வலைச்சரம்: பொழுது போகிறது!

வலைச்சரத்தில் வெளியிடப்படும் இடுகைகள் வலைச்சரக் குழுவினரால் தணிக்கைக்கு உட்படாது. ஆனால், வலைச்சர விதிக்கு உட்படாத இடுகைகளை முன்னறிவிப்பின்றி நீக்க வலைச்சரக் குழுவினருக்கு உரிமை உள்ளது

Sunday, June 15, 2014

பொழுது போகிறது!

➦➠ by: இமா க்றிஸ்

இன்னும் சில மணி நேரங்கள்தான் இந்த நாற்காலி. :-) அதுவரை... பொழுது போகட்டும் உங்களுக்கும்.

இன்று கைவினை, ஓவியங்கள் தொடர்பான வலைப்பூ இடுகைகளைக் கோர்த்துக் கொடுக்கலாமென்றிருக்கிறேன். பலரது வலைப்பூக்களை வேறு தலைப்புகளின் கீழ் அறிமுகம் செய்தாயிற்று. இன்னும் சிலர் இங்கே...

உஷா ஸ்ரீகுமாரின் பார்வைகளில் பானை நிறைய நகைகள் இருக்கின்றன. மாதேவி கலைவாணி...கேரளா ம்யுரல், சரஸ்வதி - ஒரு தஞ்சாவூர் பாணி ஓவியம் இரண்டும் இருக்கிறது. பஞ்சமுக கணபதி வெகு அழகாக இருக்கிறார். மூங்கில் தட்டில் பிள்ளையார் செய்வதற்கு திறமை எல்லாம் வேண்டாம். வெகு சுலபமாக சட்டென்று செய்துவிடலாம். அப்படியே இதையும் தெரிந்துகொள்ளுங்கள்.

இது.. சங்கீதா செந்திலின் வலைப்பூ. இதயம் நிறைய ரோஜாக்களை நிரப்பி அழகாக ஒரு வாழ்த்திதழ் செய்திருக்கிறார். இந்தப் பக்கம் முழுவதும் கோலமிட்டிருக்கிறார்.

திருமதி ஸ்ரீதரின் வலைப்பூ இது. கரடிப் பொம்மை செய்முறை ஒன்று இங்கு பகிர்ந்திருக்கிறார். இங்கு சேலையில் கைவண்ணம் காட்டுகிறார். இங்கு... உபயோகமில்லாத உடையில் பை தயாரிப்பது பற்றிச் சொல்கிறார்.

பெண்கள்தான் அனேகம் கைவினை இடுகைகள் கொடுக்கிறார்கள். ஆண்களது வலைப்பூக்கள் காணக் கிடைக்குமாவென்று தேடினேன். முன்பு ஒருசிலரது ஓவிய வலைப்பூக்கள் பார்த்திருக்கிறேன். சுட்டிகள் பழைய கணணியோடு காணாமல் போய்விட்டது. இப்போது தேடினாற் கிடைக்கவில்லை. இது... உங்கள் வேலை. :-) தேடிப் பிடித்துக் கொடுப்பீர்களா!

என் நினைவில் நிற்பவர் VGK அண்ணா மட்டும்தான். அண்ணாவையும் அவர்களது வலைப்பூவையும் தெரியாதவர்கள் இருக்க மாட்டீர்கள். அவரது மயக்கும் எழுத்தாற்றல் அனைவருக்கும் அறிமுகமானதே. இங்கே அவரது கைவினையும் ஓவியங்களும்.

பூந்தளிர் தியானா... இரண்டு குட்டிப்பெண்களின் தாய். விதம் விதமான விடயங்களின் கலவை இவர் வலைப்பூ. அங்கு அம்மாவும் பெண்களுமாகச் சேர்ந்து செய்யும் வேலைப்பாடுகளை இங்கே பகிரப் போகிறேன். காஃபி பெய்ண்டிங் கேள்விப்பட்டிருகிறேன். சர்க்கரைப் பாகில் கூட பெய்ண்டிங் செய்யலாமாம். காஃபி பில்டரில் அலங்காரம் இங்கே. வெகு அழகாக இருக்கிறது. முயற்சி செய்து பார்க்க நினைத்திருக்கிறேன். க்ரயான்களை மீண்டும் பாவிப்பது எப்படி என்பதையும் ப்ளே டோ செய்முறை ஒன்றையும் கொடுத்திருக்கிறார். இன்னும் இருக்கிறது. கைவினை தவிர்த்து அங்கு படித்ததில் பிடித்தது இது.

