வலைச்சரத்தில் என் முதல்நாள் ஆசிரியப்பணி..

வலைச்சரத்தில் என் முதல்நாள் ஆசிரியப்பணி..

வலைச்சரத்தின் அடுத்த முத்தாய் என்னையும் கோர்த்து அடுத்த ஒரு வாரத்திற்கு சரம் தொடுக்க அழைத்துள்ள (அ) குண்டுக்கட்டாய் மிரட்டி அள்ளிக்கொண்டுவந்துள்ள ஐயா சீனா அவர்களுக்கு நன்றிகள் பல..

நான் பதிவுலகிற்கு வந்ததே வெகு சமீபத்தில்தாம்.. அண்மையில் தான் ஒரு நண்பர் என்னை இங்கு அறிமுகப்படுத்தியதாய் நியாபகம்.. என்னை அறிமுகப்படுத்திய அந்த அறிமுகப்படுத்தலின் நியாபகம் மறையும்முன், என்னையே இப்போது வலைச்சர ஆசிரியராக்கி என் மூலம் பல புதிய வலைப்பூக்களை அறிமுகப்படுத்த வாய்ப்பளித்து என்னையும் ரவுடியாக்கிய சீனா அவர்களுக்கு உண்மையிலேயே மனதிடம் கொண்ட பெரியமனசுதான்..

நான் பிற சக வலைப்பதிவர்களை அறிமுகப்படுத்தும் முன், முதலில் என்னை நானே அறிமுகப்படுத்திக்கொள்வது நல்லது என நினைக்கிறேன்.. இல்லையேல், ஒருவாரம் கழித்து, இவ்வளவுநாள் இங்க கத்திட்டு இருந்தியே யார்நீ'னு நம்மாளுங்க கேட்டாலும் கேட்டுடுவாங்க.. ஆகவே ஒரு சிறு சுய அறிமுகம்..

இந்த சுரேஷ்'னு பேருவெச்சிருந்தாவே எங்க போனாலும் கொழப்பம்தான்.. எங்க திரும்பினாலும் மூணு நாலு சுரேஷுங்க இருப்பாங்க..

இங்கேயும் நம்ம சீனா ஐயா எனக்கு முன்னாடியே ரெண்டு சுரேஷ கொண்டாந்துட்டார்.. இப்போ மூனாவதா நானும் இங்க.. எல்லாரும் யார் யார் எந்த சுரேஷுன்னு தெளிவா நியாபகம் வெச்சுகிட்டு கும்முங்க..


நான் சுரேஷ், கோயமுத்தூரில் இருந்து "எழுதுவது எல்லாம் எழுத்தல்ல.." என்ற பெயரில் எழுதிவருகிறேன்..
(அதிக்கப்படியான வேலைப்பளு மற்றும் புதியவேலை தேடும் அவசரத்தில் கடந்த மாதத்தில் சரியாக எழுதமுடியவில்லை..)

கதை, கவிதைகளில் வேக வைக்க பருப்பு ஏதும் இல்லாததால் இப்போதைக்கு சொந்த அனுபவங்களின்மூலம் கொண்ட கருத்துக்களை எழுதிவருகிறேன்..

சேற்றில் முளைத்த செந்தாமரையாய், எனக்குள்ளும் ஒரு கதைக்கரு விழுந்தது..
அதனை கதையாய் வடித்ததில், பலபேர் படித்து ரெண்டுநாள் சோறு தண்ணி இறங்காமல் விக்கித்து நின்றனர்..

அவ்வளவு வரலாற்று சிறப்புமிக்க கதையின் தலைப்பு..

கொலைகாரன் குடும்பத்தார் (part 1)..

(அதில்வரும் கதாபாத்திரங்களும் கதையுமே ஒருவாறு உல்டாலங்கடியாய் இருப்பதால், கதையின் கடேசியில் இன்வெஸ்டிகேசன் தொடரும் என்று இருப்பதின் பொருள், கதை அவ்ளோதான்.. அடுத்த பகுதி இல்லை என்று எதிர்மறை பொருள்கொள்ளலாம்.. ஆகவே கதையின் இரண்டாம் பாகத்தை எதிர்பார்க்கவேண்டியதில்லை..)

என் இடுகைகளில் சிறந்தது என்று நான் எதையும் பிரித்து கூற முடியாது..
அதற்கான காரணங்களில் ஒன்று.. அவை நான் எழுதியவை..
ரெண்டாவது.. ஒவ்வொரு இடுகையயுமே எழுதும்போது ஏதோ அந்த மாதத்திற்காக நிரப்படும் இடுகையாய் எண்ணாமல், ஒவ்வொரு இடுகையயுமே நான் எழுதும் முதல் இடுகையாய் நினைத்து மிக யோசித்து பொறுமையாய் முழு ஈடுபாட்டுடன் எழுதுவது..
முக்கியமாய் இந்த இரண்டுகாரணங்களால் எனது அனைத்து இடுகைகளுமே ஏதாவது ஒரு விதத்திலேனும் எனக்கு பிடித்தமான ஒன்றுதான்..

எனதெழுத்துக்களை தாங்கியுள்ள என் வலைப்பூவைகாண "எழுதுவதெல்லாம் எழுத்தல்ல"க்கு வாருங்கள்..


நாளைமுதல், கொண்ட கடமையை சிறப்பாய்ஆற்ற கூடஇருந்து நல்லவிதமாய் வழிநடத்தி உதவுங்கள் நண்பர்களே..

நாளை சந்திப்போம்.. நன்றி..