முத்தமிழ் பேசும் வலைப் பூ வாசம்!

முடி சூடிய வலைப் பூ முகங்களை வலைச்சரத்தில் கண்டோம்.

தொடர்ந்து,  முத்தமிழ் பேசும், வலைப்பூவின் வாசத்தை நுகர்வோம்,

நுகர்ந்ததை பகர்வோம்!

வாருங்கள்!


தமிழை பற்றி பேசும்போது முத்தமிழ்க் காவலர் கி.ஆ.பெ.வசுவநாதம் அவர்கள் தமிழுக்கு தந்த விளக்கம் அறு சுவையாக மணக்கும்.


தமிழுக்கு "முத்தமிழ்' எனவும் பெயர் உண்டு. இது இயல், இசை, நாடகம் என்றாகும். இயற்றமிழ் எண்ணத்தை வளர்க்கும்; இசைத்தமிழ் உள்ளத்தை உருக்கி ஒரு முடிவுக்கு வரச்செய்யும். நாடகத்தமிழ் நடந்து காட்டி மக்களை நல்வழிப்படுத்தும். எண்ணமும், துணிவுமின்றி எச்செயலும் நடைபெறாது. இது உளநூற் புலவர்களின் கருத்து. இதை நமது முன்னோர்கள் அன்றே அறிந்து பெயரிட்டிருப்பது அவர்களின் அறிவாற்றலை விளக்குகிறது எனபார் கி.ஆ.பெ.விசுவநாதம் அவர்கள்.


 நமது நாட்டிற்குச் "செந்தமிழ் நாடு' என்ற பெயர் வைத்தவர் தேசியகவி சுப்பிரமணிய பாரதியார். இதில் நாட்டிற்கு அடைமொழியாக நமது மொழியும்,  மொழிக்கு அடைமொழியாகச் "செம்மை'யும் அமைந்திருப்பது பெரிதும் வியப்பிற்குரியதாகும்.


 ""தமிழுக்கும் அமுதென்று பேர்'',  தமிழ்,  தமிழ் எனக் கூற அது "அமிழ்ந்து' என ஒலிக்கும் எனக் கூறி மகிழ்ந்தவர் புரட்சிக் கவிஞர் பாரதிதாசனார். அந்த அளவோடு அவர் விட்டுவிடவில்லை. ""தமிழுக்கும் அமுதென்று பேர்; அது எங்கள் உயிருக்கு நேர்'' எனவும் கூறி,  உயிருக்கு ஒப்பாகத் தமிழைக் கூறி உயிர்விட்ட ஒப்பற்றக் கவிஞர் அவர்.


 இனிமைச் சிறப்பு

 "தமிழ்' என்பதற்கு "இனிமை' என்றும் ஒரு பொருளுண்டு. இதனை "இனிமையும் அழகும் தமிழ் எனல் ஆகும்'' என்பதனால் நன்கறியலாம்.

 "பசி இல்லாவிடில் இந்தப் பாலையாவது குடியுங்கள்''  என்ற தன் மனைவியை நோக்கிப் புலவர் ஒட்டக்கூத்தர் கூறியது இது:

""போடி பைத்தியக்காரி! இன்று அரசவையில் புகழேந்தி அரங்கேற்றிய நளவெண்பாவில் இரண்டொன்றைப் பிழிந்து கொடுத்தாலாவது அதன் சுவைக்காக உண்ணலாம். உன் பாலில் என்னடி,  சுவையாயிருக்கப் போகிறது?'' என்பாராம்! என்னே தமிழின் சுவை!

என்னே தமிழின் இனிமை!


கொல்லிமலைக் காட்டிலுள்ள ஓர் ஆளிடம் தேன் கொண்டுவரும்படி சொல்லியிருந்தேன். அவன் அன்று வராமல் மறுநாள் வந்து வெறுங்கையோடு நின்றதால் சிறிது கோபித்தேன். அவன் பேசினான்.


