புதிய பதிவர்கள் - ஏழாம் நாள்

வலைச்சரம்  ஏழாம் நாள்                7-12-2014 ஞாயிற்றுக்கிழமை

புதிய பதிவர்கள்

பதிவுலகத்திற்கு இந்தப் பதிவர்கள் பழையவர்களாக இருக்கலாம். ஆனால் எனக்கு இவர்கள் புதியவர்கள். அதனால் இந்தப் பதிவிற்கு இந்தப்பெயர் வைத்தேன். இந்தப் பதிவர்கள் இதற்காக என்னை தூக்கில் போடமாட்டார்கள் என்று நம்புகிறேன்.

1.தளிர் சுரேஷ்

இவருடைய தளத்தின் முகப்பு



லிங்க் : http://thalirssb.blogspot.com/

இவர் 2010 ம் ஆண்டிலிருந்து பதிவிடுகிறார். இவருடைய பதிவுகளில்  நல்ல சிந்தனைகள் விரவிக் கிடக்கின்றன. அவருடைய ஒரு பதிவில் அவர் எடுத்தாண்ட ஒரு கவிதை.

ஆவீன மழைபொழிய இல்லம் வீழ 
     அகத்தடியாள் மெய்நோவ அடிமை சாவ 
மாவீரம் போகுதென்று விதைகொண் டோட 
     வழியிலே கடன்காரர் மறித்துக் கொள்ளச் 
சாவோலை கொண்டொருவன் எதிரே செல்லத் 
     தள்ளவொண்ணா விருந்துவரச் சர்ப்பந் தீண்டக் 
கோவேந்தர் உழுதுண்ட கடமை கேட்கக் 
     குருக்கேளா தட்சணைகள் கொடுவென்றாரே

இது ஒரு பழங்காலத்துக் கவிதை. ஆனாலும் மனிதன் படும் துன்பங்களை தெளிவாக எடுத்துரைக்கிறது.

நம் நாட்டின் பொது கழிப்பிடங்களின் நிலை பற்றி ஒரு பதிவு போட்டிருக்கிறார். உண்மை நிலைதான். ஆனாலும் மக்கள் இதை உணர்ந்த தாகத் தெரியவில்லை. அவ்வளவு ஏன், பல பணக்கார ர்களின் வீடுகளிலே கூட கழிப்பறைகளை சரியாகப் பேணுவதில்லை என்பது நடைமுறை உண்மை.

இத்தகைய சிந்தனைப் பதிவுகள் இவர் தளத்தில் விரவிக் கிடக்கின்றன.

2.      டாக்டர் ஜம்புலிங்கம்

தஞ்சை தமிழ் பல்கலைக்கழகத்த்தில் தணிபுரியும் இவர் பதிவுகளில் ஆர்வமுள்ளவராய் இருக்கிறார். இவருடைய தளத்தின் முகப்புப் படமே இவருடைய கலை உணர்வைக் காட்டுகிறது.

லிங்க் : http://drbjambulingam.blogspot.com/

இவர் இன்னொரு தளமும் வைத்திருக்கிறார். சோழ நாட்டில் பௌத்தம் என்பது அதன் பெயர். இந்த தளத்தில் தன்னுடைய ஆராய்ச்சிக்காக எடுத்த முயற்சிகளையும் பயணங்களைப் பற்றியும் எழுதுகிறார்.

லிங்க் : http://www.ponnibuddha.blogspot.com/

இவ்விரு தளங்களும் பார்க்கவேண்டியவை. தஞ்சாவூர்க் கோவில்களின் சிறப்பை இங்கே பதிந்துள்ளார். புத்த கயா பற்றிய அரிய தகவல்களைத் தனிப்பதிவாகப் போட்டுள்ளார். பலருடைய தளங்களையும் பார்க்கிறார். அதோடு அவைகளில் பின்னூட்டமும் தவறாது இடுகிறார்.

3.      ரூபன்

இவரது தளம் ;

லிங்க் : http://tamilkkavitaikalcom.blogspot.com/

இவருடைய "நிறைவேறாத எதிர்பார்ப்புகள்" என்கிற சிறுகதை ஒரு உணர்ச்சிகளின் சங்கமம். மீளாத்துயரமும் ...ஆறாத்துயரமும் என்ற கவிதை நம் கண்களிலும் கண்ணீரை வரவழைக்கிறது.

