கீதமஞ்சரியிடம் இருந்து பொறுப்பேற்கிறார் ஜோஸஃபின் பாபா

அன்பின் சக பதிவர்களே

இன்றுடன் முடியும் வாரத்திற்கு ஆசிரியப் பொறுப்பேற்ற சகோதரி கீதமஞ்சரி - தான் ஏற்ற பொறுப்பினை சரிவர நிறைவேற்றி - மன நிறைவுடன் நம்மிடம் இருந்து விடை பெறுகிறார். இவர் ஏழு பதிவுகள் இட்டு, தன்னுடைய 7 பதிவுகள் உள்ளிட்ட 177 பதிவுகளை அறிமுகப் படுத்தி இருக்கிறார். பெற்ற மறு மொழிகளோ 286. அறிமுகப் படுத்தப்பட்ட பதிவர்களோ 175.

அறிமுகப் படுத்துவதில் கீதமஞ்சரி இத்தனை பதிவுகளையும் தேடிப் பிடித்து - பல்வேறு தலைப்புகளில் - பதிவுகளாக்கி இட்டமை நன்று. இவரது உழைப்பு பாராட்டத் தக்கது.

சகோதரி கீதமஞ்சரியினை நன்றி கலந்த நல்வாழ்த்துகளுடன் வழி அனுப்புவதில் பெருமை அடைகிறேன்.

நாளை துவங்கும் வாரத்திற்கு ஆசிரியப் பொறுபேற்க அன்புடன் இசைந்துள்ள சகோதரி ஜே.பி.ஜோஸஃபின் பாபா வினை வருக வருக என வரவேற்று வாழ்த்துவதில் பெருமகிழ்ச்சி அடைகிறேன். இவர் பாளையங்கோட்டை சேவையர் கல்லூரியில் உதவிப் பேராசிரியராகப் பணியாற்றுகிறார். புகைப்படம் எடுப்பதிலும், தோட்டக் கலையிலும், வாசிப்பதிலும் ஈடுபாடு கொண்டவர். மேற்கத்திய இசையிலும் கர்நாடக இசையிலும் ஆர்வமுடையவர்.

சகோதரி ஜோஸஃபின் பாபாவினை நாளை காலை இந்திய நேரப்படி ஆறு மணி முதல் பதிவிடத் துவங்குக எனக்கூறி விடை பெறுகிறேன்.

நல்வாழ்த்துகள் கீத மஞ்சரி

நல்வாழ்த்துகள் ஜோஸஃபின் பாபா

நட்புடன் சீனா