வலைச்சர அறிமுகம்

வலைச்சர நிர்வாகி சீனா சாருக்கும் அதன் குழுவினருக்கும் முதற்கண் நன்றியறிதலைத் தெரிவித்துக் கொண்டு. 

வலைச்சரத்தின் ஆசிரியராக இந்தவாரம் பொறுப்பேற்றிருக்கும் இராஜராஜேஸ்வரி பற்றி முதல் பதிவில் அறிமுகப்படுத்த வேண்டிய அவசியத்தால் இந்த பதிவு...

 பெரிய இனிய குடும்பத்தின் தலைவி.  மகன்கள் அம்மாவுக்கு கம்ப்யூட்டரை இயக்கத்தெரியவில்லை என்று கூற கணவரை அழைத்துக்கொண்டு கணிணி கற்க மையத்திற்குச் சென்றார். அங்கு ஒன்றும் சொல்லிதரவில்லை என மகன்களிடம் சொல்ல மகன்கள் கணிணி வெடிக்காது அம்மா துணிந்து முயற்சி செய்து நாம் தான் கற்கவேண்டும் என உற்சாகம் சொல்ல மெதுவாக மெயில் அனுப்ப சாட் செய்ய கற்று,

கடைக்குட்டி செல்லமகனும் மேற்படிப்பிற்காக ஆஸ்திரேலியா சென்று ஹோம் சிக் என்று அவதிப்பட, தனியாக ஆஸ்திரேலியா சென்று மகனைப் பார்த்துவருமாறு குடும்பத்தினர் கிண்டலடித்தார்கள். 

நின்றால் பொதுக்கூட்டம், நடந்தால் ஊர்வலம் என்று எங்கும் தனியாகப் போய் பழக்கமில்லாத இவர் எங்கே சம்மதிக்கப் போகிறார் என்று சொல்ல, கிளம்ப விருப்பம் தெரிவித்ததை ஆச்சரியத்துடன் பார்த்து விசா எடுத்து ஆஸ்திரேலியா அனுப்பி வைத்தார்கள்.

அங்கே தினசரிப்பத்திரிகை படிக்க ஆன்லைனில் பார்த்தபோதுதான் வலையுலகம ஒன்று இருப்பது தெரிந்து படிக்க ஆரம்பித்து,

2011 ஜனவரி 21 ம் தேதி முதல் பதிவை எழுதினார்.. 200வது பதிவை விரைவில் எட்ட இருக்கிறார். மணிராஜ் என்னும் தமிழ் பதிவும் கிருஷ்ணா என்னும் ஆங்கிலப் பதிவும் நடத்துகிறார். 

பதினெட்டு வயதிற்கு மேற்பட்டவர்களுக்கு வேலை வாய்ப்பு ஏற்படுத்தித்  கொள்ள, விருப்பப்பட்டவர்கள், தேவைப்பட்டவர்களுக்கு தெரியப் படுத்தி பயன்படுத்திக்கொள்ளலாம். 

Kindly inform to those who require JOB.

jobmailservice@gmail.com


Providing JOB for educated, uneducated, experienced, fresher, male or female.

Only eligibility is they should be 18+ of age and of Indian nationality.

Thanks & regards

ஒரு அறிமுகப் பதிவர்தான். தன் பதிவுகளை தமிழ்மணத்திலோ வேறு திரட்டித்தளங்களிலோ இணைக்கத் தெரியாதவர். நலம் விரும்பிகள் தமிழ் மணத்தில் இணைக்கச் சொன்னார்கள்.  வழிமுறைகளைப் பின்பற்றியும் இணைக்க முடியவில்லை. டேஷ் போர்டிலும் பிளாக் பப்ளிஷ் ஆவதில்லை.எப்படியோ ஆத்மதிருப்திக்கு எழுதுகிறோம் என்று நினைத்துக் கொள்கிறார்.

மதுரைக்கே மல்லிகையை அறிமுகப்படுத்துவதா?

பிறந்தவீட்டின் பெருமையை உடன்பிறந்தானிடம் அளந்தமாதிரியாகவும், பத்துப்பிள்ளை பெற்றவளுக்கு தலைப் பிள்ளைக்காரி பத்தியம் சொன்ன கதையாகவும், பழ்ம் தின்று கொட்டை போட்ட அனுபவசாலிகளை முந்தாநாள் பெய்த மழையில் நேற்று முளைத்த காளான் அரசறிய வீற்றிருந்த ஆலமரத்தை அடையாளம் காட்டுவதாகவும் வந்திருக்கிறார். பொறுத்தருள்க....

கற்றோர் நிறைந்த அவையில் அறிவிலி ஆரவாரதோடு உரைக்கும் கவியை புன்னகையோடு ஏளனமாக அங்கீகரிப்பதைப்போல் ஏற்றுக்கொள்க...

திரு. வை. கோபாலகிருஷணன் ஐயா அவர்கள் தான் தனக்கு வந்த வாய்ப்பை இப்போதுதான் நடக்க கற்ற குழந்தையின் நடை அழகைப் பாராட்டி ஒலிம்பிக்கில் ஓடவிட “பரிந்துரை” செய்தவர்.

சாதாரணமானவன் தான் ஆனால் ஏதாவது சாதிக்க வேண்டும் என்று மனதில் எப்போதும் நினைப்பவன் என்று தன்னை சொல்லிக் கொள்வதிலிருந்தே சாதனையாளர் என்று உறுதிப்படுத்தலாம்.  தெளிந்தநடையும், அளவற்ற அனுபவ அறிவும் வாய்ந்தவர்.
கல்கி பத்திரிகை நடத்திய 12 வார தொடர் போட்டியொன்றில், தொடர்ச்சியாகக் கலந்து கொண்டு, இறுதியில் ஒட்டுமொத்த வெற்றியாளராக இவர் தேர்ந்தெடுக்கப்பட்டு, பரிசும் பாராட்டும் பெற்றிருக்கிறார்.”

