கவிஞர்களும் கதைஞர்களும்

வாங்க மக்களே.. வணக்கம்.. ரெண்டு நாளா எதை எதையோ பத்தி எழுதிட்டு, தீபாவளிக்கு வாழ்த்துக்கள் சொல்லாமயே விட்டுட்டேன்..
தீபாவளி வாழ்த்துக்கள் மக்களே..
அட..ஏன் கோபப்படறீங்க .. தீபாவளி லீவெல்லாம் முடிஞ்சி ஆபீஸ்ல வந்து சோகமா உக்கார்ந்து இருக்கற நாள்ல வந்து வாழ்த்து சொல்றேனேன்னு தானே கோபம்.ம்ம்.உங்க கோபம் நியாயம்தான்.ஆனா வாழ்த்தாம எப்படி விடறது..அதனால‌தான் வாழ்த்திட்டேன்...
இப்பிடித்தாங்க சில பேர் எந்த நேரத்துல எதைப்பேசறதுன்னு தெரியாம..என்னை மாதிரி வம்புல மாட்டிகறாங்க.. அது எப்படின்னு நான் ஒரு கதை சொல்றேன் கேட்கறீங்களா?(மாட்டேன்னு யாரும் சொல்லப்படாது)
ஒரு பெரியவர் ஒரு சின்ன கிராமத்துக்குப் போக வேண்டி இருந்துச்சாம்.பஸ் எத்தனை மணிக்கு வரும்ன்னு தெரியாததால அவர் பேரனைக் கூப்பிட்டு பஸ் ஸ்டாண்ட்ல போயி "பஸ் எப்போ வரும்ன்னு கேட்டுட்டு வா" அப்படின்னு சொன்னாராம்.
பேர‌ன் "சரி"ன்னு சொல்லிட்டு ப‌ஸ்ஸ்டான்ட்ல‌ போயி கேட்டானாம்..4 ம‌ணிக்கு வ‌ரும்ன்னு சொன்னாங்க‌ளாம்..
ந‌ம்ம‌ ப‌ய‌தான் வாலுப் ப‌ய‌லேச்சே.. சும்மா இருப்பானா..
" 4 ம‌ணிக்கு வ‌ரும்"" 4 ம‌ணிக்கு வ‌ரும்"ன்னு க‌த்திகிட்டே..வீட்டுக்கு வ‌ந்தானாம்..
வ‌ர்ற‌ வ‌ழியில‌ ஒரு ம‌ண்பானை செய்ய‌ற‌வ‌ர்.. பானையெல்லாம் செஞ்சி வெயில்ல காய‌வ‌ச்சிகிட்டு இருந்தாராம்.மேகம் அப்போ அப்போ வந்து போய்கிட்டு இருந்துச்சாம்.. ம‌ழை வ‌ந்திர‌க்கூடாதே.. பானையெல்லாம் வீணாயிடுமேன்னு கவலைப் பட்டுட்டு இருந்தாராம்.
அந்த‌ வ‌ழியா ந‌ம்ம‌ ஹீரோ 4 ம‌ணிக்கு வ‌ரும்ன்னு க‌த்திட்டு வ‌ந்தாராம்.எப்ப‌டி இருக்கும் அந்த ம‌னுச‌னுக்கு..கூப்ட்டு ந‌ம்ம‌ ஹீரோவை "ந‌ல்லா க‌வ‌னிச்சு"..(மேகம்)உள்ளதும் போயிடும்ன்னு சொல்லுன்னு மிர‌ட்டினாராம். உட‌னே பைய‌ன்
உள்ளதும் போயிடும்ன்னு க‌த்த‌ ஆர‌ம்பிச்சுட்டான்..
அடுத்து வ‌ழில‌..ஒருத்த‌ர் க‌ண் சிகிச்சை செஞ்சுகிட்டு ..க‌ண் நல்லாத் தெரிய‌ணுமேன்னு க‌ட‌வுள‌ வேண்டிகிட்டே வ‌ர்றார்.அவ‌ர் முன்னாடி போயி.."(பார்வை)உள்ளதும் போயிடும்"ன்னு கத்தினா என்ன ஆகும்..ம்ம்.. ஹிஸ்ட‌ரி ரிப்பீட்ஸ் மாதிரி.. மிர‌ட்ட‌ல் ரிப்பீட்ட‌ட்.. நல்லாத் தெரியும்ன்னு சொல்லுன்னு சொல்லி அனுப்பி வ‌ச்சாராம்.பைய‌ன்.. ந‌ல்லாத் தெரியும்ன்னு க‌த்திட்டே வ‌ந்தானாம்.(( ப‌ய‌புள்ள‌ இத்த‌னைக்கும் க‌த்த‌ற‌த‌ ம‌ட்டும் விட‌ல‌.. இதைப்போட்டு சாத்தினா த‌ப்பே இல்ல‌))

