தண்ணீர் சிக்கனம்

தண்ணீர் சிக்கனம் நம் நாட்டுக்கும், வீட்டுக்கும் அவசியமான ஒன்று. நம் வருங்கால சந்ததியினருக்கு நாம் விட்டுச் செல்லும் செல்வத்தில் இதுவும் ஒன்றாக இருக்க வேண்டும். இன்றைய நிலைமை இப்படித் தான் உள்ளது. மூன்றாம் உலகப் போர் தோன்றினால் அது தண்ணீருக்காக தான் இருக்கும் என்று படித்த நினைவு. அப்படியிருக்கையில் தண்ணீரை வீணாக்காது, சிக்கனத்தை கடைபிடிப்பது எவ்வளவு முக்கியம் என்று பார்க்கலாம் இன்றைய பகிர்வில்.

 பட உதவி: கூகிள்

பிரபல எழுத்தாளர் ஞானி அவர்கள் தனது வலைப்பக்கத்தில் எழுதிய தண்ணீர் தண்ணீர் கட்டுரை இங்கே!

ஓசை… ஓயாத அலைகள் என்ற தளத்தில் தண்ணீர் சிக்கனத்தின் அவசியத்தையும், அவல நிலையையும் குறிப்பிடுகிறார்.

மணற்கேணி கட்டுரைகள் என்ற தளத்தில் அருகி வரும் நிலத்தடி நீரால் சந்திக்கவிருக்கும் சிக்கல்களும் அறிவியல் தீர்வும் என்ற தலைப்பில் பலர் எழுதிய கட்டுரைகள் இந்த பக்கத்தில் காணப்படுகின்றன. பசுமை கட்டடவியல், தொழில்நுட்பத்துடன் கூடிய இயற்கை வேளாண்மை  என பலதரப்பட்ட கட்டுரைகள் உள்ளன.

பட உதவி: கூகிள்

சி.முருகதாஸ் அவர்களின் தளத்தில் தண்ணீர் தேவையில் தன்னிறைவு எப்போது? என்ற தலைப்பில் எழுதியுள்ள கட்டுரையை வாசித்துப் பாருங்களேன். இவர் ஒரு பொறியியல் பட்டதாரியாம். பள்ளிப் பருவத்திலிருந்தே மரக்கன்றுகளை நடுவதில் ஆர்வமாம். பசுமை தாயகத்தில் மாவட்ட செயலாளராகவும் இருப்பதாக சொல்கிறார்.

நொய்யல் நதிக்கரை என்ற தளத்தில் தண்ணீரை எண்ணி கண்ணீர் விடும் தமிழ் தேசமே இனியாவது விழிப்பாயா? என்று கவிதை வரிகளில் தன் ஆதங்கத்தை வெளியிட்டிருக்கிறார் சு. பாஸ்கரன்.

பட உதவி: கூகிள்

ஒரு லிட்டர் தண்ணீரின் விலை ஆயிரம் ரூபாய் என தனது கட்டுரையில் சொல்லியிருக்கிறார் உஜிலா தேவி எனும் பெயரில் வலைப்பூ வைத்திருக்கும் யோகி ஸ்ரீ ராமானந்த குரு என்பவர்.

சிறகு என்ற பெயரில் இணையத்தில் வெளி வரும் தமிழ் வார இதழ்  நிலத்தடி நீரை பெருக்க என்ன வழி? என்று நீர் நிலைகளின் இன்றைய நிலையையும், நாம் செய்யவேண்டிய வழிமுறைகளையும் விலாவரியாக குறிப்பிட்டிருக்கிறார் திரு மோகன் ராஜ்.

பட உதவி: கூகிள்

தமிழ் கூடல் என்ற இணைய தளத்தில் சிறு துளி பெரு வெள்ளம் என்ற தலைப்பில் சிக்கனத்தை மேற்கொள்வதற்கான குறிப்புகள் கொடுக்கப்பட்டுள்ளன.

என்ன நண்பர்களே, வலைச்சரத்தில் மூன்றாம் நாளான இன்று வாழ்விற்கு இன்றியமையாத ஆதாரமான தண்ணீர் சிக்கனம் பற்றி எழுதப்பட்டிருக்கும் பதிவுகளையும், அதன் தளங்களையும் பார்த்தோம்.  நாளை வேறு சில வலைப்பூக்களின் அறிமுகங்களோடு உங்களைச் சந்திக்கிறேன்.

அதுவரை....

நட்புடன்

ஆதிவெங்கட்

திருவரங்கம்.