சென்னையிலிருந்து வெளிவரும் “நம் உரத்த சிந்தனை”  என்னும் தன்னம்பிக்கையூட்டும் தமிழ் மாத இதழ் நடத்திய போட்டியில் கலந்துகொண்டு, இவரால் சமீபத்தில் வெளியிடப்பட்ட ”எங்கெங்கும்... எப்போதும்...  என்னோடு...” என்ற சிறுகதைத்தொகுப்பு நூலுக்கு  15/05/2011 அன்று சென்னையில் நடந்த விழாவில், முதல் பரிசினை பெற்றிருக்கிறார்..

 குறை ஒன்றும் இல்லை என்று பதிவிட்டு நாம் பட்ட சிரமம் எல்லாம் ஒன்றுமே இல்லை என்று உணர வைத்து கண் திறந்தவர் லஷ்மி அம்மாதான். இந்த வலைச்சர ஆசிரியர் பணியையும் ஏற்றுக்கொள்ள உற்சாகமளித்த்வர்.

 எழுதிய பதிவுகளில் பிடித்தவை

• ஈச்சனாரி விநாயகர்   முழுமுதற் கடவுள்.

• சிங்கப்பூர் விமானநிலையத்தில் புதிதாக நிர்மாணிக்கப் பட்டிருந்த டிராவலேட்டர்களின் மூலம் எல்லா டெர்மினல்களுக்கும் சென்று பார்வையிட்ட பறக்கும் ரயில் பயணம் அலாதியானது. 

சிங்கப்பூரில் கிளி ஜோதிடம்

• தனது மகனைப் பார்க்க அடிக்கடி கிளிக்குவது இந்தச்சுட்டியைத் தான்.. Griffith University

• வெள்ளிக்கிழமைகளில் தரிசிப்பது பதினாறு லட்சுமிகள்

• பணம் படைத்தவர்களால், அதிக உடல்பலம் படைத்தவர்களால் நல்லோர்கள் ஏமாற்றப்படுதலும் வதைபடுதலும் அதிகம் நடக்கிறது. அப்படி சக்தி இல்லாதவர்கள் தங்களுடைய குறைகளை தெய்வத்திடம் முறையிடுகிற கோயில்களில் மிக முக்கியமானது பிரத்யங்கரா தேவி கோயில்.

• ஜூன் மூன்றாம் தேதிக்கான பதினாறு லட்சுமிகள் பதிவையும், மே 14ம் தேதிக்கான பிரத்யங்கராதேவி பதிவையும், ஜூன் 14ஆம் தேதி காபி பேஸ்ட் செய்து வெளியிட்டிருக்கிறார் >> GAYATHIRI

• இன்னும் பல பதிவுகளை மணிக்கணகாகச்சிந்தித்துப் படங்கள தேடித்தேடிச் சேர்த்ததை நொடியில் காபி பேஸ்ட் செய்து வெளியிடும் GAYATHIRI பதிவரை வாழ்க வளமுடன் என வாழ்த்தலாம்.

• எல்லா மலைவாசஸ்தலங்களும் ஆங்கிலேயரின் காலடிபட்டு, தேயிலைத்தோட்டங்களாக மாறிவிட அவர்கள் காலடி படாத கொல்லிமலைச் சாரல் பயணம் இனிமையானது>> கொள்ளை கொள்ளும் கொல்லிமலைச் சாரல்

• ஆஸ்திரேலிய பயணத்தில் பார்த்து மனம் பறிகொடுத்தது.. பூமரங்கள் வீசும் சாமரங்கள்

• உ‌ல்டா' ஹனும‌ன்' பாதாளம் நோக்கிப் பாய்ந்த அனுமன்

• திருச்சூர் போனால் திரிச்சுவர மனசிருக்காது: திருச்சூர் வடக்குநாதர்

• உத்தரகோசமங்கை மரகத நடராஜர் மண் முந்தியோ மங்கை முந்தியோ

• நிஷாகந்திப்பூ மகன் வாங்கித் தந்த அபூர்வ மலர்ச்செடி

• சிற்பக் களஞ்சியம் தாடிக்கொம்பு  வியந்து ரசித்து வணங்கிய தலம்

• ஆஸ்திரேலியாவில் ரம்ஜான் எத்தனை நாட்டவர்களின் அறிமுகம்

• மகன் போட்டுக்கொடுத்த அருமையான காபி.. காபி in ஆஸ்திரேலியா

• Q1 உலகின் உயரமான குடியிருப்பு!! பசிபிக்கடலோரம் வாங்கிய காற்று

• கெடுவான் கேடு நினைப்பான்  பட்டாம்பூச்சி

• ஞீலிவனேஸ்வரர்  கோவில் வாழை

• விழி அழகு  விசாலாட்சி

• சமயத்தில் காப்பாள் சமயபுரத்தாள் அன்னையின் கருணை

• ஆஸ்திரேலியா - பெர்த் ஸ்ரீ பால முருகன் கோவில் தங்கத்திரை நாடான ஆஸ்திரேலியாவில் இத்தனை அனுபூதியான தலம்! 

• காடம்புழா  சேரநாட்டின் இயற்கை அழகு

என்று எல்லாமே பலமுறை படித்தாலும் சலிக்காத பதிவுகள் தாம்.