மகிழ்வுடனே வணக்கம்

வலைச்சரம்
பதிவர்களின் குழுமம்
மணங்கமழும் கதம்பம்
மலர்ந்த வலைப்பூக்கள்
மலரும் அரும்புகள்
மணம் பலவிதம்
மனங்கள்  மகிழும்
இனிதாய்த் தொடுத்தவர் வரிசையில்
இந்த வாரம் நான்
அழைத்தவருக்கும் வாழ்த்தியவருக்கும்
அகமிருந்து நன்றிகள்!

வணக்கம் வலைச்சர நட்புகளே, இங்கு உங்கள் அனைவரையும் சந்திப்பதில் மகிழ்ச்சி! வலைச்சரத்தில் ஆசிரியராக இரண்டாம் முறை, இதற்கு அழைத்த சகோதரர் தமிழ்வாசி பிரகாஷ் மற்றும் திரு.சீனா ஐயா அவர்களுக்கு மனமார்ந்த நன்றிகள்!


இந்த முதல் இடுகையில் என்னைப் பற்றிக் கொஞ்சம் சுயபுராணம்.

காண்பது எழுத்தாகி வந்துவிடும் சிலநேரம். அப்படி கழுகு துரத்திய காக்கை பார்த்தபொழுது வந்தது காக்கை வென்றதோ கழுகு வென்றதோ. வண்டிஓட்டிச் சென்றபொழுது வழியில் பார்த்த மானிற்குத் தெரியாது தான் பாடுபொருளாகப் போவது, இரலை காண்பேனோ! 
பட்டாம்பூச்சி.

தாய்மை கவியாவது சிலநேரம், காதல் கவியாவது சிலநேரம், காய் நறுக்கும்பொழுதும்.

இயற்கைச் சூழல் காக்க வேண்டுமென்று கூவிடும் மனம் படைத்தன இவை, ஓவியத்திலா காட்ட வேண்டும்? , மழை வேண்டும் வேண்டும் என்று சொல்லும் நாம் மழைக்கு மரம் வேண்டுமாம் என்று மழை சொல்வதையும் கேட்போம்.

சமூகம் பற்றி சிந்திக்கும் நேரங்களில் தோன்றும் சிலவும் பதியப்படும் இப்படி.
நானாக நான்,
நாளைய சமுதாயம்.

 இயற்கை கவிதைகளாக  மேகம், மற்றும் பெரும் பெயல் பின்னால் .

இலக்கியத்தின் காதல், யான் பெற்ற இன்பம் பெருக இவ்வையகம் என்றே வந்துவிடும் இங்கே.
இரவின் வருதல் அறியான் 
முல்லைப்பாட்டு சொல்லும் மன்னன் மனம்.
ஐங்குறுநூறு பாடல்களில் ஒன்று.

ஆத்திச்சூடி கதையாகக் கற்றுக் கொடுக்கலாம் என்ற எண்ணத்தில் எழுதிய கதைகளில் ஒன்று ஐயமிட்டு உண்.

இன்னும் என் எண்ணங்கள் அனுபவங்கள் கற்பனைகள் என்று பலவும் இருக்கும் என் தளத்தில். தளத்திற்கு வருகை தந்து கருத்துகளைத் தெரிவிக்குமாறு கேட்டுக்கொள்கிறேன்.

நாளை சந்திப்போம்.