எனது பூக்களைக்கொண்டு முதற்சரம்

 "நசிகேத வெண்பா" அப்பாதுரை அவர்கள் கடந்த வாரம் சிறப்பான முறையில் வலைச்சர ஆசிரியர் பணியாற்றினார். அவரைப்போல் இல்லாவிட்டாலும் முடிந்த அளவுக்கு முயற்சி செய்கிறேன்.

  வலைச்சரம் 2011 இல் கலக்கியவர்கள் என்ற தலைப்பில் என்னைப் பற்றியும் வலைச்சரத்தில் வெளியிட்டிருந்தார். அன்றைய வலைச்சரத்தை தொடுத்த சென்னைபித்தன் அவர்கள்.

     எனக்கு அறிமுகம் வழங்கிய வலைச்சரத்தை  தொடுக்க எனக்கும் வாய்ப்பு கிடைக்கும் என்று நான் நினைக்கவில்லை. என்னைப் போன்ற சாதாரணர்களையும் வலைச்சர ஆசிரியராகப் பணியாற்ற அழைப்பு விடுத்த சீனா அவர்களுக்கு நன்றி.

     முதல் பதிவாக உங்கள் பழைய பதிவுகளை அறிமுகப்படுத்தலாம் என்றதும் ரொம்ப மகிழ்ச்சி. ஏனென்றால் அதிகம் பார்க்கப்படாத பதிவுகளை மீண்டும் பார்க்க வைப்பதற்கு ஒரு வாய்ப்பு கிடைக்கிறதே! (ஹிஹி .. அதை எல்லாம் படிக்கணும்னு உங்க தல எழுத்து இருந்தா நான் என்ன பண்ணமுடியும்.. Be Careful!)

சரம்-1

மலர் 1 எனது வலைத் தோட்டத்தில் பூத்த  பதிவுப் பூக்களைக் கொண்டு  நான் தொடுக்கும் சரம். முதல் பதிவாக நான் பதிவிட்டது.கவிதை துளிகள் - இறை வாழ்த்து .கடவுள் வாழ்த்து வெண்பா. தமிழ்  பாடப் புத்தகங்களில் செய்யுள் பகுதியில் முதலில்  கடவுள் வாழ்த்து அமைந்திருக்கும். அந்தப் பாடல்களின் ஓசை நயம் எனக்கு மிகவும் பிடிக்கும். அவை மனப்பாடப் பகுதிகளாக இருக்கும். இன்றும் வகுப்பில் நான் படித்த கடவுள் வாழ்த்துப் பாடல்கள் நினைவில் உள்ளன. அதன் விளைவாக முதல் பதிவை கடவுள் வாழ்த்தாக அமைத்தேன். அது உங்களுக்கும் பிடிக்கும் என்று நினைக்கிறேன். அதில் எந்த மதத்தையும் குறிக்காமல் பொதுவாக அமைத்திருக்கிறேன்.

மலர் 2.  நாம் காண்கின்ற காட்சிகளில் எல்லாம் கவிதைகள் நிறைந்திருக்கின்றன. என் கண்ணிலும் நெஞ்சிலும் தோன்றியவற்றை கவிதையாக்கிய பதிவுl எது கவிதை?

மலர் 3 .  என் வலைப்பக்கத்து ஒரு சிலரை ஈர்த்து வந்த கவிதைப் பதிவு. இசை வேந்தன் ஏ.ஆர்.ரஹ்மான். அது கவிதையால் வந்தது அல்ல. ரகுமான் என்ற மந்திரச் சொல்லால் வந்தது.

மலர் 4.  எங்கள் வீட்டில் வளர்ந்த செல்ல நாய் ஜூனோ எதிர் பாராவிதமாக இறந்து போக அதற்காக எழுதிய இரங்கல் கவிதை 

 ஜூனோ! எங்கள் செல்லமே!

மலர் 5. செல்ல நாயின் இறப்பில் மர்மம் இருந்தது. அதன் இறப்பிற்குப் பிறகு ஏற்பட்ட பதட்டத்தை தொடராக ஆறு பதிவுகளாக எழுதினேன்.

செல்ல நாயின் இறப்பு! ஒரு மாதம் பரபரப்பு!! இதைப் படித்த வாசகர் ஒருவர் என்னை தொலைபேசியில் தொடர்பு கொண்டு அடுத்த பதிவு அப்போது வரும் என்றும்  நாய் எப்படி இறந்தது என்று தன் பெண் கேட்டு சொல்லச் சொன்னதாக என்னிடம் தெரிவித்தார். எனது வலைப்பதிவுக்கு பார்வையாளர்கள் என்ணிக்கை சிறிது அதிகரித்தது.

மலர் 6. . கவியரசு கண்ணதாசன். இப்பதிவை முகநூலில் படித்த காந்தி கண்ணதாசன் அவர்கள் பாராட்டினார்.

மலர் 7. வைரமுத்து பற்றிய கவிதைக்கும் ஓரளவிற்கு வரவேற்பு இருந்தது.கவிதைச் சூரியன்-வைரமுத்து (VAIRAMUTHU)

மலர் 8.: அப்போது எனது பதிவுகளில் அதிக பாரவையாளர்களைக் கொண்ட பதிவாக அமைந்தது ஏ.ஆர்.ரஹ்மான், இளையராஜா, எம்.எஸ்.வி :பலங்கள்-பலவீனங்கள்

மலர் 8  நேரடியாகச் சொல்லாமல் கற்பனையாக வடிவேலு வை கதாபாத்திரமாகக் கொண்டு இடப்பட்ட பதிவு புதிர்! உங்களுக்கு தெரிஞ்சா விடை சொல்லுங்க !

மலர் 9  பல பாராட்டுக்கள் பெற்ற குட்டிக் கதை பதிவு காதல் என்றால் என்ன? கல்யாணம் என்றால் என்ன?

மலர் 10. ஒரே மனித மனதில் இருக்கும் எதிரெதிர் குணங்கள் பற்றிய கவிதை நானும் நானும்

மலர் 11. இதைப் படித்தால் என்னுடைய  ஹிட் சாதனையை ஏற்றுக் கொள்வீர்கள்: அதிக ஹிட் வாங்கும் பதிவர் நான்தான்!

மலர் 12. எனது பதிவுகளிலயே அதிகம் பேர் படித்த பதிவு தெலுங்கை தாய்மொழியாக உடையவர்கள் தமிழர்களா?

 சுயபுராணம் ஒரு டஜனோடு போதும் நிறுத்திக்கொள் என்று சொல்வதற்குள் நானே நிறுத்திக் கொள்கிறேன்.

நாளை இன்னொரு சரம்

**************