வணக்கம் பல முறை சொன்னேன் ....

அன்பின் சீனா சார் அவர்களுக்கும் , அவர்தம் வலைச்சரம் ஆசிரியர் குழுவிற்கும் நெஞ்சார்ந்த வணக்கம் !
அறிமுகப் படுத்திய அன்பின் வைகோ சாருக்கு அடியேனின்
பணிவான வணக்கம் !
அனைத்துலக தமிழ் வலைப் பதிவர்களுக்கு சிரம் தாழ்ந்த வணக்கம் !
விட்டுப் போன அனைவருக்கும் சுணக்கமே இல்லாமல்
கூறுகிறேன்..
அனைவருக்கும் வணக்கம் ..வணக்கம் ..வணக்கம் !  
இப்ப உங்க எல்லாருக்கும் ராம மூர்த்தியாகிய நான்   ஒரு ஆளை அறிமுகப் படுத்தப் போறேன் .அவர் பேரு விநாயக மூர்த்தி!
   ஆளைப் பார்த்தாலே பெயருக்கு ஏற்றார் போல் கேள்விக் குறி                   (வினா ?!)போல இருப்பார் ..அந்த பெடகொனியன் மூக்கு கொஞ்சம் வித்யாசமா இருக்கும் .. அந்த மூக்கும், முன்வழுக்கையும்  அறிவு ஜீவிகளுக்குத் தான் இருக்கும் என்பதை DISPROVE பண்ணியவர்.சம்பந்தா சம்பந்தா இல்லாமல் மூக்கை நுழைப்பதில் கில்லாடி !  இப்படித் தான் எனக்கும் அவருக்கும் பொதுவான நண்பர் ஒருவர் புலம்பிக் கொண்டிருந்தார்.." நம்பிக்கையான ஆளா இருப்பார்னு நினைச்சுத் தான் கேஷியரா வேலைக்கு எடுத்தேன் ..அந்த ஆளு கல்லாவிலிருந்து பத்தாயிரம் ரூபாயைத் தூக்கிட்டுப் போயிட்டான் .."
      அதுக்கு நாம என்ன சொல்வோம் ? அவரை சமாதானம் படுத்துவோம் ..
நம்மாளு சமாதானப் 'படுத்தினதை' கேளுங்க..
      "டேய் சோமு, நாங் கூட இப்ப சும்மாத் தான் இருக்கேன் ..அந்த கேஷியர் வேலைக்கு வேணா வரட்டுமா?"
     போதுமா அறிமுகம் !
               இவரை விநாயக மூர்த்தி என்று  நீட்டி முழக்கி பெயரைக்  கூப்பிடுவதற்குள் பொழுது விடிந்து போய் விடும் என்பதால் நம்மாளு என்றே அழைப்போம் !
நம்மாளு : எதுக்குப்பா என்னை கூப்பிட்டே?
நான்         : என்னை நம்ம வலைச் சர பகுதிக்கு ஆசிரியரா ஒரு வாரத்திற்கு
                     போட்டிருக்காங்க...
நம்மாளு : சந்தோஷம் !அதுக்கு நான் எதுக்கு?
நான்          : நீ தான் என்னை அறிமுகப் படுத்தணும்!
நம்மாளு : புண்ணாக்கு டப்பாக்கு புதுசா வாசனை வேணுமாக்கும் !
நான்         : ரைமிங்கா வரதுங்கிறதுக்காக புண்ணாக்கு...புடலங்காய்னு       ஏதாவது  உளறி வைக்காதே! நாலு பேரு வந்து போற இடம்பா  இது !

நம்மாளு : உன்னோட பர்த்டே க்கு ஒண்ணு எழுதினியே ..அந்த லிங்கைப்
                      போடு !
நான்          : இதானே http://aaranyanivasrramamurthy.blogspot.in/2011/04/blog-post.html
நம்மாளு  : பார்க்கிறவங்க மன்னிக்கணும் ! CUT AND PASTE பண்ணினால் தான்
                       லிங்க் கிடைக்கும் !
நான்           : நான் எழுதினதுல உனக்கு ரொம்ப புடிச்சது எது?
நம்மாளு   : பைத்தியம் தான் !
நான்           : நான் பைத்தியக் கார டாக்டர்ட்ட போனது தானே அது   என்  விகடனில் வந்தாச்சே !!
நம்மாளு   : பிசிக்ஸ் ல  CERN  பற்றி எழுதினியே ! அதைப் போடேன்!
நான்             : http://aaranyanivasrramamurthy.blogspot.in/2012/02/e-mc2.html
நம்மாளு    : கண் தானம் செல்வராஜ் பற்றி எழுதினியே ..அதைப் போடு
                        ' பார்க்கிறவங்க' உனக்கு சமூகப் பொறுப்பு இருக்கிறதா
                        நினைச்சுப்பாங்க !
நான்            : http://aaranyanivasrramamurthy.blogspot.in/2012/03/blog-post_24.html
நம்மாளு   :  வேற ஏதாவது?
நான்           : போதும்பா ..எப்பவும் நாமளே நம்மள பத்தி சொல்லக் கூடாது
                        மத்தவங்க சொல்லணும் !
நம்மாளு  :  நல்ல வேளை! இப்பவாவது புரிஞ்சுதே !
நான்          :  என்னப்பா சொல்றே ?
நம்மாளு :  ஒண்ணுமில்ல...... நாளைக்கும் வரேன்னு சொல்றேன் !
நான்         :  வா.. இந்த வாரம் டெய்லி வா..நீ வராட்டி எனக்கு கையும் காலும்
                      ஓடாது !
நம்மாளு : கேட்கறேன்னு தப்பா நினைக்காதே!
நான்         : என்ன கேட்கப் போறே?    கை       எப்படி ஓடும் தானே கேட்கப் போறே        அது ஒரு அரதப் பழைய ஜோக் ...நீ சரியான FORM'ல   இருக்கியான்னு
தெரிஞ்சிக்கத தான் நான்    நூல்விட்டுப் பார்த்தேன் !