மின்னல் வரிகள் கனேஷ் - கலாகுமரனிடம் இருந்து ஆசிரியப் பொறுப்பினை ஏற்கிறார்

அன்பின் சக பதிவர்களே ! 

இன்றுடன் முடியும் வாரத்திற்கு ஆசிரியப் பொறுப்பேற்ற - கலாகுமரன் - தான் ஏற்ற பொறுப்பினை சரி வர, மிகுந்த  ஆர்வத்துடனும்  பொறுப்புணர்வுடனும்  நிறைவேற்றி நம்மிடமிருந்து முழு மன நிறைவுடன் விடை பெறுகிறார். 

இவர் எழுதிய பதிவுகள்                         : 007
அறிமுகப் படுத்திய பதிவர்கள்            : 069
அறிமுகப் படுத்திய பதிவுகள்              : 110
பெற்ற மறுமொழிகள்                            : 231
வருகை தந்தவர்கள்                              : 2662

நணபர் கலா குமரன் - தன் சொந்த வலைத்தளத்தில் எழுதுவதை நிறுத்தி விட்டு - அங்கு எழுத வேண்டிய பதிவுகளை தினம் ஒன்றாக இங்கு ஏழு நாட்களுக்கும் எழுதி விட்டார். அப்பதிவுகளுடன் வலைச்சரத்தில் எழுத வேண்டிய பதிவுகளையும் - அறிமுக பதிவுகளுடன் - சேர்த்து ஏழு நாட்களிலும் எழுதி விட்டார். 

இப்படி எழுதுவது வலைச்சர விதி முறைகளுக்கு முரணானது - எனினும் அவரது ஆர்வத்தினை மதித்து பொறுத்துக் கொண்டோம். 

இனி வரும் ஆசிரியர்கள் இதனை முன்னுதாராணமாக எடுத்துக் கொள்ள மாட்டார்கள் என நம்புகிறோம். 

பதிவுகளை அறிமுகப் படுத்தும் போது அப்பதிவுகள் பற்றிய கருத்துகளைக் கூறி இருக்கலாம். பதிவர் பெயரும் பதிவின் பெயரும் சுட்டிகளும் மட்டும் கொடுத்து அறிமுகப் படுத்தி இருக்கிறார். 

கலா குமரனின்  கடும் உழைப்பினைப் பாராட்டி, வாழ்த்தி வழி அனுப்புவதில் பெரு மகிழ்ச்சி அடைகிறோம். 

நாளை பொறுப்பேற்க அன்புடன் இசைந்துள்ளார் மின்னல் வரிகள் பால கணேஷ். 

பாலகணேஷ் - மதுரையில் பிறந்து வளர்ந்து வேலை நிமித்தம் தமிழ்நாடு முழுவதும் சுற்றிவிட்டு இப்போது 13 வருடங்களாக சென்னையில் வசித்து வருகிறார். தினமலர், க்ரைம் நாவல், கிழக்குப் பதிப்பகம், ஆனந்தவிகடன் போன்ற இதழ்களில் வடிவமைப்பாளராகப் பணியாற்றியவர். தற்சமயம் ஃப்ரீலான்ஸ் வடிவமைப்பாளராக செயல்பட்டு வருகிறார். ‘ஊஞ்சல்’ என்ற மாத இதழில் வடிவமைப்பாளராகவும் உதவியாளராகவும் இருந்து செயல்பட்டது இவருக்கு மனநிறைவைத் தந்த ஒன்று. இசை கேட்பதிலும், நகைச்சுவைப் படங்கள் பார்ப்பதிலும் ஈடுபாடு கொண்ட இவர், தனது ‘மின்னல் வரிகள்’ வலைப்பூவில் சிறுகதைகள், படித்து ரசித்த படைப்புகள், அனுபவங்கள் என பல்சுவை விஷயங்களை ஒரு பத்திரிகை படித்தால் ஏற்படும் அனுபவம் கிடைக்கும்படி எழுதி வருகிறார். ‘மேய்ச்சல் மைதானம்’ என்ற மற்றொரு வலைப்பூவில் பழைய இதழ்களில் இருந்து திரட்டிய பொக்கிஷமான விஷயங்களைப் பகிர்ந்து வருகிறார்.

 

பால கணேஷை வருக வருக ! என்று வரவேற்று வாழ்த்தி ஆசிரியப் பொறுப்பில் அமர்த்துவதில் மிகுந்த மகிழ்ச்சியுடன் கூடிய பெருமை அடைகிறோம். 

நல்வாழ்த்துகள் கலா குமரன் 

நல்வாழ்த்துகள் பால கணேஷ் 

நட்புடன் சீனா