இப்போ எதிர்ல‌ வ‌ந்த‌து திருட்டுப் பொருட்களோட ஒரு திருட‌ன்.திருடின‌து யாருக்கும் தெரிய‌க்கூடாதுங்க‌ற‌ க‌வ‌லையோட‌...இப்போ அவ‌ர் முன்னாடி பைய‌ன் போயி " ந‌ல்லாத் தெரியும்"ன்னு க‌த்தினான். அப்புறம் என்ன‌.. வ‌ழ‌க்க‌மான‌ க‌வ‌னிப்போட‌.. ட‌ய‌லாக்.. "ஒண்ணும் தெரியாது"ன்னு மாற்றப்ப‌ட்ட‌து. வீட்டுக்குப் போனான் தாத்தாகிட்ட‌ போயி ஒண்ணும் தெரியாதுன்னு சொன்ன்னான். ம்ம்.. அப்புற‌ம் என்ன‌.. தாத்தாகிட்ட‌யும்..ஸ்டார்ட் மீஜிக்தான் .. தேவையில்லாத‌ நேர‌த்துல‌.. தேவையில்லாத‌த‌ப் பேசினா இப்பிடித்தாங்க‌ ஏடாகூட‌மா ஏதாச்சும் ந‌ட‌க்கும்

இப்படியெல்லாம் நேரம் காலம் தெரியாம உளராம சொல்ல வர்ற கருத்தை அனைவரும் ஈர்க்கும் சொற்களோடு,எளிதில் புரியும் வகையிலும்,விரும்பப்படும் வகையிலும் சொல்வதே கதையும்,கவிதையும். இதைப் போன்ற சிறந்த கதாசிரியர்களும்,கவிஞ‌ர்களும் வலையுலகில் மிக அதிகம்.அவர்களில் சிலரின் வலைப்பூவை இங்கே காணலாம்.

எல்லாரும் அதிகமா காதல் கவிதைகள் படிச்சிருப்பீங்க.மொழிப்பற்று,நாட்டுப்பற்று இதைப் போன்ற கவிதைகள் படிச்சிருக்கலாம். ஆனா இவர் எழுதியிருக்க கவிதையப் பார்த்தா டைட்டில்லயே டெரர் ஆகுதுங்க. நீங்களும் படிங்க. பயந்திராதீங்க‌
http://konjumkavithai.blogspot.com/2009/10/blog-post_19.html

ஆத்திச்சூடியை மாத்தித் தந்திருக்கிறார் இவர்
http://vijaykavithaigal.blogspot.com/2009/09/2009.html.இதுமட்டுமல்ல‌ காதல் கவிதைகள் முதல் கண்ணீர்க்கவிதைகள் வரை அனைத்தும் உண்டு இவ்வலைப்பூவில்

ஒரு மீனவ குடும்பத்தின் வாழ்வைச் சொல்லுவதாய் எழுதப்பட்ட இக்கவிதை கடல் கடந்து குடும்பத்தைப் பிரிந்து வாழும் எவருக்கும் பொருந்ந்துவதாய் இருப்பது சிறப்பு http://keerthyjsamvunarvugal.blogspot.com/2009/10/blog-post_392.html


உதவிகள் இன்றியும் உண்ணால் முடியும்
உழைக்க ஏனோ தயங்குகிறாய்...
த‌ன்ன‌ம்பிக்கையைத் தூண்டும் அரிய‌ க‌விதையின் சில‌ வ‌ரிக‌ள் இவை.மேலும் ப‌டிக்க‌ கீழே கிளிக்குங்க‌ள்
http://aazhmana-alaigal.blogspot.com/2009/09/blog-post_24.html

ஆறாந்திணை என்னும் த‌லைப்பில் ஐவ‌கை நில‌ங்க‌ளின் இய‌ல்போடு இவ‌ர் எழுதும் க‌விதைக‌ள் அபார‌ம்
http://theyaa.blogspot.com/2009/09/blog-post_16.html

சில கதை எழுதும் வலைப்பூக்களைப் பார்க்கலாமா இப்போ?

இவர் எழுதும் தில்தில் திகில் நிஜமாவே திகிலாத்தான் இருக்கு.நீங்களும்தான் கொஞ்சம்பயப்படுங்களேன்
http://mahawebsite.blogspot.com/

உற‌வுகளின் அருமையைச்சொல்லும் அழகிய கதை இது
http://anbudan-mani.blogspot.com/2009/10/blog-post_18.html

ஆன்மீகக் கதைகளை ஜனரஞ்சகமான வடிவில் படிக்க வேண்டுமா?வாருங்கள் இங்கே.நிச்சயமாய் ஆன்மீகத்தைப் பற்றிய ஒரு புதிய சிந்தனையைத் தரும் இவரது பதிவுகள்
http://gurugeethai.blogspot.com/

இன்னிக்குப் பதிவு கொஞ்சம் பெரிசா போச்சி. அதனால இதேவகையில் மற்ற சில வலைப்பூக்களை நாளை பார்க்கலாம்.

அதுவரைக்கும் டாடா..பைபை..சீ யூ... ஃப்ர்ம் இயற்கைமகள்