கதை சொல்லிகள்...

வலைச்சர விருப்ப தாரர்களுக்கும் , நண்பர்களுக்கும் என் காலை வணக்கங்கள். சிறுகதை, பெருங்கதை சிந்தனையாளர்களை அவர்களின் வலைப்பக்கதிற்கே சென்று சின்னதாய் கைக்குலுக்கி விட்டு வருவோம்!

1 ) குடந்தையூர் - ஆர்.வி. சரவணன் 

இவரின் எழுத்துக்களை வாசித்து முடிக்கையில் நமக்குள்ளும் துளிர் விடும் சிறுகதை எழுதும் ஆர்வம். இதுதான் இவரின் வெற்றி ரகசியம்.. 2010 லிருந்து வலையுலகில் தொடர்ந்து எழுதி வருகிறார்!

மாப்பிள்ளை விற்பனைக்கு அல்ல, பெற்றோர், நட்புக்குத் தங்க மனசு இப்படி சிறுகதைகளை எழுதிய இவர் இளமை எழுதும் கவிதை நீ... என்கிற நெடுங்கதையையும் தனது தளத்தில் எழுதி வருகிறார்! கூடவே கவிதை, சினிமா, அனுபவம் இப்படியும் பகிர்ந்து வருகிறார்!

2) நினைவில் சில கனவுகள்  - செம்மலை ஆகாஷ் 

கடந்த வருடத்திலிருந்து தொடர்ந்து நிறைய எழுதி வந்தாலும் இவரிடம் நான் வியந்து ரசித்தது இவரின் கதைகளைத்தான்! நல்ல படைப்பாளி ...

 காதலின் குணமும்! பெற்றோர்களின் மனமும்! என்கிற தலைப்பில் ஒரு பெருங்கதை எழுதிய இவர் எங்கே இருக்கிறாள் அவள்? அவளைத்தேடி ஒரு பயணம் என்ற தொடர்கதையை எழுதி வருகிறார். படித்தால் நமக்கே நடந்த உணர்வை தரும் படைப்பு ...

இதை தவிர்த்து நையாண்டி, நகைச்சுவை, அரசியல், சினிமா விமரசனமும் எழுதி வருகிறார்.

3) ரசிக்கிறேன், ருசிக்கிறேன் - மாதவன் இளங்கோ 

பெல்ஜியத்தில் வசித்து வரும் இவர் மிக சமீபத்தில் தான் வலைப்பக்கம் தொடங்கி இருக்கிறார்.

இவரின் எழுத்துக்கு ஒரே ஒரு  சான்று இந்த கல்லூரி கட்டணம் படித்து முடிக்கையில் மனம் என்னென்னவோ .சிந்திக்கிறது ..படித்து பாருங்கள் ..தோழர்களே .

4) நான் நானாக

சிலரது படைப்புகள் வாசிக்கும் நம்மை ஒரு உலுக்கு உலுக்கப் போடும் அந்த வகையில் இவரது படைப்புகளும் உள்ளது.

இந்த தொடரும் பயணங்கள் அப்படித்தான் வாசித்த என்னை எங்கேயோ கொண்டு தொலைத்து மீண்டும் என்னை கொண்டு வந்து சேர்த்தது.

அதிகம் எழுதாத இவர் போன்றவர்கள் கொஞ்சம் சிரமத்தை பாராமல் நிறைய எழுத வேண்டுகிறேன்!

5) சுபத்ரா பேசுறேன் - சுபத்ரா

கடந்த இரண்டு வருடங்களாக எழுதி வரும் இவர் நிறைய வகைகளை நமக்கு எழுத்தின் மூலம் வழங்குகிறார். அதில் சிலவற்றை இங்கு காண்போம்!

இது கதையல்ல நிஜம் என்ற உணர்வுள்ள பகுதியை நம்முன் வைத்து விட்டு எதுவும் சொல்லாமல் நமக்கு ஆயிரம் கற்பினைகளை வழங்கி செல்லும் திறமை எல்லோருக்கும் வராது.

நாமிருவர் அதிகம் விவரிக்காமல் சொல்ல வந்த விடயத்தை நறுக்கு தெரித்தார் போல் சொல்வதிலும் இவங்களுக்கு இணை இவங்களே தான்!

6) ரிஷ்வன் கவிதைத் துளிகள் - ரிஷ்வன்

2011 லிருந்து எண்ணற்ற படைப்புகளை வழங்கி வருகிறார். கவிதை, கட்டுரை, சிறுகதை என்று பன்முக படைப்பாளி இவர்.

இவரின் மொத்த எழுத்துக்களுக்கும் இந்த இரண்டு ஏக்கர் நிலம் ஒரே சான்று!

அடுத்து உலகப் பொதுமறையாம் திருக்குறளை வைத்து திருக்குறள் வடிவில் கவிதை எழுதுகிறார்...

7)  தமிழ் தெரு - த. ஜார்ஜ்

சிலர் சொல்ல வரும் பெருங்கருத்தை நகைச்சுவை முலாம் பூசி படிப்பவருக்கு சலிப்பு தட்டாமல் எழுத்தின் உள்ளே பயணிக்க வைப்பர்! அந்த வகையறா இவரது படைப்புகளும்!

அடுத்த ஞாயிற்றுக் கிழமை  இதற்கு சான்று! வலை போன்று மேலும் படைப்புகளை வழங்கி இருக்கிறார்!

8) வல்வையூரான் - இராஜ முகுந்தன்

கடந்த வருடத்திலிருந்து எழுதி வருகிறார். எதார்த்தமாக வந்து விழுகின்றன இவரின் ஒவ்வொரு படைப்புகளும்!

தேர் முட்டுக்கட்டை காதலை சுவைபட சொல்லிச் செல்கிறார்!  இளநீர்., மௌனம் பேசியது. என்று மேலும் நல்ல எழுத்துக்களை நமக்காக வழங்கி இருக்கிறார்!

9) காக்கைச் சிறகினிலே - அகல்

சென்ற வருடத்திலிருந்து எழுதி வருகிறார்! நல்ல படைப்புகளை வழங்கி வரும் இவர் அனுபவம், கவிதைகள், ஹைக்கூ போன்றவற்றை எழுதி வருகிறார்!

"தீதும் நன்றும் பிறர்தர வரும்" மிக எளிமையான வரிகளில் உலகுக்கு சொல்ல வேண்டிய கருத்தை கதையின் ஊடாக செல்வது தான் இவரின் சிறப்பு தெரிகிறது!

10) தேன் மதுரத் தமிழ் - கிரேஸ்

கடந்த மூன்று வருடங்களாக எழுதி வரும் இவரின் படைப்புகள் அனைத்தும் மிக சுருக்கமாகவே இருக்கிறது! ஆனால் நிறைய சொல்கிறது நம்மிடம்!

கோபம் என்கிற கதையில் தெரிகிறது குழந்தைகளிடம் எப்படி இருக்கவேண்டும் என்பது! மேலும் இவரின் தளத்தில் குழந்தைகளுக்காகவே நிறைய படைப்புகள் வழங்கி இருக்கிறார்!


இன்றைய தினம் என்னோடு பயணித்த உங்களுக்கு என் உளம் கனிந்த நன்றிகள்... மீண்டும் சந்திப்போம் மீண்டுமொரு பதிவில் ..

நன்றிகளுடன்

அரசன்
உ. நா. குடிக்காடு