நண்பர் வே.நடனசபாபதி நாஞ்சில் மனோவிடம் இருந்து ஆசிரியப் பொறுப்பினை ஏற்கிறார்.

அன்பின் சக பதிவர்களே !

இன்றுடன் முடியும் வாரத்திற்கு ஆசிரியப் பொறுப்பேற்ற நாஞ்சில் மனோ தான் ஏற்ற பொறுப்பினை சரிவர நிறைவேற்றி மன நிறைவுடன் நம்மிடமிருந்து விடை பெறுகிறார். 

இவர் தன்னைப் பச்சபுள்ளெ என சுய அறிமுகத்துடன் முதல் பதிவும், அய்யாக்கள், நட்சத்திரப் பதிவர்கள், மிரட்டலடிப் பதிவ்ரகள், வெள்ளி நட்சத்திரங்கள், நவரத்தினப் பதிவர்கள், விலையில்லா நடசத்திரஙகள்  என்ற பல்வேறு தலைப்புகளில் பதிவுகள் எழுதி இருக்கிறார். 

நாஞ்சில் மனோ எழுதிய பதிவுகள் : 7
சுய அறிமுகம் உட்பட அறிமுகப் படுத்திய பதிவர்கள் : 68
                                                   அறிமுகப்படுத்திய பதிவுகள்   : 68
பெற்ற மறுமொழிகள் : 267 

அருமை நண்பர் நாஞ்சில் மனோவினை வாழ்த்தி வழி அனுப்புவதில் பெருமகிழ்ச்சி அடைகிறேன். 

நாளை துவங்கும் வாரத்திற்கு ஆசிரியப் பொறுப்பேற்க அன்புடன் இசைந்துள்ளார் அருமை நண்பர் வே.நடனசபாபதி. 

இவர் “நினைத்துப் பார்க்கிறேன்” என்ற தளத்தினில் எழுதி வருகிறார். 

இவர் வேளாண்மை அறிவியல் படித்துவிட்டு மாநில அரசில் சில மாதங்களும், மத்திய அரசின்  பொதுத்துறை நிறுவனத்தில் மூன்று ஆண்டுகளும், சிண்டி கேட் வங்கியில் 34 ஆண்டுகளும் பணிபுரிந்து, பணி மூப்படைந்த பின் ஓய்வுபெற்று சென்னையில் குடி இருக்கிறார். 2009 ஆம் ஆண்டிலிருந்து  பதிவுலகத்தில் எழுதிக்கொண்டு இருக்கிறார். கல்கி மற்றும் தேவன் ஆகியோரின் படைப்புகளில் இவருக்கு நாட்டமுண்டு. ஓவியம் வரைவது இவரது பொழுதுபோக்கு. 

வே.நடன சபாபதியினை வாழ்த்தி வரவேற்பதில் பெருமை அடைகிறேன். 

நல்வாழ்த்துகள் நாஞ்ச்ல் மனோ

நல்வாழ்த்துகள் வே.நடனசபாபதி.

நட்புடன் சீனா