வலைச்சரத்தில் என் இரண்டாம்நாள் ஆசிரியப்பணி..

வணக்கம் நண்பர்களே..

பணிக்குவர சற்று தாமதமாகிவிட்டது.. மன்னிக்கவும்..

காலைல இருந்து வாத்திய காணோம்னு கடுப்பாகி பொகஞ்சுட்டு இருக்கிங்களோ..
(அன்புநெஞ்சம் அப்டி யாராவது ஒருத்தராச்சும் இருந்தா, அந்த அன்புக்கு என் கோடானுகோடி நன்றிகள்..)

பொகையாட்டியும் பரவா இல்லை.. அந்த அன்புக்கும் என் நன்றிகள்..

சரி.. வந்ததே லேட்டு.. ஒழுங்கா வேலைய பாப்போம்..

இன்னைக்கு ஒருதுறை சார்ந்த சில பல வலைப்பூக்களை இங்கு குறிப்பிடலாமென நினைத்திருந்தேன்.. ஆனால் ஒரே வித பதார்த்தத்தை எத்தனை விதமாக, வெவ்வேறு வடிவில் உண்டாலும், இறுதியில், உண்டவருக்கு அனைத்தும் ஒன்றுபோலவே உணரப்பட்டு வெறுப்பாய் இருக்கலாம் என்று நினைத்து, இன்றைய படையலை அறுசுவை படையலாக படைக்க உத்தேசித்துள்ளேன்..

இதில், படையலை உங்களுக்கு படைப்பது மட்டுமே என் பொறுப்பு..
அதில் எது சைடு டிஸ், எது மெய்ன் டிஸ் என அறிவது உங்களின் பொறுப்பு..

இனி படையல்..

முதலில் புன்னகை முதல் இடி சிரிப்புவரையும் அதற்குமேலும் தரவல்ல நகைச்சுவை..

இவர் சமீபத்தில் தனியாக சிரிக்க சங்கடப்பட்டுக்கொண்டு எல்லாரையும் அவரோடு சிரிக்க அழைப்பு விடுத்துள்ளார்.. இவருடன் போய் சிரிக்க இங்கே செல்லலாம்..

இவரின் வலைப்பூ முகவரி http://tamiljokes4u.blogspot.com/

கடந்த இரண்டு மாதங்களில் மட்டும் 54 இடுகைகள் இட்டு சிரிக்க வைத்துக்கொண்டுள்ளார்.. இந்த மாதம் இதுவரி 14 சிரிப்புகுண்டுகளை சிறப்பாக வீசியுள்ளார்.. நீங்களும் சென்று பாருங்கள்..

$$$$$$$$

அடுத்து உள்ள வலைப்பூவானது ஒரு உணவு பதார்த்தத்தின் பெயரிலேயே உள்ளது..


இவர் தனது வலைப்பூவிற்கு பலாச்சுளை என்று பெயர்சூட்டியுள்ளார்..

இவரின் வலைப்பூ முகவரி http://yasavi.blogspot.com/

வலைப்பூவும் உண்மையில் சுவையாகத்தான் உள்ளது..

சீனாவில், முட்டை ஓட்டிலிருந்து உள்ளே உள்ள மஞ்சள் கரு வரைக்கும் முழுவதும் கெமிக்கலை கொண்டு போலி முட்டை தயாரித்ததை நீங்கள் கேள்விபட்டிருக்கிறீர்களா.. வெகு சிலரே கேள்விப்பட்டிருப்பீர்கலென நினைக்கிறேன்.. அந்த முட்டையை தயாரிக்க, முட்டை ஒன்றுக்கு 20 பைசா அளவிற்குதான் செலவாகிறதாம் அவர்களுக்கு.. ஆனால் விற்பதோ.. ?

கொள்ளை லாபத்திற்காக நடந்த இந்த நூதன மோசடியை அந்நாட்டு பத்திரிக்கையாளர் ஒருவர் கண்டுபிடித்து வெளியிட்டிருந்தார்..

அந்த செய்தியை நான் எங்கோ கேட்டிருந்தேன்.. பத்திரிக்கையில் பார்த்தேனோ இல்லையோ.. அந்த படங்களை இவர் வலைப்பூவில் பார்த்தேன்..

நமக்கான பொதுநல, அறிவுரை போன்ற இடுகைகளுடன் இண்டர்வியூவை எதிர்கொள்ளும் முறைகளையும் அழகாக சொல்லியுள்ளார்..

இவர் மேன்மேலும் பல சிறந்த இடுகைகள்மூலம் தனது வலைப்பூவினை இன்னும் அலங்கரிக்க வாழ்த்துகிறேன்..

$$$$$$$$

அடுத்தது.. குட்டிகளுக்காக..

வேணாம்.. வேணாம்..
இப்டி சொன்னா வேற யாராது வந்தாலும் வந்திடுவாங்க.. அப்புறம் வம்பா பூடும்..

அதனாலே சுட்டிகளுக்காக'னு சொல்றேன்..

இவர் கடந்த ஆறு மாதங்களில் மொத்தமே 12 இடுகைகள்தான் இட்டுள்ளார் எனினும் சுட்டிக் குழந்தைகளுக்கான வலைப்பூ என்பதனாலும், பெரும்பாலானோர்க்கு இந்த வலைப்பூ அறிமுகம் இல்லை என்பதாலும், இங்கு அறிமுகம் செய்வதால் கிடைக்கும் உற்சாகத்திலேனும் இவர் இன்னும் பல இடுகைகள் இடுவார் என்ற நம்பிக்கையிலும் அவரை இங்கு அறிமுகப்படுத்துகிறேன்..

