் ஆனால் , அத்தனையும் காமெடி முத்துக்கள் ..

ஒரு பதிவோடு நீங்க படிச்சிட்டு வெளில வரலாம்ன்னு நினைச்சா ஏமாந்து தான் போவீர்கள் ..

இங்கே பாருங்களேன் , பில்டர் காபி போட்டுக்குடிப்போம் ..சரி ..சரி போட்டுத்தந்தால்  குடிப்போம் , அதையே ஒரு பதிவாக மணக்க மணக்க விட்டிருக்கிறார் ..

பில்டர் காபி - பதிவு
தனது கணவரை ரங்கஸ் எனக்குறிப்பிடுபவரது அன்னியோன்யமும் அழகாக வெளிப்படுகிறது இப்பதிவில் .

லஷ்மி என்றப்பெண்மணி , ஒரு மன வளர்ச்சிக்குன்றியக்குழந்தையைக்காப்பாற்ற , ஏழாவது மாடியில் , சின்ன கான்கிரீட் பாத்தியில் நடக்க முடியுமா .. இவர் பதிவைப்பாருங்களேன் ..

லஷ்மி ... அனன்யா அம்மாப்பற்றியப்பதிவு

மெய்சிலிர்க்கும் அனுபவம் அனன்யா எழுதியவை .

டிவி ப்ரோகிராம் பார்த்து நாம சிரிப்போம் .. அதையே நகைச்சுவை ததும்ப ததும்ப பதிவாக்கினால் , அழகாக ஜொள்ளர்கள் - ஆடியன்ஸ் என்று காமெடிக்களம் அமைத்துக் கதகளி ஆடியிருக்கிறார் , இந்த காமெடி க்வீன் ..

இந்தப்பதிவில் ..

டிவிப்ரோகிராம் ..அலப்பறை  ஆசம் ..

எந்த இமேஜ்க்கும் கட்டுப்படாமல் ..இவர் எழுதியிருக்கும்

விஜயவாடா விசும்பல்ஸ் படிங்க கலக்கல் தான்

விஜயவாடா விசும்பல்கள்..

இவர்களது பதிவுகள் அனைத்துமே எழுத்தின் இனிமையை , ஆர்வத்தை தூண்டுபவையே ..

நம் வலைச்சரம் சார்பாக 2009 முதல் வலைப்பதிவராக உள்ள அனன்யாவை  வலைச்சரம் சார்பாக வாழ்த்துகளை தெரிவித்துக்கொள்கிறோம்.

தொடருவோம் ..அடுத்தப்பதிவர்களோடு ..

அன்புடன்

சுமிதா ரமேஷ் .