உள்ளூர் சினிமாவிலிருந்து உலகசினிமா வரை

வணக்கம் மக்களே...

செய்தித்தாள்களும் தொலைக்காட்சிகளும் நடுநிலை விமர்சனங்களை மறந்துபோய் நாட்கள் நகர்ந்த நிலையில் இப்பொழுதெல்லாம் தரமான, நடுநிலையான விமர்சனங்கள் தருவது பதிவர்கள்தான் என்று சொன்னால் மிகையாகாது. ஒரு திரைப்படம் வெளிவந்தால் பிரபல பதிவர்கள் மட்டும்தான் என்றில்லாமல் பலதரப்பட்ட பதிவர்களிடமிருந்து பலதரப்பட்ட விமர்சனங்கள் வருகின்றன. சில படங்கள் வெளிவரும்போது சூடான விவாதங்கள், கருத்து மோதல்கள் கூட வருகின்றன. அவ்வாறாக அதிகம் பரிட்சயமில்லாத, ஆனால் நயமான விமர்சனங்கள் எழுதும் பதிவர்களைப் பற்றி இன்றைய பதிவில் பார்க்கலாம்.

1. Annamalai http://manipuram.blogspot.com/

மூன்றாண்டு காலமாக பதிவுலகில் இருப்பவர் என்றாலும் இன்னமும் வெளிச்சத்திற்கு வராமல் இருக்கும் ஒரு பதிவர். இவர் எழுதியுள்ள விமர்சனங்களில் ஆயிரத்தில் ஒருவன் படத்தின் விமர்சனத்தை சிறப்பானது என்று கூறுவேன். அச்சமுண்டு அச்சமுண்டு படத்தையும் தனது அழகான எழுத்துநடையில் விமர்சித்திருக்கிறார். சமீபத்தில் எழுதிய யுத்தம் செய் விமர்சனமும் உங்கள் பார்வைக்காக...

2. ஊர் காவலன் http://oorkavalan.blogspot.com/

எல்லோரும் புதுப்படங்களுக்கு விமர்சனம் எழுதிக்கொண்டிருக்கும் போது இவர் மட்டும் புது ஸ்டைலில் மனம் கவர்ந்த பழைய படங்களைப் பற்றி விமர்சனம் எழுதுகிறார். இவ்வாறாக தில்லுமுல்லு படத்திற்கும் ரஜினியின் பில்லா படத்திற்கும் விமர்சனம் எழுதியிருக்கிறார் பாருங்கள். கமல் படங்களில் மைக்கேல் மதன காம ராஜன் படத்திற்கும் நாயகன் படத்திற்கும் விமர்சனம் எழுதியிருக்கிறார்.

3. சிவ சம்போ... http://muthusiva.blogspot.com/

வியக்கவைக்கும் வித்தியாசமான பர்சப்ஷன் கொண்ட பதிவர். யுத்தம் செய் புதிய யுத்தமல்ல என்ற தலைப்பில் தொட்ட கதை சுட்ட கதையை விவரித்திருக்கிறார். மேலும், அயன் படம் பார்த்துவிட்டு அய்யோ அம்மா என்று புலம்பியதைக் கேளுங்கள். இத்தகைய விமர்சனங்கள் எழுதியிருப்பவர் சுந்தர்.சியின் நகரம் படத்தை அசத்தலான மறுபக்கம் என்று வியப்பது வியப்பாகவே இருக்கிறது.

4. Suthershan http://suthershan.blogspot.com/

அரிதாக சில படங்களுக்கு மட்டும் விமர்சனம் எழுதுபவர் எனினும் தரமான வகையில். ஆடுகளம் படத்திற்கு விமர்சனம் எழுதியபோது தான் முதல்முறையாக இவரது விமர்சன நடையை படிக்கும் வாய்ப்பு கிட்டியது. அப்படியே கொஞ்சம் பழைய பக்கங்களை புரட்டிப் பார்த்ததில் வ குவாட்டர் கட்டிங் படத்திற்கும் எந்திரன் படத்திற்கும் தனது எளிமையான எழுத்துக்களில் விமர்சனம் எழுதியிருந்தார்.

5. ஐத்ரூஸ்'ன் பேரன்பும் பெருங்கோபமும் http://idroos.blogspot.com/

இவர் ஒரு ஆல்-ரவுண்டர் என்று சொல்லலாம். மிஷ்கினின் யுத்தம் செய் படத்திற்கு விமர்சனம் எழுதியிருக்கிறார். இன்னும் தேடிப் பார்த்ததில் பாலிவுட் படமான குஜாரிஷ் படத்திற்கும் விமர்சனம் எழுதியிருக்கிறார். அதிமுக்கியமாக பார்த்தே தீரவேண்டிய படவரிசையில் நாம் தவறவிட்ட The Shawshank Redemption படத்திற்கும் விமர்சனம் எழுதியிருக்கிறார்.

