எங்களின் முன்னோடிகள்

அனைவருக்கும் காலை வணக்கம்.

இன்று  நான் அறிமுகம் செய்யப் போகும் இருவர் மிகவும்
முக்கியமானவர்கள். எங்களது சங்க முன்னோடிகள்.

அதில் முதலாவதாக தோழர்  காஷ்யபன்  எல்.ஐ.சி ஊழியராய்,
சங்கத்தின் முன்னணி ஊழியராய், செம்மலர் பத்திரிக்கையின்
துணை ஆசிரியராய் பணியாற்றியவர். அவரது வயது 
அவரது எழுத்துக்களில் தெரியாது. பல்வேறு கடந்தகால
சம்பவங்களை இன்றைய நிலைக்கு ஏற்ப நமக்கு
நினைவுபடுத்துவதில் அவருக்கு நிகர் அவரே.  அன்றைய சதி
பற்றியும் முகமது அலி ஜின்னா       பற்றியும் அவர்
எழுதியதை அவசியம் படியுங்கள். ஐவரானோமா?     என்ற
இந்த கதையும் அருமை.

இன்னொருவர் எங்கள் சங்கத்தின் தென் மண்டலத் 
துணைத்தலைவராக இருந்து ஓய்வு பெற்ற
தோழர் தோழர் இ.எம்.ஜோசப்  சிறந்த பொருளாதார
அறிஞர். பண வீக்கம்தான் என்ன என்ற அவரது நூல்
சமீபத்தில் வெளியானது. எங்கள் சங்கத்தின் மகத்தான
தலைவர் தோழர் என்.எம்.சுந்தரம் அவர்கள் எழுதிய
நூல், தோழர் ஜோசப் அவர்களின் தமிழாக்கத்தில்
" தகர் நிலையில் சர்வ தேச நிதி மூலதனம் " என்று
வெளியானது.  ஆங்கில மொழி   பற்றிய அவரது இந்த
பதிவு மிகவும் சுவாரஸியமானது. 

நான் பெற்ற இன்பம் நீங்களும் பெற றேடியோஸ்பதி  க்கு
அவசியம் செல்லுங்கள். இங்கே ஒரு இசைப் பொக்கிஷமே
உள்ளது. மிகக் கடினமான உழைப்பால் அவர்  இசைஞானி
இளையராஜாவின் பிரபலமான பின்னணி இசைக்
கோர்வைகளை தொகுத்துள்ளார். நாடோடித் தென்றல் 
உங்களை இங்கே வருடிச் செல்லும். நாயகன் உங்களை
சிலிர்க்க வைப்பான்.

எனது ஒரு தமிழாக்கத்தை  இங்கே வழங்க ஆசைப்
படுகிறேன். எங்களது அகில இந்தியத் தலைவர் 
தோழர் அமானுல்லாகான் ப்ரண்ட்லைன்  இதழிற்கு
அளித்த பேட்டி  மிகவும் முக்கியமானது. யாருக்காக
இந்த அரசு செயல்படுகிறது என்பதை உணர
இப்பேட்டியை  அவசியம் படியுங்கள்.  

அவரது பேட்டி இன்னும் விரிவாக ஹிந்து இதழில்
வெளிவந்தது. ஆங்கிலத்தில்  இங்கே படியுங்கள்.
நாளை தமிழில் அளிக்கிறேன்.


அவகாசம் இருப்பின் மாலை சந்திப்போம்.

அதுவரை சீனாவின் பன்ஜின் கடற்கரையில்
கொஞ்சம் இளைப்பாறுங்கள்,
அதன் அழகை ரசித்தபடி