 ""நேற்றே மலைக்கு நடந்தேன்,  பலவிடங்களில் அலைந்தேன்; இறுதியில் பெரும் பாறைத்தேன் கண்டு சிறிது மலைத்தேன்; ஒரு கொடியைப் பிடித்தேன்; ஏறிச் சென்று கலைத்தேன்; சட்டியில் பிழிந்தேன்; நன்றாக வடித்தேன்; அதனைக் கண்டு மகிழ்ந்தேன்; அதில் சிறிது குடித்தேன்; களித்தேன்; அயர்ந்தேன்; மறந்தேன்; இன்று காலை எழுந்தேன்; நினைத்தேன்; தேனை அடைத்தேன்; எடுத்தேன்; விரைந்தேன்; நடந்தேன்; வந்தேன்; சேர்ந்தேன்; இப்போதுதான் உங்கள் ஆளிடம் கொடுத்தேன்'' என்று.


 நானும் இதைக்கேட்டு மகிழ்ந்தேன். அவனுக்கு உரியதையும் தந்தேன். அடடா! எப்படி தேன்?  எவ்வளவு தேன்?  ஒவ்வொரு சொல்லிலும் தேன் சொட்டுகிறதே! இதைப் பார்த்தேன்,  குடித்தேன் என்று கூறாமல் 
"படித்தேன்' எனக் கூறுங்கள்.

அப்பொழுதுதான், ஒவ்வொரு சொல்லும் ஒவ்வொரு படி "தேன்' என ருசிக்கும். என்னே தமிழின் இனிமை!


இது போன்று, வலைப் பூ பதிவாளர்களின் பயன் தரும் பதிவுகளை படித்தேன் என்று சொல்லுங்கள். 
படித் தேனாக ருசிக்கட்டும்.


இனி இன்றைய சிறப்பு பதிவாளர்களும் அவர்களது பதிவுகளும்!

http://makizhnirai.blogspot.com/2014/09/periyar-rationalist-leader.html

மைதிலி கஸ்தூரிரங்கன்

“தந்தைபோற்றுதும்!!”


புதைத்து விட்டு, வழிபடும் மரபினர் நாம்
அதனால்தான் கொள்கைகளை புதைத்துவிட்டு
வகுத்தவர்களை வழிபடுகிறோம் !!
என்கிற, இவரது குறும்பாவை ஒன்றே போதும்
இந்த பதிவை நன்றென சொல்ல!   - (இயல்)

http://haridhass.blogspot.fr/ 

புதுவை சந்திரஹரி

ஒரு பக்க கதை “(ஸ்டாப்)”


தட்டுப் பாடுகள் நிறைந்த சமூகத்தில் நாம் வாழ்கிறோம் என்னும் எதார்த்த கருத்தை
மனித நேயம் குறித்த மற்றொரு பார்வையை சொல்லி இருக்கிறார் இவர்.


புதுவையை சேர்ந்த இவர், நான் படித்த "கலவைக் கல்லூரியின்" ஆசிரியர்.
"தாய்" பத்திரிகை  ஏற்பாடு செய்திருந்த பாடல் எழுதும் போட்டிக்கு நீங்கள்  வந்திருந்த போது, நானும் நண்பர் கேசவ சேகரும் வந்து இருந்தோம். கேசவசேகர் அவர்களுக்கு முதல் பரிசு கிட்டியதை இங்கு நினைவு கூறுகின்றேன் அய்யா! நன்றி!) - (இயல்)
 

http://thanjavur14.blogspot.fr/2015/03/blog-post-kumbakonam-.html 


துரை செல்வராஜு

இளைய மகா மகம்


பழையதும், புதியதும், அருமையான படங்களுடன் விளக்கமான விடயங்கள் தந்தமைக்கு நன்றி என்று பாராட்டிய கில்லர்ஜி யின் பின்னூட்டக் கருத்தையே சொல்லிய படியே சிறப்பிக்கின்றேன் இவரது இந்த பதிவை!- - (இயல்)

 http://vazhvuneri.blogspot.fr/2015/02/blog-post.html

சூரி சிவா ("சுப்புத் தாத்தா)
உலகத் தாய்மொழி தின வாழ்த்துக்கள்
 

பிறரது திறமைகளை உலகறிய செய்யும் திறவு கோல் !
தமிழ் மொழியின் இசைஅருவி இவர்! -  (இசை)


http://kaarigan-vaarththaiviruppam.blogspot.fr/2014/10/xxi.html

காரிகன்

இசைவிரும்பிகள் XXI -- அலங்காரம் கலையாத அழகு.

