ராஜி - ஆதி வெங்கட்டிடம் இருந்து பொறுப்பேற்கிறார்.

அன்பின் சக பதிவர்களே

இன்றுடன் முடியும் வாரத்திற்கு ஆசிரியப் பொறுப்பேற்ற ஆதி வெங்கட் தான் ஏற்ற பொறுப்பினை ஈடுபாட்டுடனும் - உழைப்பினால் தேடிப்பிடித்து பதிவர்களை அறிமுகம் செய்தும் ஏழு இடுகைகள் இட்டு ஏறத்தாழ முன்னூற்று நாற்பதற்கும் மேலான மறுமொழிகள் பெற்றும் - சரிவர நிறைவேற்றி இருக்கிறார். அன்னாரை வாழ்த்தி வழி அனுப்புவதில் பெரு மகிழ்ச்சி அடைகிறேன்.

நாளை துவங்கும் வாரத்திற்கு ஆசிரியப் பொறுப்பேற்க அன்புடன் இசைந்த்ள்ளார் சகோதரி ராஜி. இவர் .........

"விருதுநகர் மாவட்டத்தில் அமைந்த ராஜபாளையத்தில் பிறந்து, சிறுவயதில் தாமிரபரணிக் கரையோரம் அமைந்த திருநெல்வேலியில் வளர்ந்து, தாமிரபரணியையே இவரது தோழியாக சிறுவயதில் கற்பனை செய்து பின் தந்தையின் பணி நிமித்தம் அங்கிருந்து இடம் பெயர்ந்தவர்.

தந்தையின் அரசுப் பணி காரணமாக வருடம் ஒரு ஊரில் இருந்து படித்து பின் அடுத்த வருடம் மற்றொரு ஊர் என்று வாழ்ந்ததால் பல ஊர்களின் அனுபவங்களை இளம் வயதிலேயே கண்டறிந்தவr. கிட்டத்தட்ட தமிழ் நாட்டின் பல மாநிலங்களிலும் வாழ்நதபவர் - வாழ்பவர்.

வணிகவியலில் இளநிலைப் படிப்பு படித்து சமஸ்க்ருதத்தில் டிப்ளோமோ பெற்றவர்.

இவரது இலக்கிய ஆர்வத்தின் காரணமாக சிறு வயதிலிருந்தே பல புத்தகங்களையும் பல எழுத்துக்களையும் படிக்கும் பழக்கமும், தெளிந்த ஞானமுடைய இவரது தந்தையின் மூலம் கேள்வி வழியே கற்றறிதலும் தொடர்ந்தது.

பத்தாவது படிக்கும் பொழுது தமிழாசிரியை தந்த ஊக்கத்தில் எழுத ஆரம்பித்தவர். அன்றிலிருந்து இன்றுவரை அந்த ஆர்வம் தொடர்ந்து இன்று நம் முன் அவரை நிறுத்தியுள்ளது

சகோ ராஜியினை வருக வருக - அறிமுகங்களை அள்ளித் தருக என வாழ்த்தி வரவேற்பதில் பெருமகிழ்ச்சி அடைகிறேன்.

நல்வாழ்த்துகள் ஆதி வெங்கட்

நல்வாழ்த்துகள் ஆதி

நட்புடன் சீனா