சென்று வருக மோகன் குமார் ! வருக ! வருக ! ஜெய்லானி

அன்பின் பதிவர்களே !

இன்றுடன் முடியும் வாரத்திற்கு, ஆசிரியப் பொறுப்பேற்ற அருமை நண்பர் மோகன்குமார், தான் ஏற்ற பொறுப்பினை, மன மகிழ்வுடன் நிறைவேற்றி நம்மிடமிருந்து விடை பெறுகிறார். இவர் கடந்த ஒரு வார காலத்தில் ஏழு இடுகைகள் இட்டு , ஏறத்தாழ நூற்றுப் பத்து மறுமொழிகள் பெற்றிருக்கிறார். புதுமையான முறையில், பல்வேறு துறைகளின் கீழ், சில தலைப்புகளைத் தேர்ந்தெடுத்து, அவற்றின் கீழ், நாளுக்கு ஒரு பதிவராக, தினந்தோறும் அறிமுகப்படுத்தி உள்ளார். இது நல்ல வரவேற்பினைப் பெற்றது.

நண்பர் மோகன் குமாரினை, வலைச்சரம் குழுவினர் சார்பினில், பாராட்டு கலந்த வாழ்த்துகளைக் கூறி வழி அனுப்புவதில் பெருமை அடைகிறேன்.

நாளை துவங்கும் வாரத்திற்கு பொறுப்பேற்க வருகிறார் நண்பர் ஜெய்லானி.
இவர் ஷார்ஷாவில் வசிக்கிறார். "ஜெய்லானீ' என்ற வலைப்பூவினில் எழுதி வருகிறார். சக பதிவர்களால் வழங்கப்படும் விருதுகள் ஏழு பெற்றிருக்கிறார். சென்ற ஆண்டு துவங்கப்பட்ட பதிவில் இதுவரை பல்வேறு தலைப்புகளில் அறுபத்தைந்து இடுகைகள் இட்டுள்ளார். இவரை ஏறத்தாழ நூற்று எண்பது பதிவர்கள் பின் தொடர்கின்றனர்.

நண்பர் ஜெய்லானியினை வருக! வருக! என வரவேற்பதில் மகிழ்ச்சி அடைகிறேன்.

நல்வாழ்த்துகள் ஜெய்லானி
நட்புடன் சீனா