வென்றுவிட்டேன்...என்று நினைக்கிறேன் திருப்தியாக சென்றுவருகிறேன்

வலைச்சர....'பட்டணத்தில் ஒரு வார டேராப் போட்டு கொட்டி மொழக்கிட்டேன்.' அப்படித்தானே? 'கமெண்ட்' வசூலு இல்லையானா பொட்டிய தூக்குவோம்' ன்னு இருந்தேன். ஆனா பொட்டி நிரம்பி வழிஞ்சுது. என் சக்திக்கு மீறி பதிவுகள் பாய்ந்து வந்தன. பயந்து பயந்து வந்ததுக்கு கொஞ்சம் கொஞ்சமாக பழகிவிட்டது. பதிவுகள் எழுதி பிரசுரிக்க மட்டுமே தெரிந்து வைத்திருந்த எனக்கு இதன் மூலம் நிறைய தெரிந்து கொண்டேன்.

போடப்போட ஆர்வம் கூடியது. சகாதேவன் சொன்னா மாதிரி,'ஒருவாரம் போதுமா?' என்றும்
தோன்றியது. ஆனால் நேரமின்மை...சில அறியாமை சிறு தவறுகள் நிகழ்ந்திருக்கும்.
ஆனால் அதிலிருந்தே நிறைய கற்றுக்கொண்டேன். சக பதிவர்களும் பொறுத்துக் கொண்டதுக்கு
நன்றி!

கண்மணி,கயல்விழி முத்துலெட்சுமி இறுதியாக சகோதரர் சீனா இவர்களின் அழைப்பை
எப்படி பயன்படுத்திக் கொண்டிருக்கிறேன் என்று அவர்கள்தான் சொல்லவேண்டும்.
அவர்களுக்கு என் மனமாந்த நன்றிகளை தெரிவித்துக்கொள்கிறேன்.

வலைச்சர பொறுப்பாசிரியர் சகோதரர் சீனா அவர்களுக்கு என் தனிப்பட்ட நன்றியையும்
சொல்லிக்கொள்கிறேன். சரம் தொடுக்கும் விதம், வரிசை பற்றி மின்னஞ்சலில் மூலம்
தெரியப்படுத்தியதுக்கு. என் தயக்கத்தையும் போக்கியதுக்கு.

நானுண்டு முடிந்தபோது போடும் என் பதிவுண்டு என்றிருந்த என்னை ஒரு வாரம் அங்கிங்கே
திரும்பமுடியாமல் உட்கார்த்தி வைத்துவிட்டர்கள். சந்தோஷமாக ஏற்றுக்கொண்டாலும்
சற்று சிரமமாகத்தானிருந்தது. ஆனால் வந்து விழுந்த பின்னூட்டங்கள் சிரமத்தை,' சற்றே
விலகியிரும் பிள்ளாய்!' என்று தள்ளி வைக்க வைத்து விட்டது. நிறைய பழமும் தின்றேன். சீனா? கொட்டைகள் போதுமா?
நானும் ஜாம்பவான்களில் ஒருத்தியாகி விட்டேனா? ஹி..ஹி...!`

விடாமல் பின்னூட்டங்கள் போட்டு உற்சாகப்படுத்திய தமிழ்பிரியனுக்கும் நன்றிகள்!!
எனக்குத் தெரிந்த பதிவர்கள் அனைவரையும் பற்றிச் சொல்ல ரொம்ப ஆசைதான்.
என்னால் முடிந்தவரை செய்திருக்கிறேன்.

இறுதியாக வலைச்சரம் தொடுப்பதில் எனக்கு பேருதவியாக இருந்த ராமலஷ்மிக்கும்
என் நன்றிகள்!!!சில தொழில் நுட்பங்களை போனிலேயே சொல்லி உதவினார்.
சீக்கிரமே அவரும் வலைச்சரம் தொடுப்பார்...வாசமிகும் பூக்கள் கொண்டு...ஆம் இருப்பது
பெங்களூரூவில் அல்லவா?

முதல் பதிவில் என்னை உற்சாகப் படுத்திய நண்பர்கள், நண்பிகள்....சுப்பையா வாத்தியார்,
அம்பி, சர்வேசன், சிவமுருகன், மங்களூர்சிவா, பரிசல்காரன்,புதுகை அப்துல்லா, சதங்கா, கோவிகண்ணன், மேளதாளத்தோடு வரவேற்ற துளசி, வல்லி, புதுகைதென்றல், என்னைச்
சுத்திசுத்தி வந்து ரீங்காரமிட்ட புதுத்தேனீ...நீங்கள் கொடுத்த ஊக்கம் எனக்கு தெம்பு தரும்
டானிக்காக அமைந்தது. அனைவருக்கும் என் கோடானுகோடி நன்றிகள்!!!

எம்பெருமான் ஈசன் கருணையால் நல்லபடியாக(?!)முடிந்தது.

அடுத்து வலைச்சரம் தொடுக்க வரும் பதிவரை வருக..வருக..வென வரவேற்கிறேன்..
வாழ்த்துகிறேன்!!!!!

இன்று நண்பர்கள்தினம்!!இந்நாளில் வலையுலக நண்பர்கள் அனைவருக்கும் என் நண்பர்கள்தின வாழ்த்துக்களை தெரிவித்துக்கொள்கிறேன்!!!