வலைச்சரத்தில் நான்காம் நாள்

உலகம் அடங்கிப்போய் நடுநிசியில் இதைக் கேட்டுப்பாருங்கள்.முதலில் வரும் இசைத் தீற்றல்கள் சிலிர்க்க வைக்கும்.கேட்கும் போது நாமும் தியானத்தில் இருப்பது போல் ஒரு உணர்வு.பாட்டில் ஒரு அமைதி/ஏக்கம் கவ்விக்கொண்டிருக்கும்..

மேற்கண்ட வரிகளை தீட்டியவர் மனதில் இளமை ஊஞ்சலாடும் ஒருவர். கவிதைகளில் , குட்டிக் கதைகளில் அசரடிக்கிறார். இளையராஜாவை அவர் சிலாகித்திருக்கிறார் பாருங்கள். அற்புதமான ரசனை. நான் பேசவந்தேன் என்று சொல்வதில்தான் எத்தனை அர்த்தங்கள். வாழ்த்த வயதில்லை. வணங்குகிறேன் ரவிஷங்கர் சார்.

நக்கல், எதிர்கவுஜை/பதிவுகள்/ சாருவுக்கு தொண்டரடிபொடியாழ்வார் என்று பலரூபங்கள் உள்ள தம்பி. சிவாஜி நடித்த திரைப்படத்தின் பெயரில் வலைமனை வைத்திருக்கிறார். அனுபவங்களை புனைவுகளாக மாற்றி அசரடிக்கிறார். வாழ்த்துக்கள் அரவிந்த்.

ஒரு புள்ளி மறைந்திருப்பதால் மருத்துவரான கவிஞர் இவர்.மேஜிக்கல் ரியலிசம் பாணியிலான கவிதைகள் எழுதுகிறார். இவரும் சாருவுக்கு அடியார்தான். எல்லோருக்கும் பின்னூட்டாமிட்டு ஆதரிப்பவர். அறிதலில் காதல் அஷோக்(டி.ஆர்.)

எவனோ ஒருவனாய் எழுத ஆரம்பித்து, அதிவீரம் வந்து பிராதபிக்கும் தம்பி பெஸ்கி. கதை, கவிதை, பயணங்கள் என்று பலவற்றையும் எழுதுகிறார்.ஒரு கரு.. நான்கு கதைகள். இந்த கதை முற்றிலும் மாறுபட்ட ஒரு உத்தியில் எழுதப்பட்டது. வாழ்த்துக்கள் பெஸ்கி.

உலகசினிமாவில் காதலன். பார்க்காத சினிமாக்களை விரல் விட்டு எண்ணிவிடலாம்.(அது மைனாரிட்டியாத்தான் இருக்கும்) ஆழ்ந்த விமர்சன திறன். படித்து பாருங்களேன். நன்றியும் , வாழ்த்துக்களும் வண்ணத்துப்பூச்சியாருக்கு.