கருணிடமிருந்து பொறுப்பேற்கிறார் கவிதை வீதி சௌந்தர்

அன்பின் சக பதிவர்களே

இன்றுடன் முடியும் வாரத்திற்குப் பொறுப்பேற்ற அருமை நண்பர் கருண், தான் ஏற்ற பொறுப்பினைச் சரிவர நிறைவேற்றி, மன மகிழ்வுடன் நம்மிடமிருந்து விடை பெறுகிறார். இவர் கடந்த ஏழு நாட்களில ஏழு இடுகைகள் இட்டு, எழுபது பதிவர்களையும் அவர்களது அறுபத்தைந்து இடுகைகளையும் பல் வேறு தலைப்புகளில் அறிமுகம் செய்து, ஏறத்தாழ நூற்று நாற்பதுக்கும் மேலாக மறுமொழிகள் பெற்றிருக்கிறார்.

நண்பர் கருணை வாழ்த்தி வழி அனுப்புவதில் பெருமை அடைகிறேன்.

நாளை துவங்கும் வாரத்திற்குப் பொறுப்பேற்க வருகிறார் நண்பர் கவிதை வீதி சௌந்தர். இவரது முழுப்பெயர் மு.சௌந்தர பாண்டியன். திருவள்ளூர் அருகே உள்ள வெள்ளியூர் கிராமத்தினைச் சேர்ந்தவர். M.A., M.Phil., B.Ed படித்தவர். தனியார் பள்ளியில் வரலாற்று ஆசிரியராகவும், மற்றொரு கல்வி மையத்தில் கணக்கு பதிவியல் ஆசிரியராகவும் பணி புரிகிறார்.

தூங்காத விழிகளோடு ...என் பேர் பிரம்மன் என்ற தலைப்புகளில் இரு கவிதை நூல்கள் வெளியிட்டுள்ளார். சுயமரியாதை இயக்கமும், ஆதிதிராவிடர்களும் என்ற ஒரு ஆய்வுக் கட்டுரையும் வெளியிட்டிருக்கிறார்.

திருவள்ளூர் மாவட்டம் ஊர் காவல் படையின் உட்கோட்ட அதிகாரியாகவும் பணியாற்றிக் கொண்டிருக்கிறார். திருவள்ளூர் மாவட்ட ஊர்காவல் படையின் வருட மலராக வெளிவரும் ”ஊர்வேலி” இதழின் ஆசிரியராகவும் செயல்படுகிறார்.

நண்பர் கவிதை வீதி சௌந்தரை - வருக ! வருக ! பொறுப்பேற்க வருக ! அறிமுகங்களை அள்ளித் தருக ! என வரவேற்று வாழ்த்துவதில் பெருமகிழ்ச்சி அடைகிறேன்.

நல்வாழ்த்துகள் கருண்

நல்வாழ்த்துகள் கவிதை வீதி சௌந்தர்

நட்புடன் சீனா