இவரின் வலைப்பூ முகவரி http://chutti-ulaham.blogspot.com/

குழந்தைகளுக்கான பாட்டுக்களும், கதைகளுமாக வலைப்பூவை அமர்க்கலப்படுத்திக்கொண்டுள்ளார்.. சுட்டிகளுக்கான இந்த சேவையை இன்னும் பல இடுகைகளுடன் தொடர வாழ்த்துக்கள்..

$$$$$$$$

இவர் நமக்கு கொஞ்சம் ரொம்ப புதிய பதிவர்தான்..

கடந்த மாதம் எழுதத்தொடங்கி, இதுவரை ஆறு இடுகைகள் இட்டுள்ளார்..

அதுவும் ஒரேமாதிரியானதாக இல்லாமல் பலதும் பலவிதம்..

இவரின் வலைப்பூ முகவரி http://rekharaghavan.blogspot.com

இவரை இந்தவகை பதார்த்தம் என இனம் காண முடியாததாலும், ஆறில் மூன்று இடுகைகள் அவரின் அனுபவத்தை பகிர்வதாலும், இவரை அனுபவம் என்ற பதார்த்தத்தில் சேர்க்கிறேன்..

ஒரு சமையல் குறிப்பு, இரண்டு சிறு கதைகள், மூன்று சொந்த அனுபவங்களென ஆறு இடுகைகளில் முத்துறைகளில் முத்திரை பதித்துள்ளார்..

கடப்பா ஊரு தான் கேள்விபட்டிருப்போம்.. இங்க இவர் அப்படி ஒரு பதார்த்தமே யதார்த்தமாக செய்யக்கற்றுக்கொடுக்கிறார்..

முதல் இடுகையில்,

அன்புள்ள நண்பர்களுக்கு ,

வணக்கம். புதிதாக வந்துள்ளேன். உங்கள் ஆதரவினை அன்புடன் நாடுகிறேன்.

ரேகா ராகவன்.

என்று அன்போடு ஆதரவினை கேட்டுள்ளார்..

வாருங்கள், வலைச்சரத்தின் சார்பாக நமது ஆதரவினை அவருக்கு தந்து மேலும்பல இடுகைகள் இட அவரை உற்சாகப்படுத்துவோம்..

$$$$$$$$

அடுத்தது சமையல் தொடர்பான வலைப்பூ..

இவர் 2008'ல் இருந்தே எழுதிவருபவராம்.. இருந்தாலும், தொடர்ச்சியாய் இல்லாமல், எப்போதேனும் ஒன்றாக சில இடுகைகள் மட்டுமே இட்டுவருகிறார்..

இவரின் வலைப்பூ முகவரி http://suganthiskitchen.blogspot.com/

பிரியாணி நாம் அறிவோம்..
முளைப்பயிறும் நாம் அறிவோம்..
முளைப்பயிறு பிரியாணி..?
யார் அறிவார்களோ இல்லையோ..
இதுவரை நான் கண்டதில்லை
இந்த பிரியாணியை..

இங்குவந்து காணுங்கள் அவரின் முளைப்பயிறு பிரியாணியை..

இதனுடன் சேர்த்து இருபதுக்கும் மேற்ப்பட்ட உணவு வகைகளை இவரின் வலைப்பூ வந்து சமைக்க கற்றுக்கொள்ளுங்கள்..

$$$$$$$$

அடுத்தது வேலைவாய்ப்பு சம்பந்தமான வலைப்பூ..

இவரின் வலைப்பூ பெயரே வேலைவாய்ப்பு கல்வி வலையிதழ் ..

இவரின் வலைப்பூ முகவரி http://tedujobs.blogspot.com/

IT துறைகளில், தற்போது வேலை வாய்ப்பு உள்ள, பல பல பிரிவுகளுக்கான வேலைவாய்ப்பு செய்திகளை நல்லமுறையில் வெளியிட்டு வருகிறார்..

இவரும் மூத்த பதிவர்தான் போலும்.. கடந்த 2006'ல் இருந்து எழுதி வருகிறார்..
இது பலருக்கு தேவையான வலைப்பூவாக இல்லாமல் இருக்கலாம்..

ஆனால், தட்சமையம் வேலைதேடிக்கொண்டிருக்கும் பல நண்பர்களுக்கு இந்த வலைப்பூ நிச்சயம் ஒரு நல்ல துணையாக இருக்குமென நம்ம்ம்ம்ம்பி இங்கு அறிமுகப்படுத்துகிறேன்..

இவர் 2006'இல் இருந்தே எழுதி வருவதால் பலரும் அறிந்திருக்க வாய்ப்புள்ளதுதான் எனினும், இந்த வலைப்பூவை அறியாத, பல வேலைதேடும் நண்பர்களுக்கு இது உதவியாய் இருக்குமென இங்கு அறிமுகப்படுத்துகிறேன்..

இவரின் வலைப்பூ சென்று, அவரின் வேலைவாய்ப்பு செய்திகளை அறிந்து, உங்களின் நண்பர்களுக்கு உதவி, அவரை உற்சாகப்படுத்துங்களேன்..


சரி நண்பர்களே.. இன்றைய கடமையை, பணியை நல்லமுறையில் முடித்திருப்பேன் என்ற நம்பிக்கையில் விடைபெறுகிறேன்..

நாளை சந்திப்போம்.. நன்றி..