நல்வருகை! மூத்த பதிவர் அய்யா G.M.பாலசுப்பிரமணியம், மீண்டும் வருக! நண்பர் கார்த்திக் சரவணன் ஸ்கூல் பையன்

அன்பின் சக பதிவர்களே ! 


இன்றுடன் இனிதே முடிவுறும்  வாரத்திற்கு ஆசிரியப் பொறுப்பேற்று பல பதிவர்களையும் அவர்களது பதிவுகளையும் அறிமுகப்படுத்திய  வலையுலக நண்பர்  கார்த்திக் சரவணன், ஸ்கூல் பையன் அவர்களை பாராட்டி வாழ்த்துவதில் பெரு மகிழ்ச்சி அடைகிறேன்.
அவர் தனது வலைச்சர வாரத்தில் மனதைத் தொட்ட பல பதிவர்களின் இடுகைகள்  பலவற்றை  நமக்கெல்லாம் பகிர்ந்தளித்து சுமார் 135 மறுமொழிகளும்,  53 தமிழ் மணம் வாக்குகளையும் 1500 மேற்பட்ட பக்கப்பார்வைகளும் பெற்றுள்ளார்.

தனது வலைச்சர வாரத்தை அழகாக தொடுத்த  நண்பர் கார்த்திக் சரவணன், ஸ்கூல் பையன்,  அவர்களை வாழ்த்தி வழியனுப்புவதில் வலைச்சரக் குழு பெருமகிழ்ச்சியடைகிறது.


நாளை முதல் துவங்கும் வாரத்திற்கு வலைச்சர ஆசிரியர் பொறுப்பேற்க தற்போது பெங்களூரில் வசிக்கும் மூத்த பதிவாளர்  திரு G.M.பாலசுப்பிரமணியம் அவர்கள் அன்புடன் இசைந்துள்ளார். இவரது வலைப்பூ "gmb writes"  என்பதாகும்.
சுமார் 5 ஆண்டுகள் வலைப் பூவில் எழுதி வருகிறார். திருமணம் ஆகி 50 ஆண்டுகள் ஆகி இனிதே வாழ்வினை பிறர் போற்றும்படி வாழ்ந்து வரும்  அய்யா G.M.B அவர்களுக்கு 2 மகன்கள் உள்ளனர்.

"உள்ளத்து உணர்ச்சிகளுக்கு வார்த்தைகளில் உயிர் கொடுத்தால் உண்மையில் ஜெயிக்கும்" 

-என்கிற இவரது உன்னதமான உயிர்ச் சொற்களைப் போலவே இவரது பதிவுகளும், அறிமுகங்களும் சிறந்து விளங்க வாழ்த்துகிறோம்.

G.M.பாலசுப்பிரமணியம் அவர்களை இந்த வாரம் வலைச்சர ஆசிரியர் பொறுப்பில் அமர்த்தி "வருக.... வருக.." என வாழ்த்தி வரவேற்பதில் வலைச்சரக்குழு பெருமகிழ்ச்சியடைகிறது.


நல்வாழ்த்துக்கள் நண்பர் கார்த்திக் சரவணன், ஸ்கூல் பையன் 
நல்வாழ்த்துக்கள் மூத்த பதிவாளர்  திரு G.M.பாலசுப்பிரமணியம்


நட்புடன்,
புதுவை வேலு