கவிதை சிற்பிகள்

இன்றைய பதிவில் கவிதை எழுதும் சில நண்பர்களின் பக்கத்திற்கு சென்று வருவோம் வாருங்கள்...

1) செய்தாலி - செய்தாலி 

பெரும்பாலும் அதிகம் பேச மாட்டார், இவரின் எழுத்துக்கள் தான் அதிகம் பேசும். உணர்வுகளோடு வெளிப்படும் இவரின் கவிதைகள்...

நேசமும் நேசிப்பும், ஆடைகழற்றும் நவதொழில் இவை இரண்டும் இவரின் எழுத்துக்கு சிறு சான்று ... இது போல் எண்ணற்ற படைப்புகள் இவரின் தளத்தில் புதைந்துள்ளன...

2) என் இரசனையில் - பிரேம் 

தொழில் நுட்பம், சினிமா, கவிதை என அனைத்தும் கலந்து எழுதுபவர். இவரின் காதல் கவிதைகளின் மூலம் தான் இவரின் அறிமுகம் எனக்கு கிட்டியது.

உள்ளூர நேசிக்கிறேன் உன்னை ., காற்று தீண்டா கன்னியவள் இரண்டு படைப்புகளும் இவரின் எழுத்துக்கு ஒரு அடையாளம்! 

3) கவிதை - சீனி 

இவரின் எழுத்தில் ஒரு காரம் இருக்கும், சமூக கோபம் இருக்கும் .. நல்ல படைப்பாளி...

தீக்குளிப்பு!, நம்புகிறேன். போன்ற படைப்புகளோடு மேலும் சிறந்த படைப்புகளும் இவரின் தளத்தில் பொதிந்துள்ளன.

4) இப்படிக்கு அனீஷ் ஜெ - அனீஷ்

இவரின் தளத்தில் நிறைந்திருப்பவை அனைத்துமே காதல் கவிதைகள் தான்!

படிக்க படிக்க நமக்கும் காதல் ஊற்றெடுக்கும்!

காதல் கதைகள், அவள் வீட்டு தீபாவளி இவை போன்ற கவிதைகளோடு மேலும் பல கவிதைகள் உங்கள் வாசிப்புக்காக காத்திருக்கின்றன!

5) சுஜா கவிதைகள் -

அதிகம் எழுதமாட்டார், எழுதினால் அதிகம் பேசும் இவரின் கவிதைகள்!

பெயரை தொலைத்தவள், ஜன்னலோர இருக்கை இந்த படைப்புகளோடு சேர்ந்து மேலும் உணர்ச்சி படைப்புகள் நிறைந்துள்ளன இவரின் தளத்தில்!

6) இரவின் புன்னகை - வெற்றி வேல்

கவிதைகளை இவரின் பக்கங்களில் அதிகம் காணலாம்! மேலும் வரலாறு பற்றியும் சில படைப்புகளை பகிர்ந்து வரும் இவரின் தளத்திலிருந்து,

என் விடியல், இங்கிருந்து தொலைவோமே இரண்டும் இவரின் கவிதைக்களுக்கான சான்று!

7) தேன்கவிதைகள்

நிறைய எழுதி வந்தவர் இப்பொழுதெல்லாம் மிக குறைவாகவே எழுதிவருகிறார். நிறைய எழுதினால் நன்றாக இருக்கும்!

கதையல்லாத கயிறுகளின் நெடி, இனிக்கும் விரல்களின் சுவை இவைகளோடு சேர்ந்து மேலும் நிறைய படைப்புகள் நிறைந்துள்ளன இவரின் தளத்தில்!

8) போற போக்குல.. - எழுதி வைக்கிறேன் மறந்து போகும் முன் ...

இப்படி ஒரு தலைப்பே ஒரு வித்தியாசமானதாக இருந்தமையால் ஒரு ரவுண்டு வருகையில் நிறைய எழுதாமல் இருந்தாலும் சொல்ல வந்ததை சிறப்பாக சொல்லி இருக்கும் இவரின் தளத்தில் சென்று ஒரு பாராட்டை தெரிவித்து விடுங்கள் தோழமைகளே!

9) பாகீரதி

அனைத்தும் கலந்து கட்டி எழுதி வரும் இவரின் தளத்திலிருந்து சில கவிதைகள் உங்களின் பார்வைக்கு ...

அவள் நினைவு, குடைக்குள் மழை இரண்டுமே மென்மையாய் புனையப்பட்ட கவிதைகள்!

  

என்னோடு சேர்ந்து பயணித்து கருத்துக்கள் வழங்கும் நேச உள்ளங்களுக்கு எனது நன்றிகளை கூறிக்கொண்டு விடைபெறுகிறேன், மீண்டுமொரு பதிவில் சந்திப்போம்...

அன்புடன் 

அரசன் 

உ. நா குடிக்காடு