புதுமைப் பெண்கள்...

வணக்கம் அன்பின் சக வலை உறவுகளே! நான் வலை உலகிற்கு வந்த நாளிலிருந்து ஆச்சர்யப்படுவது இந்த பெண் படைப்பாளிகளைக் கண்டு தான்! ஆணுக்கு சளைத்ததல்ல எங்களின் படைப்புகளும் என்று போட்டி போட்டிக்கொண்டு எழுதி வரும் இவர்களின் வலைத்தளம் சென்று கைக்குலுக்கி வாழ்த்துக்கள் சொல்லிட்டு வருவோம்!

1) பவித்ரா நந்தகுமார் - பவித்ரா நந்தா குமார்

கவிதைகள், கதைகள் என்று 2010லிருந்து தொடர்ந்து எழுதி வருகிறார். எழுத்தின் நடை தெளிவாக அனைவருக்கும் விளங்கும் படி இருப்பது இவரின் சிறப்பு.

மின் [சீரியல்] வெட்டு, ஆபத்து அரக்கன் என்ற இரண்டு கவிதைகளே போதும் இவரின் சமூக அக்கறைக்கான சான்று!

2) ப்ரியத்தோழி 

மனதை தொடும் நிறைய கவிதைகளை இவரின் தளத்தில் காண முடிகிறது! 

எந்த சமரசமும் இன்று சொல்ல வந்ததை அழுத்தமாய் பதிவு செய்து வருகிறார் !

3) ஒற்றைக்குயில் -  கல்யாணி சுரேஷ் 

இவரின் தலைப்பே ஒரு கவிதை போன்று தான் உள்ளது! பெருமழை போலில்லாமல் சிறு சாரலாகவே இவரின் படைப்புகள் இருக்கின்றன! அனைத்தும் தரமானதாக இருப்பது இவரின் படைப்புக்கான சான்று!

4) மணம் (மனம்) வீசும் - ஜெயந்தி இரமணி 

அனைத்துமே கலந்து கட்டி எழுது வரும் இவரின் தளத்தில் இன்னும் நிறைய படைப்புகளை எதிர்பார்க்கிறேன்! சற்று சிரமம் பாராமல் எழுதினால் நன்றாக இருக்கும்!

இவரின்  கவிதைக் கிறுக்கல்கள் முயற்சி வெற்றி பெற வாழ்த்துவோம்!

5) அக்ஷ்ய பாத்ரம் - மணி மேகலா 

2009 லிருந்து எழுதி வந்தாலும் இவரின் தளம் எனக்கு புதிது... சமையல், கட்டுரை என்று பல்சுவை சமையல் செய்து அனைவருக்கும் பரிமாறும் இவரின் பாங்கு கண்டு வியக்கிறேன்!

6) பூசலம்பு - ஸ்வர்ண ரேக்கா 

"பெண்களின் கண்களை போரிடும் அம்புகள் ( பூசலம்புகள் ) என்று சொல்கிறான் கம்பன்...அவ்வளவு கூர்மையானதாம் அவை.. என் கண்கள் (பூசலம்பு) மூலமாக நான் காண்பவை இங்கே..." என்று கூறும் இவரின் தளத்தை நீங்களே ஒரு முறை சென்று ரசித்து வாருங்கள் அவ்வளவு இனிமை பொதிந்துள்ளன! என்ன இப்பொழுது இவர் எழுதுவதில்லை எழுதினால் நன்றாக இருக்கும்!

7)  விண்முகில் - தமிழ் செல்வி 

 இவரின் படைப்புகளை விட இவரின் அனுபவ பகிர்வு தான் மனதை பிசைகிறது அவ்வளவும் ஈரம் கலந்த எழுத்து!

என்றென்றும் உன்னோடு என்ற தொடர்கதையோடு, இதய திருமகனே போன்று கவிதைகளும் எழுதும் இவரை தளம் சென்று வாழ்த்திவிட்டு வாருங்கள் தோழர்களே!

8) ஒரு பெண்ணின் பயணம் - சீத்தாம்மா 

நினைவலைகள் என்ற நெடும் தொடரோடு  வரலாறு, பல்சுவை என்று நிறைய எழுதி வருகிறார்! நிறைய நல்ல படைப்புகள் காணக்கிடைக்கின்றன!

9) இவள் கல்யாணி - கல்யாணி 

அனைத்தும் கலந்த பல்சுவை பதிவுகளை தொடர்ந்து எழுதி வருகிறார்! நிறைய பயனுள்ள குறிப்புகளையும் நமக்கு வழங்கி வருகிறார்!

10) இது பவியின் தளம் - பவி 

இவர் நீண்ட நாட்களாக பல பயனுள்ள பதிவுகளை நாம் அறிய கொடுத்துக் கொண்டிருக்கிறார்! இதில் கற்றாழையின் மகிமையோ மகிமை பற்றி மிக தெளிவாக குறிப்பிட்டிருக்கிறார்.

11) அரசி கவிதைகள்  

அவள் கன்னி அல்ல,, கன்னி அல்ல...ஒரு கண்ணி, காதலர்கள் மட்டுந்தான் காதலிக்கின்றார்களா..? என்ற இரு படைப்புகளும் இவரின் எழுத்திற்கு சான்று!


12) தமயந்தி - நிழல் வலை - தமயந்தி 

கவிதை, கட்டுரை, கதை என்று இவரின் எழுத்துக்களால் இவரின் தளம் நிரம்பி வழிகிறது. நிறைய நல்ல படைப்புகள் இருக்கின்றன, நேரம் இருக்கையில் வாசித்து மகிழுங்கள்!

13) நினைவின் விளிம்பில்... - கவிநயா 

உணர்வுகளின் மீறலில் நினைவின் விளிம்பில் தளும்பும் எண்ணங்கள்...கவிதைகளாய், கதைகளாய், இன்னும் பல ரூபங்களாய், என்று இவரின் தள விளக்கமே சிறப்பாக இருக்கிறது!  



14) தூரிகைச் சிதறல். - கவிக்காயத்ரி 

கவிதை, சிந்தனை என்று சிறந்த படைப்புகளை தொடர்ந்து எழுதி வருகிறார்! 

சொல்லத்தான் நினைக்கிறேன் என்ற ஒரு கவிதை போதும் இவரின் எழுத்தாளுமைக்கு ....


இவர்களை தவிர்த்து 

அருணா செல்வம்

சின்ன சின்ன சிதறல்கள் - அகிலா 

பெண் என்னும் புதுமை கோவை சரளா 

கீதமஞ்சரி

ஹேமா

தென்றல் சசிகலா

மாதேவி

நிகழ்காலம் எழில்  


போன்ற படைப்பாளிகள் தொடர்ந்து இயங்கி வருகிறார்கள்!   படைப்புகள் பெரும்பாலும் நமக்கு பரிச்சயம் என்பதால் தனியாக குறிப்பிடவில்லை!


வளர்ந்து வரும் உலகில் இது போன்ற படைப்பாளர்களின் பங்கும் அவசியம் என்பதால் தொடர்ந்து இவர்களை எழுதுமாறு உங்களோடு சேர்ந்து நானும் கேட்டுக்கொண்டு நகர்கிறேன்! மீண்டும் சந்திப்போம் மற்றுமொரு பதிவில்!

நெஞ்சு நிறை நன்றிகளுடன் 
அரசன் 
உ. நா. குடிக்காடு