வாழ்த்துகள்காயூ - வருக வருக சுரேஷ் ( பழனியில் இருந்து )

அன்பின் நட்புகளே

ஒரு வார காலமாக ஆசிரியராகப் பணியாற்றிய காயத்ரி, ஏழு இடுகைகள் இட்டு ஏறத்தாழ நூறுக்கும் மேற்பட்ட மறுமொழிகள் பெற்றிருக்கிறார். ஏற்ற பணியை - செயலை பொறுப்புடன் நிறைவேற்றி மன நிறைவுடன் நம்மிடமிருந்து விடை பெறுகிறார். அவர் பல புதிய பதிவர்களை தேடிப்பிடித்து அறிமுகம் செய்தமை நன்று. அவரை வலைச்சரத்தின் சார்பினில் வாழ்த்துகளைக் கூறி வழி அனுப்புவதில் பெருமையும் மகிழ்ச்சியும் அடைகிறேன்.

அடுத்து நாளை - 08.03.2010ல் துவங்கும் வாரத்திற்குப் பொறுப்பேற்க அன்புடன் இசைந்துள்ளார் அருமை நண்பர் சுரேஷ் குமார்.இவர் பழனியில் ஒரு மருத்துவராகப் பணி யாற்றுகிறார். கோவை மருத்துவக் கல்லூரியில் படித்தவர். கனவுகளே என்ற வலைப்பூவினிலும், மற்றும் இரு குழுமப் பதிவுகளிலும் எழுதி வருகிறார். கனவுகளே வலைப்பதிவினை ஏறத்தாழ இருநூறுக்கும் மேற்பட்ட சக பதிவர்கள் பெருமையுடன் பின் தொடர்கின்றனர். 2008 அக்டோபர் இறுதியில எழுத ஆரம்பித்த இவர் இன்று தனது 300 வது இடுகையினை நமது வலைச்சரத்தினில் படைக்கிறார்.

மருத்துவர் சுரேஷ் குமாரினை வருக வருக - பதிவர்களின் அறிமுகங்களைத் தருக தருக என வரவேற்பதில் மகிழ்ச்சி அடைகிறேன்.

நல்வாழ்த்துகள் சுரேஷ்
நட்புடன் சீனா