அக்டோபர் 5 முதல் ஆசிரியராக அன்பு

சக பதிவர்களே

செப்டம்பர் 28 முதல் ஆசிரியப் பொறுப்பேற்க வேண்டிய நண்பர் செல்வேந்திரன் தவிர்க்க இயலாத காரணங்களினால்பொறுப்பேற்க இயலவில்லை. பல முறை அலைபேசியில் அழைத்து பொறுப்பேற்க வேண்டியும் அவரால் இயலவில்லை.

அதனால் இவ்வாரம் இடுகைகள் இடுவது தடைப்பட்டு விட்டது.

வருந்துகிறேன்

வருகிற அக்டோபர் ஐந்தாம் நாள் முதல் அருமை அன்புமதி ஆசிரியப் பொறுப்பெற்கிறார். இவர் சிவகாசியினைச் சார்ந்தவர். இருபதே வயது நிரம்பிய இளைஞர். வாழ்க்கையின் முழு அர்த்தததைத் தேடித் திரியும் சராசரி வாலிபர் எனச் சொல்லிக் கொள்பவர். சூன் 2008 முதல் பதிவராக இருக்கிறார். டிசம்பர் 2008 துவங்கி இன்று வரை ஏறத்தாழ 75 இடுகைகள் இட்டுள்ளார். இவரை தொண்ணூற்று மூன்று பதிவர்கள் பின் தொடர்கின்றனர். யார் நூறாவது பின் தொடரும் பதிவரோ தெரியவில்லை.

பல்வேறு தலைப்புகளில் இடுகைகள் இட்டுக் கலக்குபவர்.

இவரை வருக வருக என வலைச்சரம் சார்பினில் வரவேற்பதில் பெருமை அடைகிறேன்.

சீனா