உங்களுக்கு தோட்டம் செய்வதில் ஈடுபாடு இருக்கிறதா! சிவாவின் இந்த வலைப்பூ நிச்சயம் உதவும். வலைப்பூ என்பதற்கு மேல்... உபயோகமான குறிப்புகள் நிறைய இருக்கின்றன. தான் சந்தித்த பிரச்சினைகள், அவற்றுக்காக மேற்கொண்ட தீர்வுகள் என்று பலதும் கலந்து பேசுகிறார். சந்தேகங்கள் இருந்தால் கூட கேட்டுத் தெளிந்துகொள்ளலாம். எனக்குத் தோட்டவேலை பிடிக்கும். 'எப்படி வரும் என்றே தெரியாமல் முயற்சிப்பதிலும் ஒரு த்ரில்லிங் இருக்கு.' :-) என்னைப் போலவே இவர் நினைப்பும் இருக்கிறது. எதையாவது புதிதாக முயற்சி செய்கிறார். கருணைக் கிழங்கு வளர்ந்த கதை, சிவாவின் ரசனைக்கு ஒரு உதாரணம். முதல் இடுகையிலிருந்து விடாமல் படித்துப் பாருங்கள். அருமையான வலைப்பூ இது.

மெதுவாக ஒவ்வொன்றாகப் படியுங்கள்.

மீண்டும் வருவேன். :-)

_()_

22 comments:

திண்டுக்கல் தனபாலன்Sun Jun 15, 07:38:00 AM
தோட்டம் தளம் உட்பட இன்றைய அனைத்து தளங்களும் பயனுள்ளவை... அனைவருக்கும் வாழ்த்துக்கள்...
ReplyDelete
Replies
துரை செல்வராஜூSun Jun 15, 08:37:00 AM
இன்றைய வலைச்சரம் - கலைச்சரம் எனப் பொலிகின்றது.
அறிமுகங்கள் அனைவருக்கும் அன்பின் நல்வாழ்த்துக்கள்..
வாழ்க நலம்..
ReplyDelete
Replies
Usha SrikumarSun Jun 15, 11:50:00 AM
வலைச்சரத்தில் என் வலைப்பூவை அறிமுகப்படுதியதற்கு என் மனமார்ந்த நன்றிகள்...
ReplyDelete
Replies
priyasakiSun Jun 15, 12:35:00 PM
கோபு அண்ணாவின் சித்திரங்களைப்பார்த்து வியந்திருக்கிறேன். இன்றைய அறிமுகங்கள் அனைத்துமே பயனுள்ள தளங்கள் இமா. அனைவருக்கும் வாழ்த்துக்கள்.
ReplyDelete
Replies
வை.கோபாலகிருஷ்ணன்Sun Jun 15, 03:09:00 PM
//என் நினைவில் நிற்பவர் VGK அண்ணா மட்டும்தான். //

இது ஒன்றே போதும் VGK அண்ணாவுக்கு. ;)))))

//அண்ணாவையும் அவர்களது வலைப்பூவையும் தெரியாதவர்கள் இருக்க மாட்டீர்கள்.//

அப்படியா சொல்கிறீர்கள் ! வலையுலகம் மிகப்பெரியது அல்லவா ! எனக்குத் தெரிந்தவர்கள் ஒருசிலர் மட்டுமே. என்னைத் தெரிந்தவர்கள் கொஞ்சம் கூடுதலாக இருக்கலாம்.