தமிழ் திரைப் படங்களின் அகராதி  பிலிம் நீயுஸ் ஆனந்தன் என்பார்கள்!
காரிகன் அவர்களோ தமிழ் இசைப் பாடல்களின் அகராதி என்று சொன்னாலும் அது மிகையன்று. அவ்வளவு தகவல்களை நாம் பெற முடியும்.
தகவல் அறியும் சட்டத்தை நாம் நாடாமலே!
 நன்றி காரிகன்!  -  (இசை)

http://unmaiyanavan.blogspot.fr/ 
சொக்கன் சுப்ரமணியன்
நாரதரின் சிட்னி விஜயம் - தமிழ் பள்ளி மாணவர்கள் நடித்த நாடகம்  

வளரும் தலைமுறையினரிடம் நாடகத் தமிழை வளர்க்கும் வித்தை அறிந்த விந்தை மனிதர் இவர்! - (நாடகம்) 


http://www.gunathamizh.com/2010/01/blog-post_24.html


முனைவர் இரா.குணசீலன்
பெண்களின் கூந்தல்மணம் இயற்கையானதா?

பெண்களின் கூந்தல் மணம் இயற்கையானதா? இலக்கிய ஆராய்ச்சிக்கு உரிய முறை யாது? எது உயர்ந்த ஆராய்ச்சி என்று ஆராயுமாறு நம்மைத் தூண்டுகிறயது இப்பதிவு.


http://manidal.blogspot.fr/2010/04/blog-post_27.html

முனைவர்மு.பழனியப்பன்



இணையத்தில் தமிழ்

தமிழ் இலக்கியம் பற்றிச் சிந்திக்கும் வலைப்பூ !  இணையத்தின் வழியே இலக்கியம் வள்ர்ந்தோங்க வேண்டுகிறார்.


http://mathysblog.blogspot.com/search/label/%E0%AE%95%E0%AF%81%E0%AE%B4%E0%AE%A8%E0%AF%8D%E0%AE%A4%E0%AF%88%E0%AE%95%E0%AE%B3%E0%AF%8D%20%20%E0%AE%89%E0%AE%9F%E0%AE%B2%E0%AF%8D%20%20%E0%AE%A8%E0%AE%B2%E0%AE%AE%E0%AF%8D




கோமதி அரசு 

ஓடிவிளையாடு பாப்பா



பாரதிதாசன் அவர்களின் குடும்ப விளக்கில் குழந்தை வளர்ப்புப் பற்றி, விளையாட்டைப் பற்றி வரும் பாடலையும், பாண்டி விளையாட்டின் தத்துவப் பொருளையும் சிறப்புற விளக்கியுள்ளார் இந்த பதிவினில்!  


http://umayalgayathri.blogspot.com/2014/06/kavithai-manathin-anal.html


R. உமையாள் காயத்ரி
மனதின் அனல் – கவிதை

நல்லவை தீயவை - யாதும்
அனலுக்கு ஒன்றே...! தமிழ் அனல் தகதகக்கிறது இவரது கவிதை வரிகளில்!




http://saratharecipe.blogspot.fr/2014/02/150.html



சாரதா.  


எனது அம்மா - 150 வது பதிவு

தமிழ்நாட்டில் பாளையங்கோட்டையில் வசிக்கிறார் சமையல் ஆர்வம் உள்ளதால் இணையத்தின் வழியே சமையல் குறிப்புகளை பகிர்ந்து வருகிறார் வெகு சிறப்பாக!
இவரது 150 வது பதிவு "எனது அம்மா"
தாய்மை பாசத்தை இணைய வலையில் பிண்ணியிருக்கிறார் அனைவரும் போற்றும் வகையில்!



http://www.trtamilkkavithaikal.com/2015/02/blog-post_18.html

ரூபன்


எரியும் தீப்பிழம்பு

ஈழத்து தமிழரின் இன்னல்களை இடியென இடித்துரைக்க செய்கிறார் இவரது இணையில்லா கவிதை மூலம்.

முத்தமிழை பாட பாட வாய் மணக்கும்!
இன்றைய பதிவர்களின் பதிவர்களின் பதிவுகளை படிக்க படிக்க
இதயம் இன்பத்தில் மூழ்கி, துன்பம் தராது துடிக்கும்!

நாளை நல்ல பல பல்சுவை தரும் பதிவர்களோடு சந்திக்கின்றேன்.




நன்றி!

நட்புடன், 
புதுவை வேலு