6. மெட்ராஸ் பவன் http://madrasbhavan.blogspot.com/

மீண்டுமொரு திறமையான ஆல்-ரவுண்டர். சமீபத்தில் எழுதியது பயணம் – விமர்சனம். நிறைய பாலிவுட் படங்கள் பற்றி எழுதியிருக்கிறார் அவற்றுள் No One Killed Jessica விமர்சனத்தை முக்கியமானதாக குறிப்பிடலாம். ஹாலிவுட் படமான Tangled 3D விமர்சனத்தையும் கொஞ்சம் பாருங்கள். கூடிய விரைவில் உலகப்படங்களையும் ஒரு கை பார்ப்பார் என்று எதிர்ப்பார்க்கப்படுகிறது.

7. குழந்தை ஓவியம் http://aadav.blogspot.com/

கிட்டத்தட்ட ஐந்தாண்டு காலமாக பதிவுலகில் இருப்பவர், எனினும் சமீபத்தில் எந்திரனின் முன்னோடியான Bicentennial Man படத்திற்கு விமர்சனம் எழுதியபோது தான் இவரது தளத்தைப் பற்றி அறிந்துக்கொண்டேன். சமீபத்தில் வெளிவந்த நடுநிசி நாய்கள் படத்தைப் பற்றிய இவரது கருத்தைக் கேளுங்கள். இவரும் நாம் தேடிக்கொண்டிருந்த The Shawshank Redemption படம் பற்றி எழுதியிருக்கிறார்.

8. கருப்பு பெட்டி http://denimmohan.blogspot.com/

இவரும் ஒரு உலகசினிமா ஆர்வலர். உள்ளூர் சினிமா என்று பார்த்தால் எந்திரன் படத்தின் CGக்கு மட்டும் ஸ்பெஷலாக ஒரு விமர்சனம் எழுதியிருக்கிறார். பல உலக சினிமாக்களுக்கு விமர்சனம் எழுதியிருந்தாலும் வலைச்சரத்தில் அறிமுகப்படுத்தக்கூடிய இடுகை என்றால் After Shock என்ற சீனப்படத்தை குறிப்பிடலாம். சினிமா தவிர்த்து இவர் எழுதிய இடுகைகளில் விசித்திரங்கள் அதிகம் பாதித்தது.

9. தூரத்தே பெய்யும் மழை http://sumohan.blogspot.com/

வித்தியாசமான சில உலகப்படங்களுக்கு விமர்சனம் எழுதி நம் கவனத்தை ஈர்க்கிறார். சமீபத்தில் எழுதிய Kundun என்னும் ஆங்கிலப்பட விமர்சனத்தின் வாயிலாக தள அறிமுகம் கிடைத்தது. மேலும் Samsara, Himalaya என்று திபெத்திய படங்கள் இரண்டிற்கு விமர்சனம் எழுதியிருக்கிறார். இங்கே இணைப்பு கொடுத்துள்ள மூன்று படங்களுக்குமே ஒரு ஒற்றுமை இருக்கிறது தெரியுமோ...?

10. உளவாளி http://ulavali.blogspot.com/

பதிவுலகிற்கு புதியவர். இதுவரை எழுதியுள்ள ஆறு இடுகைகளில் ஐந்து உலக சினிமா பற்றியவை. டெத் நோட் என்ற ஜப்பானிய பட விமர்சனத்தையும், ரெக் என்ற ஸ்பானிஷ் பட விமர்சனத்தையும் தவறவிடாதீர்கள். சினிமா தவிர்த்து நிலவில் கால்வைத்தது உண்மையா..? என்னும் இடுகை பிரமாதப்படுத்துகிறது. எழுத்துப்பிழைகளை மட்டும் தவிர்த்தால் நலம்.

போனஸ்:

ஆறாவது எண்ணில் அறிமுகப்படுத்திய அதே மெட்ராஸ் பவன் சிவக்குமார் தான். அவரது மற்றொரு தளமான நண்பேன்டா வலைப்பூவில் தமிழ் சினிமாவின் தலைசிறந்த பத்து படங்கள் குறித்து எழுதியிருக்கிறார். மேலும், 2010ம் ஆண்டின் திரை விருந்து என்று ஏழு பாகங்கள் கொண்ட தொகுப்பை எழுதியிருக்கிறார். இவை இரண்டுமே தவறவிடக்கூடாத அதிமுக்கியமான சினிமா இடுகைகள்.

டிஸ்கி: இன்றைய இரண்டாவது இடுகையாக வலைச்சரத்திற்காக நான் மிகவும் ரசித்து எழுதி ஒரு இடுகையை தயார் செய்து வைத்திருக்கிறேன்... மற்றபடி கன்டென்ட் சர்ப்ரைஸ்.

என்றும் அன்புடன்,

N.R.PRABHAKARAN