//அவரது மயக்கும் எழுத்தாற்றல் அனைவருக்கும் அறிமுகமானதே.//

அடடா ! இருப்பினும் தங்கள் மூலம் இன்று இங்கு நான் அறிமுகம் செய்யப்பட்டுள்ளது தான் என்னை மேலும் மயக்கமடையச் செய்வதாக உள்ளது.

// இங்கே அவரது கைவினையும் ஓவியங்களும்.//

என் வலைத்தளத்தினை இன்று வலைச்சரத்தில் அறிமுகம் செய்து வைத்துள்ள இந்தவார வலைச்சர ஆசிரியர் சகோதரி திருமதி இமா டீச்சர் அவர்களுக்கு என் மனம் நிறைந்த இனிய அன்பு நன்றிகள்.

இந்த அறிமுகப்படலத்தை என் கவனத்திற்கு இன்று கொண்டுவந்து உதவிய திரு. திண்டுக்கல் தனபாலன் அவர்கள் மற்றும் திருமதி இராஜராஜேஸ்வரி அவர்கள் இருவருக்கும் என் மனம் நிறைந்த இனிய அன்பு நன்றிகள்.

இன்றைய வலைச்சர அறிமுகத்தின் மூலம் என் பதிவுக்குப் புதிய வருகை தந்து சிறப்பித்துள்ள Ms. R.Umayal Gayathri அவர்களுக்கும் என் அன்பான நன்றிகள்.

இப்படிக்கு VGK
ReplyDelete
Replies
”தளிர் சுரேஷ்”Sun Jun 15, 04:23:00 PM
அனைவருக்கும் வாழ்த்துக்கள்! இனிய தந்தையர் தின வாழ்த்துக்கள்!
ReplyDelete
Replies
UmayalGayathriSun Jun 15, 05:35:00 PM
அறிமுகங்கள் அனைத்தும் அருமை இமா. அனைவருக்கும் வாழ்த்துக்கள்.
ReplyDelete
Replies
unmaiyanavanSun Jun 15, 06:12:00 PM
நிறைய கைவினை, ஓவிய வலைப்பூக்களை அறிமுகம் செய்து வைத்திருக்கிறீர்கள். சென்று பார்த்து என் மகளுக்கு காட்ட வேண்டும்.
அனைவருக்கும் வாழ்த்துக்கள்.
ReplyDelete
Replies
AngelSun Jun 15, 07:30:00 PM
அம்ம்மாடி !!! எவ்வளவு அழகிய சித்திரங்களை நான் மிஸ் பண்ணியிருக்கிறேன் !!!நன்றி இமா கோபு அண்ணா படம் வரைவார்னு தெரியும் ஆனா மொத்த பொக்கிஷமும் இருந்த இடத்தை இன்னிக்கு உங்க லிங்க் மூலமாகத்தான் பார்த்தேன் ..
ஆச்சி நம்ம சகோதரி
சிவா ..நா அடிக்கடி எட்டிபார்க்கும் ஒரு வலைபூ :)
உஷா ஸ்ரீகுமார் வலை மற்றும் தியானா பக்கம் எனக்கு புதியவை .சங்கீதா செந்தில் ..நம்ம ஏரியா க்விலிங் :)
அங்கே மல்லிபூ இட்லியையும் பார்த்திட்டு வந்துட்டேன்

அனைவருக்கும் வாழ்த்துக்கள்

ReplyDelete
Replies
AngelSun Jun 15, 07:31:00 PM
அதிராஆவ் ஓடி வாங்க இங்கே உங்களுக்கு ஸ்பெஷல் அ .கோ .மு ..வச்சிருக்காங்க :)))
ReplyDelete
Replies
சிவாSun Jun 15, 08:04:00 PM
எனது வலைபூ அறிமுகத்திற்கு மிக்க நன்றி.
ReplyDelete
Replies
sangeetha senthilSun Jun 15, 08:23:00 PM
அடடா ... வலைச்சரத்தில் என் வலையை அறிமுக படுத்தியமைக்கு என் கோடான கோடி நன்றிகள் ...எல்லா வலையையும் ரசித்தேன் ... அழகான கோர்வை ...
ReplyDelete
Replies