4. நிஜாமுத்தீன்
இவர் தளத்தின் முகப்பு

 லிங்க் :  http://nizampakkam.blogspot.in/

இவரின் பதிவுகள் சிந்தனைக்கு விருந்தாக அமைந்துள்ளன. நாம் சாப்பிடும்போது அதில் கருப்பு அரிசிசாதம் இருந்தால் அதை எடுத்து வெளியில் போடுவோம். அதற்கு ஒரு கதை சொல்கிறார் பாருங்கள்.

சுஜாதாவிடம் சில கேள்விகள் பதிவு நல்ல நகைச்சுவை. இவரின் குண்டப்பா-மண்டப்பா சீரிஸ் பதிவுகளைப் படியுங்கள். சிரித்து வயிறு வலித்தால் நான் பொறுப்பில்லை.

5. அ.பாண்டியன்

இவர் தளத்தின் பெயர்  : அரும்புகள் மலரட்டும்

லிங்க் : http://pandianpandi.blogspot.com/

மணப்பாறையைச் சேர்ந்த இவர் கவிதை, கட்டுரை, ஆன்மீகம் ஆகிய பல பொருள்களில் பதிவு இடுகிறார்.

உலகம் சுருங்கி விட்டதா என்ற கேட்டு நம் சிந்தனைகளைத் தூண்டிவிடுவதைப் பாருங்கள்.

6.   தனிமரம்

லிங்க் : http://www.thanimaram.org/

ஒரு வித்தியாசமான பதிவர். இவரையும் புரிந்து கொள்ள முயற்சிப்போம்.

7.புதுவை வேலு

தளத்தின் லிங்க்; http://kuzhalinnisai.blogspot.in/

ஒட்டக்கூத்தன் பாட்டுக்கு இரட்டைத் தாழ்ப்பாள் என்று கேள்விப்பட்டிருக்கிறோம். ஆனால் அதன் பொருள் நம்மில் எத்தனை பேருக்குத் தெரியும்? வேலுவின் இந்தப்பதிவைப் பாருங்கள்.

http://kuzhalinnisai.blogspot.in/2014/11/blog-post_17.html

8.சொக்கன் சுப்பிரமணியன்

தளத்தின் பெயர் : உண்மையானவன்

அமெரிக்காவில் இருக்கும் இவர் தன்னுடைய அமெரிக்க அனுபவங்களை சுவையாக பகிர்கிறார். அங்கே இவரை வைத்து இவர் நண்பர் எடுத்திருக்கும் போட்டோவைப் பாருங்கள்

“காதல் - எதிர் வீட்டு நிலவு” எனும் தலைப்பில் ஒரு கற்பனைக் காதலை உருவகப்படுத்தியுள்ளார். அதற்கு இவர் போட்டிருக்கும் படம் சூப்பர்.

9. உஷா ஸ்ரீகுமாரின் பார்வைகள்...

இந்த தளத்தின் உரிமையாளர் திருமதி உஷா ஸ்ரீகுமார் அவர்கள்.

பிரமிடுகளைப் பற்றி சிறு வயதில் இருந்து படித்து வந்திருக்கிறோம். ஆனால் இந்த பதிவில் இருக்கும் முழுமையான தகவல்களை பலரும் அறிந்திருக்க மாட்டார்கள்.

2012 ல் இருந்து பதிவுலகில் வலம் வரும் இவர் பல சப்ஜெக்டுகளைத் தொட்டுள்ளார். பிரதமர் மோடியின் சம்பளம் இதர படிகள் எவ்வளவு? இந்த விவரம் உங்களுக்குத் தெரியுமா? இவர் தெரிந்து வைத்துள்ளார். PMO ஆபீசில் இவருக்குள்ள செல்வாக்கு என்ன என்பது புரிந்ததா?

10. துரை செல்வராஜு

தஞ்சையம்பதி என்ற தளம் இவருடையது

பெரும்பாலும் நல்ல ஆன்மீகப் பதிவுகள் போடுகிறார்.

11.பசி.பரமசிவம்

படைப்பு உலகம் என்பது இவருடைய தளத்தின் பெயர். ஆன்மீகம் சம்பந்தமான கட்டுரைகள் எழுதுகிறார்.

இத்துடன் இந்த வார வலைச்சரப் பதிவுகள் முடிவடைந்தன.