வலைச்சரத்தில் நான் ஒரு அறிமுகம்

பெரிய எழுத்தாளர்களும் கவிஞர்களும் சிந்தனையாளர்களும் உலவிய வலைச்சரத்தில் ஒரு வார காலம் ஆசிரியராக பணியாற்ற அய்யா சீனா அவர்களிடமிருந்து அழைப்பு வந்த போது ஆச்சரியமாகவும் ஆனந்தமாகவும் இருந்தது . பிரபல பதிவர்கள் வலம் வரும் பதிவுலகத்தில் பதிவர் என்றே சொல்ல தகுதியற்ற என்னையும் அழைத்து என்னை போன்ற பதிவர்களை ஊக்கப்படுத்தி வரும் அய்யா சீனா அவர்களுக்கும் மற்றும் வலைச்சர நிர்வாகிகளுக்கும் நன்றி கலந்த வணக்கங்களை தெரிவித்து என்னை பற்றி சிறிய அறிமுகம் செய்யலாம் என நினைக்கிறேன் .

என்னை பற்றி சொல்வதற்கு பெரிதாக ஒன்றும் இதுவரை சாதிக்க வில்லைஎன்றாலும் ஒரு சிறு அறிமுகம் இன்றியமையாதது என நினைக்கிறேன் . தமிழகத்தின் தென் கோடியில் அமைந்துள்ள குமரி மாவட்டத்தில் இயற்கை எழில் கொஞ்சும் மலையடிவாரத்தில் அமைந்துள்ள கொற்றிகோடு என்ற ஊர் தான் பிறப்பிடம் . காலம் செய்த கோலத்தினாலும் தொழிலுக்காக இப்போது மாலைதீவில் கட்டிட பொறியாளராக இந்திய நிறுவனத்தில் பணியாற்றி கொண்டிருக்கிறேன் .

ஒரு வாரத்திற்கு முன்னதாக விடுமுறைக்காக சொந்த ஊரிற்கு விட்டு போன வசந்தங்களை நுகர வந்தேன் . தாய் மண்ணிலிருந்து இப்போது வலைச்சர பணியை செய்து வருகிறேன் . என் வாழ்நாளில் இது ஒரு மகிழ்ச்சியான மறக்க முடியாத நிகழ்வு .

என்னுடைய வலைப்பதிவு என் பக்கங்கள் -சுரேஷ் . ஏதோ எல்லோரும் வலை பதிவு , இணைய தளம் வைத்திருக்கிறார்களே நமக்கும் நம்மை அடையாளப்படுத்த வலை பதிவு வேண்டும் என உருவாக்கினேன் . என்னுடைய பதிவில் நான் பரிந்துரைக்கும் இடுக்கைகள் என்றால்

• உலகத்திலே கேவலமான இனமா தமிழினம்

• புத்தர் உயிரோடிருந்தால் சிங்கள இனவெறிக்கு எதிராக ஆயுதமேந்தியிருப்பார்

• தமிழ் புத்தாண்டும் அரசின் குழப்பமும்

வருகின்ற ஒரு வாரமும் வலைச்சர விதி படி பதிவர்களையும் பதிவுகளையும் அறிமுக படுத்தவிருக்கிறேன் . நண்பர்களின் பதிவுகளும் என்னை கவர்ந்த பதிவுகள் புதிய பதிவர்களின் பதிவுகள் என அறிமுக படுத்தவுள்ளேன் .நண்பர்களாகிய நீங்கள் என்றும் போல் எனக்கு பின்னூட்டம் வாயிலாக உற்சாகமளிக்க வேண்டி கொள்கிறேன் .