காயத்ரி தேவி பொறுப்பில் இந்த வார வலைச்சரம்...!

வணக்கம் வலை நண்பர்களே....

இன்று முடிகிற வாரத்திற்கு ஆசிரியர் பொறுப்பேற்று இருந்த கிரேஸ் பிரதிபா அவர்கள் தமது ஆசிரியர் பொறுப்பை மிகுந்த ஆர்வமுடனும், பொறுப்புடனும், அனைவரும் பாராட்டும் படியாக செய்து முடித்துள்ளார். 

மகளிர் தினத்தை முன்னிட்டு அது பற்றிய வரலாறு செய்திகளை ஒவ்வொரு இடுகையிலும் பகிர்ந்து, அதோடு பதிவர்களையும் சிறப்பாக அறிமுகம் செய்து இந்த வார வலைச்சரத்தை சிறப்பாக முடித்துள்ளார்.  

அவர் தனது வலைச்சர வாரத்தில் ஏழு இடுகைகள் வரை எழுதி 220-க்கும் மேற்பட்ட மறுமொழிகளும்,  1120 பக்கப்பார்வைகளும் பெற்றுள்ளார்.

தனது வலைச்சர வாரத்தை அழகாக தொடுத்த கிரேஸ் பிரதிபா அவர்களை வாழ்த்தி வழியனுப்புவதில் வலைச்சரக் குழு பெருமகிழ்ச்சியடைகிறது.

நாளை முதல் துவங்கும் வாரத்திற்கு வலைச்சர ஆசிரியர் பொறுப்பேற்க "என்னில் உணர்ந்தவை" என்னும் வலைப்பூவை எழுதி வரும் சகோதரி காயத்ரி தேவி அவர்களை அழைக்கின்றேன். அவரைப் பற்றிய அறிமுகம் கேட்கையில் கீழ்க்கண்டவாறு சொல்கிறார்.

""நான் இப்போதைக்கு பி.ஹச்.டி ஸ்காலர், ஒரு வருசத்துல டாக்டர் ஆகிடுவேன்னு நம்புறேன். வீட்ல எனக்குன்னு ரூம்மேட்ஸ் இருக்காங்க, அவங்கள குருவிங்க, மீனுங்கன்னு சொன்னா கோபம் வரும், ஆல் மை செல்லம்ஸ்... ரொம்ப ஊர்சுத்துவேன், அதுக்கு பரிகாரமா இப்ப ரூமுக்குள்ள முடங்கிட்டேன். அப்பா, அம்மா ரெண்டுமே எனக்கு இப்போதைக்கு ஒரே ஆள் தான், கூட ஒரு போட்டியாளர் தம்பி... அன்பையும் அமைதியையும் விரும்புறவ, ஆனா ரொம்ப கோபக்காரி. எழுதுறது பிடிக்கும். அதுவும் நடைமுறை இயல்போட எழுத ரொம்ப பிடிக்கும்... சவாலான விஷயங்கள ஈசியா ஹாண்டில் பண்ணவும் பிடிக்கும். இப்போதைக்கு இவ்வளவு தான்...""

காயத்ரி தேவி அவர்களை வலைச்சர ஆசிரியர் பொறுப்பில் அமர்த்தி "வருக.... வருக.." என வாழ்த்தி வரவேற்பதில் வலைச்சரக்குழு பெருமகிழ்ச்சியடைகிறது.

நல்வாழ்த்துக்கள் கிரேஸ் பிரதிபா...

நல்வாழ்த்துக்கள் காயத்ரி தேவி...

நட்புடன்,

தமிழ்வாசி பிரகாஷ்....