நானாகிய என்னைப் பற்றி நான்

வலைச்சரத்தில் அதிகமான நண்பர்களால் அறிமுகப்படுத்தப்பட்ட நான் தற்போது நண்பர்(களாகிய பதிவர்க)ளை அறிமுகம் செய்வதற்காக ஆசிரியர் பொறுப்பை ஏற்றுள்ளேன். இந்த நல்லதொரு வாய்ப்பை எனக்கு நல்கிய நண்பர் தமிழ்வாசி பிரகாஷ், சீனா ஐயா உள்ளிட்ட வலைச்சரக் குழுவினருக்கு எனது மனமார்ந்த நன்றி!

நான்:

இது நான் என்று சொன்னால் நம்பவா போறீங்க?

என்  பேர் அப்துல் பாஸித். எனக்கு இன்னொரு பேரும் இருக்கு. (இந்த இடத்துல ஒரு பின்னணி இசை ஒலிக்கிறது உங்களுக்கு கேட்குதா?). சரி, சரி, அடிக்க வராதீங்க, சொல்லிடுறேன். அது ப்ளாக்கர் நண்பன். என்னுடைய ப்ளாக் பெயரும் இது தான்.

கும்பகோணத்தில் பிறந்து, மயிலாடுதுறை அருகேயுள்ள நீடூரில் வளர்ந்து, தற்போது அமீரகத்தில் வசிக்கிறேன். சிறு வயதில் இருந்தே எனக்கு படிப்பதில் ஆர்வம் அதிகம். அதாவது காமிக்ஸ், மாயாஜால கதைகள், ராஜேஷ்குமார் & சுபா ஆகியோரின் க்ரைம் நாவல்கள் போன்றவற்றை அதிகம் படிப்பேன். அதன் தொடர்ச்சியாக கார்டூன், அனிமேசன், சூப்பர் ஹீரோ படங்கள் அதிகம் பார்ப்பேன். It's Hero Time!

பதிவுலகிற்கு நான் எப்படி வந்தேன்?

பிரவுசிங் சென்டரில் தொடங்கிய எனது இணையப் பயணம், ஏர்டெல், ஏர்செல் என்று மொபைல் GPRS-ல் பயணித்து...... கொஞ்சம் இருங்க, இதை எங்கேயோ படிச்ச மாதிரி இருக்கே? ஆங்... சாரிங்... இதை பத்தி நான் ஏற்கனவே ப்ளாக்கர் நண்பன் Version 2.0 என்ற பதிவில் சொல்லிட்டேன். அங்கே போய் படிக்கலாம்.

2010-ஆம் ஆண்டிலிருந்து ப்ளாக்கர் நுட்பங்களைப் பற்றி மட்டும் எழுதி வந்தேன். பிறகு கடந்த வருடத்தில் இருந்து பேஸ்புக், கூகிள் என்று சமூக இணையதளங்கள் பற்றியும் மற்ற இணையச் செய்திகளைப் பற்றியும் பகிர்ந்து வருகிறேன். சமீபத்தில் புது ஆன்ட்ராய்ட் மொபைல் வாங்கியதால் அது பற்றியும் எழுதத் தொடங்கியுள்ளேன்.

எல்லாரும் புத்தகத்தை முதல் பக்கத்தில் இருந்து படித்தால் நான் (அதிகமான நேரங்களில்) கடைசி பக்கத்திலிருந்து படிக்க தொடங்குவேன். அதே போல நமது ப்ளாக்கை பிரபலமாக்குவது எப்படி? என்ற தொடரை முதலில் எழுதி ப்ளாக் தொடங்குவது எப்படி? என்ற தொடரை பிறகு எழுதினேன். இருந்தாலும் புதிய பதிவர்களுக்கு இது பயனுள்ளதாக இருக்கும்.

இணைய  பயனாளர்கள் பாதுகாப்புடன் இருப்பது பற்றி இணைய பாதுகாப்பு என்ற சிறு தொடர் பதிவுகளையும் எழுதியுள்ளேன்.

தொழில்நுட்ப பதிவுகளை எழுதுவதால் நான் பாராட்டுக்களை மட்டுமே வாங்கியிருப்பேன் என்று நீங்கள் நினைத்தால் அது தவறு. ட்விட்டரில் நடந்த ஹேக்கிங் பற்றிய ஒபாமா இறந்துவிட்டதாக ட்விட்டரில் வதந்தி என்ற பதிவிற்கு வேறுவிதமாக தலைப்பு வைத்து நண்பர்களிடம் சரியாக கொட்டுக்களை வாங்கிக் கொண்டேன். இதில் வேடிக்கை என்னவென்றால் அந்த பதிவு என் ப்ளாக்கில் பிரபல பதிவுகளில் தற்போது நான்காவது இடத்தில் உள்ளது. :D :D :D

பதிவுலகம் எனக்கு பல்வேறு நண்பர்களையும், மகிழ்ச்சியினையும் தந்திருக்கிறது. சமீபத்தில் டெரர் கும்மி விருதுகள் 2011 போட்டியில் சைபர் க்ரைம் பற்றி நான் எழுதிய பதிவு தொழில்நுட்ப பிரிவில் அல்லாமல் விழிப்புணர்வு பிரிவில் இரண்டாம் பரிசு பெற்றதில் மிகுந்த மகிழ்ச்சி அடைந்தேன்.

ப்ளாக்கர் நண்பன் தவிர வேறு சில (???) வலைப்பதிவுகளிலும் எழுதி வருகிறேன். ப்ளாக்கர் மற்றும் தொழில்நுட்பச் செய்திகளுக்காக Techminar தளத்திலும், ஆன்ட்ராய்ட் அப்ளிகேசன்கள் & விளையாட்டுகளுக்காக Park Android என்ற தளத்திலும் எனக்கு தெரிந்த அரைகுறை ஆங்கிலத்தில் தோணும் போது எழுதி வருகிறேன். மேலும் சவால் போட்டிக்காக தடயம் என்ற க்ரைம் கதை ஒன்றையும் எழுதியுள்ளேன்.

இந்த சின்ன அறிமுகம் போதுமென்று நினைக்கிறேன். மேலும்நான் பகிர்ந்த பதிவுகளைக் காண ப்ளாக்கர் நண்பன் தளத்திற்கு செல்லவும்.

அடுத்த  பதிவிற்கான ட்ரைலர்:

ஆளைக் கடத்திப் போகும்
உன் கன்னக் குழியின் சிரிப்பில்
விரும்பி மாட்டிக் கொண்டேன்
நான் திரும்பி போக மாட்டேன்

இறைவன்  நாடினால் அடுத்த பதிவில் சந்திப்போம்!

- ப்ளாக்கர் நண்பன் (எ) அப்துல் பாஸித்