நினைவில் தங்கியவை

            இன்று நாம் சில பயனுள்ள வலைத்தளங்களைப் பார்க்கப் போகிறோம்.

பொன்மலர் பக்கம்: கணினி, தொழில்நுட்பம், மென்பொருட்கள் தொடர்பான பல பதிவுகளைத் தமிழில் எழுதியுள்ளார். ஆங்கிலத்தில் வரும் புதுப் புது மென்பொருள் அப்டேட்களை உடனே தமிழில் தருகிறார்.

`ஜிமெயிலில் புதிய வசதிகள்` என்ற பதிவில் கூகுள் புதிதாக அளித்திருக்கும் வசதிகளைப் பற்றி எழுதியுள்ளார்.

`ஸ்மார்ட் போன்கள், டேப்ளட், கேமரா போன்றவற்றின் வசதிகளை ஒப்பிட்டுப் பார்க்க சிறந்த தளங்கள்` என்ற பதிவு நமக்கு அவசரத்தில் உதவுவதாக இருக்கும்.

`Winamp ஆடியோ பிளேயர்க்கு 5 மாற்று இலவச மென்பொருள்கள்` கணினியில் அதிகமாகப் பாடல்கள் கேட்பவருக்கு உபயோகமாக இருக்கும் பதிவு.

`இந்தப் பதிவில்` பென்ட்ரைவில் ஏற்படும் ஒரு பிழையை நீக்குவதைப் பற்றிச் சொல்லித்தருகிறார்.

அவசரத்தில் தவறுதலாக, தேவையான கோப்புகளை அழித்துவிட்டீர்களா? இதோ மீட்டெடுப்பதற்கென சில மென்பொருட்களை `இந்தச் சுட்டியில்` தந்திருக்கிறார்.

சாதாரணமானவள்: அறிமுகமான இரண்டு நாட்களிலேயே இவரது அனைத்துப் பதிவுகளையும் படித்து முடித்துவிட்டேன். அவ்வளவு யதார்த்தமான ஜாலியான எழுத்து இவருடையது.

`இந்தப் பதிவில்` பல்கலைக்கழகத் தேர்வில் ஜெயிப்பது எப்படி என்று தன் அனுபவத்தை வைத்து ஒரு பதிவெழுதி இருக்கிறார். படித்துப்பாருங்கள்.

மருத்துவமனைகள் வியாபார ஸ்தலங்களாக மாறிவிட்ட கொடுமையை `இந்தப் பதிவில்` ஆதங்கப்பட்டு எழுதியுள்ளார். நிச்சயம் ஒருமுறை படிக்கவேண்டிய பதிவு இது.

`இதுவும்` ஒரு விழிப்புணர்வு பதிவு தான்.

உழவின் பெருமையை `இந்தப் பதிவில்` சொல்லியிருக்கிறார் பாருங்கள்.

உழவன்: இவரது வலைத்தளத்தில் பல உபயோகமான பதிவுகளை வெளியிட்டு வருகிறார். சில பதிவுகளைப் பார்ப்போமா?

`ஆன்லைனில் பாஸ்போர்ட்டுக்கு விண்ணப்பிப்பது எப்படி` என்று இந்தப் பதிவில் படித்துத் தெரிந்து கொள்ளலாம்.

`பட்டா சிட்டா அடங்கல்` போன்ற நில ஆவணங்களில் காணப்படும் தமிழ் ஜார்கன்களுக்கு அழகாக விளக்கமளித்துள்ளார். உபயோகமான பதிவு இது.

தகவல் அறியும் உரிமைச் சட்டத்தைப் பற்றியும் குடும்ப அட்டை பெறுவதற்கு அதனை எவ்வாறு பயன்படுத்தலாம் என்றும் `இந்த`ப் பதிவில் எழுதியிருக்கிறார்.

சொத்துகளுக்குப் பத்திரப்பதிவு செய்வது பற்றிய ஒரு பதிவு `இங்கே`.

கண்மணி அன்போடு: கல்லூரி மாணவியான இவரது எழுத்து வெகுளித்தனம் வாய்ந்தது. நிறைய பதிவுகள் இருக்கும் இவரது வலைப்பூவைப் படித்துக்கொண்டே இருக்கலாம்.

`கலை – களை – கழை` பற்றி எளிமையாக ஒரு பதிவிட்டிருக்கிறார் பாருங்கள்.

இவர் அப்பா செல்லம் போல. அப்பாவைப் பற்றிய நிறைய பதிவுகள் வலைப்பூ எங்கும். `இதுவும்` அப்படி ஒரு பதிவுதான்.

ஆங்கில வழிக்கல்வியா, தமிழ்வழிக் கல்வியா? எது சிறந்தது என்பதைக் கேட்டு ஒரு பதிவிட்டிருக்கிறார் `இங்கே`.

அசைவம் சாப்பிடுவதை எப்படி நிறுத்தினார் என்ற `கதை` இங்கே. படித்துவிட்டு நீங்களும் கருத்திடுங்களேன்.

ஸ்ரீவில்லிப்புத்தூரிலிருந்து ரத்னவேல் நடராஜன்: பதிவுலகைத் தாண்டி இவர் ஒரு பண்பாளர். தமது அன்பிற்குரிய பலரையும் தம் மகன், மகள் போலவே பாவித்து நன்மை புரிபவர். இவரது விருந்தோம்பல் ஆச்சர்யப்பட வைக்கும் ஒன்று. இப்போது அவரது பதிவுகளைப் பார்க்கலாம்.

 

சதுரகிரி மலை

`சதுரகிரி (சித்தர் மலை)` எனக்கு மிகவும் பிடித்த பதிவு.

`பேராசிரியர் மோகனா` அவர்கள் புற்றுநோயிலிருந்து மீண்டு வந்ததைப் பற்றி எழுதியுள்ளதை இந்தப்பதிவில் பகிர்ந்திருக்கிறார் திரு.ரத்னவேல் அவர்கள்.

`நடைப்பயிற்சியின் நன்மைகள்` இந்தப் பதிவில்.

ஸ்ரீவல்லிப்புத்தூரில் ஒரு திருவண்ணாமலை இருக்கிறது தெரியுமா? இது ஸ்ரீநிவாசப் பெருமாள் கோவில். மேலும் அறிந்துகொள்ள `இங்கே` பாருங்கள். இப்போது பதிவுகள் வருவதேயில்லை. தொடர்ந்து பதிவிட வலைச்சரம் சார்பில் அவரை வேண்டிக்கொள்கிறேன். 

மீண்டும் பல பதிவுகளுடன் நாளை சந்திக்கலாம் :-)